Ɉeremi 51:57 - Yálá laawoo hɛɓɛ (dc)

⁵⁷ «Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Yálá laawoo hɛɓɛ

⁵⁷ «Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Bible

⁵⁷ Ŋa pâi gɛ̂i ǹáa-tuɛ-ƃelai dílɔɔ kpéle, é dí kɛ́, da ŋɔtáre-ƃelai, ŋɔnúu-mɛi-ƃelai, é pɛlɛ ŋɔkɔ-kuluƃa-ŋai da dí láa túɛ-ƃelai dîa. Da pâi lâai dí nyíi, kɛ́lɛ dífe pâi díŋɛi-la ƃôi. M̀ɛnii ŋí ƃé Ńyãai a Gâloŋ ŋá m̀o, Ńyãai a Ŋ̀wála-wâla kélee Yâwɛɛi.

Ɉeremi 51:57 Iomraidhean Croise

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Ɉeremi 13:13

Yá bulu pənə diɛ, yɛ́ diɛ: ‹Yai-Laa yɛ: Nɔi ŋɛ̨i hu nuą kəlee, di wɔɔ tɔɔɓɛlaai di kaa a Davidə huwu, diɛi heeni nwɔ tɔɔkpəlin mɛ̨i, ɉaláá laa həli nuą mąn, da Yálá kwəi mɛ̨nį hukulɔ nuą mąn, da Ɉerusalɛmə nuą kəlee; gáá pai gəlee kɛi yɛ lɔɔ honŋaa.

Ɉeremi 25:27

Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»

Ɉeremi 46:18

Akɛ kpɔ gáá a vulú, dɔɔmun da kɛ mą: Yai-Laa Mɛ̨nį Kəlee ŋą Hééɓomun nwoo li! Gáá pai yɛ bələi Tabɔrə yee kaa la yeeɠaa lɔwai, yɛ bələi Karmɛlə yee hɛlɛn ŋąą la gboloyá mɛ̨i.

Ɉeremi 48:15

Moabə hukala mun gaa tɛi a kɔ́, yɛ pɛlɛ nwɔ taaɠaa diɛ. Ɉu hilɛlɛa li hiɛ ka tii paa ɓo kɛɛnąą. Dɔɔmun naa ɓaa Yai-Laa Mɛ̨nį Kəlee ŋą Hééɓomun, nwoo li!

Ɉeremi 50:30

«Yili mąą mɛ̨nį ɓə gɛi háákələi, nwɔ kɔkulaa laŋąą kaa tooi ɲəi gwəli hąąiɠaa, nwɔ kɔ́kulááɠaa kəlee mɛ̨i aa haa.» Ɲą́ą́ Yai-Laa nwóó li!

Ɉeremi 51:39

Hvɛ́nɛ̨ aa di yɔwɔ, gáá kɔ̨nɔ̨n bili diɛ, gáá lɔɔ tɔɔi di la, yɛ di yee kulɔ di mu, diɛ yíi, a yíi ɲɔ̨nwɔ̨mąn, kpɛɛ hvo mą, di hva kɛa pənə di hvo nwun. Ɲą́ą́ Yai-Laa nwóó li.

Izikiɛ 20:33

Gáá a vúlú ɲą́ą́ Mɛ̨nį kəlee ŋą Hééɓomun Yálá, ɲą́ą́ ɓə pai heei ka mɛ̨i a ka wɔ tɔɔmun; a váŋa kɛnɛ̨, a níí holiɛ.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Nahumə 3:18

Asiri tɔɔmun, ə́ wɔ ɲɛ̨i tɔwɔ nuąi kaa yii, ə́ wɔ kɔ́kulááɠaai di kaa lɔ kɛɛnąą tɔ̨nɔ̨, ə́ wɔ nuąi taɠa taɠaai ɲeeɠaa nwuɔ̨, nu hvo mą yii ə di lɛɠɛ di kee ɓa.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

M̀ɛni-lɛɛi 18:9

Nąąlɔwai, lɔi mɛ̨i tɔɔɓɛlaai kpɔ di kpɔwɔ tɛɛ bɔ, da diɛni diɛ wɛlikɛ, ɛlɛɛ, diɛ ɲąąnɛ̨ɛ̨ kulɔ, da pa gələn nwɔ̨n nului tii kaai, da wɔlɔ diɛ di woolaa a mąą mɛ̨nį.