Ɉeremi 51:58 - Yálá laawoo hɛɓɛ (dc)

⁵⁸ Yai-Laa Mɛ̨nį Kəlee ŋą Hééɓomun woo ka, yɛ mą: «Babilonə taa mąąkpɛɛ hįį ŋąą kɛnɛ̨i, aa pu kpɔ tɛ̨ɛ̨tɛ̨ɛ̨?. Nwɔ̨n aa nwɔ kpon gbɛa-kpɛaa kələn. Nuą kaa mɔ̨nɔ̨ mįi kpɛli kpɛli, tɔ̨nɔ̨i lɔiɠaa kaa gwɛlii, nwɔ̨n gɔ̨nɔ̨n ni.»

Yálá laawoo hɛɓɛ

⁵⁸ Yai-Laa Mɛ̨nį Kəlee ŋą Hééɓomun woo ka, yɛ mą: «Babilonə taa mąąkpɛɛ hįį ŋąą kɛnɛ̨i, aa pu kpɔ tɛ̨ɛ̨tɛ̨ɛ̨?. Nwɔ̨n aa nwɔ kpon gbɛa-kpɛaa kələn. Nuą kaa mɔ̨nɔ̨ mįi kpɛli kpɛli, tɔ̨nɔ̨i lɔiɠaa kaa gwɛlii, nwɔ̨n gɔ̨nɔ̨n ni.»

Bible

⁵⁸ Babelɔŋ nyíi ŋ̀wála-walaai, ŋɔsiɣãŋ a pâi wôloi é tóo ǹɔii ma. Ŋɔsiɣãŋ la-ƃerei kpòŋ a pâi kêrenîi kpɔ́ kpúŋ, Ǹɔii-ŋuŋ-ŋai dítii kélee káa kpɛ́ni-kpɛni. Ŋɔŋ a dítii-ŋai kélee kpɔ́ su-kara. Ńyãa Ŋ̀wála-wâla kélee Yâwɛɛ ƃé mò tí.”

Ɉeremi 51:58 Iomraidhean Croise

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Azaya 13:2

«'Ka tɛ yee ta nwuɔ̨, ɓɛi lɔwɔ hvo laa, 'ka ɉilɛyili tɛ ɲələi, 'ka tómą, 'ka ka yee tɛ yələi, 'ka di təli galanɉonŋąą yəi bɛlɛ́ laaləi,

Azaya 47:13

Da kɛ ə́ wəlii woo ɲąąnwąnąi a liɛwoo tamąą, Nuąi tii di pa kɛa wɛ, diɛi tii da kɛ mɛ̨nį kwɛlii yələ kwəi, diɛ tɔlukpɛ a pɛmɛ̨lɛ̨n-gɔwɠaa, ɲąnįn dɔɔ pələ tɛi tɛi, mɛ̨nįɠaai pai kɛi ɲąnįn tii yeemu, ɉukulɔ, nuą kpɔ di di muhəɠə kɛa, di ə́ ɓalo.

Azaya 65:23

Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Ɉeremi 50:15

'Ka tomą mɛ̨i gwɛlɛ kəlee, aa pɛlɛ, 'Ka ɉon. Mąąkɔ̨nwɔ̨ pɛlɛ́ɠaa daa wolo, mąąkpɛɛ hįiɠaa daa pu, Yai-Laa ka tii nwąną kulɔi. 'Ka ka nwąną kulɔ mą, 'Ka naa mą, yɛ bələi ə naa la kaa.

Ɉeremi 51:30

Babilonə kɔ́kulááɠaa daa lənə gɔ́ ɓa, daa hee so-so, hoŋonŋaa hu, di hvaai aa kpɛɛ di yəi, daa kɛ yɛ nɛ̨ąą, di kaa nwɔ pɛlɛ́ɠaai kələn ɉii. Diɛ nwɔ kponŋaai ɓɛla.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Ɉeremi 51:64

Ɛlɛɛ, yɛ́ mą: «Bələ ɓə Babilonə kaa pai lɛɛi la yai, mɔ̨nɔ̨ɠaai gáá pai naai mą, hva kɛa pənə hvo kulɔ ɉu.» Ɉeremi wooɠaa kpɛlai ka tii.

Ɉeremi 51:9

Kwaa Babilonə hali kɛ pələ kwɛli, Kɛlaa, kɛi hvo kɛa mą. 'Ka tee kɛa mą, nu kəlee ə li bɔ taai, nwɔ mɛ̨nįi aa həli yələkɔlɔ ma, aa tɛ tulɔ kpinįnŋaa diɛ.

Ɉeremi 9:5

Hulu mɛ̨nį, too mɛ̨i, yili lɔ ɓə kɛa di yee pɔ, di hva kɛa tɛ̨ą ɓo, di hvo bɔ di hvo Yai-Laa kɔ́lɔn. Ɲą́ą́ Yai-Laa nwóó li.

Woolaa 5:5

Nuąi ku mɔ̨nɔ̨ ɓoi, di kaa pɛlɛni ku pulu; ku hvįi aa kpɛɛ, ku hvįitɔɔ pələ hvo mą.

Habakukə 2:13

Kɛlaa nwɔ̨n gɔ̨nɔ̨n mə nuą da gwɛli diɛ mɔ̨nɔ̨ mįi kpɛli kpɛli yili kəlee a həɠə Mɛ̨nį Kəlee ŋą Hééɓomun Yai-Laa pɔ.