Ɉeremi 51:62 - Yálá laawoo hɛɓɛ (dc)

⁶² Yili pulu, yɛ́ diɛ: «Yai-Laa yɛ́ ɓə mɛ̨nįi ŋɛ̨i laa ə́ kwəi, yɛ hvilɛn na gɛɛnąą ŋɛ̨i ɓa, yɛ́ kɛ diɛ, ə́ kaa pai nąą woloi hvá hɛn da lɛɛ laa a vulú, yɛi kɛ a nu, a wala kɛ tii, huwɔ. Ə́ mo, yɛ́ ə́ kaa nąą kɛi a lɔi pun a yələ kəlee.»

Yálá laawoo hɛɓɛ

⁶² Yili pulu, yɛ́ diɛ: «Yai-Laa yɛ́ ɓə mɛ̨nįi ŋɛ̨i laa ə́ kwəi, yɛ hvilɛn na gɛɛnąą ŋɛ̨i ɓa, yɛ́ kɛ diɛ, ə́ kaa pai nąą woloi hvá hɛn da lɛɛ laa a vulú, yɛi kɛ a nu, a wala kɛ tii, huwɔ. Ə́ mo, yɛ́ ə́ kaa nąą kɛi a lɔi pun a yələ kəlee.»

Bible

⁶² À kɛ̀ tí, Ɣâla fɛli yɛ̂ɛ, ‘Yâwɛɛ, í mò yɛ̂ɛ ya pâi gwaai ŋí ma su karâi a gɛɛ fúlu-sɛŋ da fé lɛ̀ɛ naa, é máŋ kɛ́ yɛ̂ɛ núu-kpune, kpaa máŋ fɛnɛ-sɛŋ. Í mò a gɛɛ ǹaa a pâi kɛ̂i a fɛ̃ɛ-kpâlaŋ su wɔ́lɔ-wɔlɔ da wɔlɔ-wɔlɔ.’

Ɉeremi 51:62 Iomraidhean Croise

Ɉeremi 25:12

«Gwɛlan bow mɛ̨ihveelɛi tii a tɛɛ, ŋį́ hee Babilonə tɔɔmun ɉu, di wɔ túwɔ́ pələ ɲɔ̨n mąą mɛ̨nį ɓa. Ŋą́ hee Kalde lɔi hu. Ɲą́ą́ Yai-Laa nwóó li! Ŋą́ nąą mąą pənə a lɔi pun a yələ kəlee.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 33:12

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Ɉuda taaɠaa kəlee hu, da gɛɛnąąi ŋɛ̨i a lɔi pun, nu hvo laa, taatɛlɛɛ hvo laa; taatɛlɛɛ kwənąŋaa kaa nwɔ̨nɔ̨ kɛi laa. Daatɛlɛɛ mɛ̨i kaa nuą diɛ di wɔ ɓɛlaaɠaai pɛlɛ laa.

Ɉeremi 50:12

Nwumɛ̨ aa ka lee ɲɛ̨i paa, nɛ̨ɛ̨nui ŋɛ̨i ka kaai, nwumɛ̨ aa tɛ ma, lɔiɠaa lɔwai, aa kɛ a nɛɛ bulu, aa kɛ a: lɔi pun, ɉu kpalaa, a lɔi kpoloon.

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 51:43

Nwɔ taaɠaai daa lɛɛ a taa kpoloon, a gbɔwɔlɔ kwɛni lɔi, da gbalə koloon nɔwɔ. A lɔi yii nu ta hva kɛa hee ɉu, nu ta hva kɛa daa tɔɔ laa, nu ta hva kɛa tɛɛ laa.

Ɉeremi 51:61

Ɉeremi yɛ Seraya ɓa; yá pa həlii Babilonə, yá nąą kaa, nwooɠaa ŋɛ̨i kəlee ɓo.

Izikiɛ 35:9

Ŋą́ ə́ kɛ a lɔi pun a yələ kəlee da nwɔɔ, ɛlɛɛ, nu ta hva kɛa hee ə wɔ taaɠaai hu. Nąąlɔwai ka gbaɠala kaa kaa diɛ ɲą́ą́ ɓə gáá a Yai-Laa.