Ɉeremi 51:50 - Yálá laawoo hɛɓɛ (dc)

⁵⁰ Israɛlə, kaai kulɔ Babilonə nwɔ gɔ́ kɔ́ ɓɔwa yee ŋą, 'Ka bələ həɠə! 'Ka hvo tɔɔ! Yai-Laa kili ə too ka ŋą, nwɛ̨ą lɔi hu kwɛa ŋɛ̨i hu, 'ka ka kili lɛɛ Ɉerusalɛmə hu.

Yálá laawoo hɛɓɛ

⁵⁰ Israɛlə, kaai kulɔ Babilonə nwɔ gɔ́ kɔ́ ɓɔwa yee ŋą, 'Ka bələ həɠə! 'Ka hvo tɔɔ! Yai-Laa kili ə too ka ŋą, nwɛ̨ą lɔi hu kwɛa ŋɛ̨i hu, 'ka ka kili lɛɛ Ɉerusalɛmə hu.

Bible

⁵⁰ Yâwɛɛ è lòno ŋɔnûai pɔ́ kɛ́ Babelɔŋ ǹyɛɛi, “Káai kélee kùla gɔ́i yêei ká lɛ́ɛ a káfului, kà lí loníi ma. Káfe maa kpɛ̂ŋ kɛ̀. Berei máŋ ká kɛ̂i kôyaai la kápɔ-taai mai, ka kákili-ŋa sía é pîlaŋ ḿâ, Ńyãa Yâwɛɛ, Zerusâlɛŋ kíli é tóo ká ŋá.

Ɉeremi 51:50 Iomraidhean Croise

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 52:2

'Kulɔ muluun gbala hu, ə́ ə́ mąąkpɛŋɛ̨n, ə́ haŋą ə́ tɔɔ, 'hee, Ɉerusalɛmə. Ɲɔwɔnŋaai kɛ ə́ kwąną, di tee kɛa, yɛ́i ŋɛ̨i ə́ kaa a Siɔn luwɔ nɛ̨ɛ̨gbɛlai.

Ɉeremi 31:21

Ə́ kɔ́lɔn ɉiɠaa kɛ ə́ kpaalə hu. Bələi ə́ kaa ɉon ɉii la, ə́ ɲɛ̨i pɔɔ lɛɛ mą a nɛlɛɛ. Pənə ə́ pa Israɛlə nɛ̨ɛ̨gbɛla. 'Pənə ə́ pa ə́ wɔ taaɠaai hu.

Ɉeremi 44:28

Nu tɛitɛi kaa pai kulɔi gɔi tii hu, di lɛɛ a di hvulú də li Ɉuda lɔi hu. Akɛ kɛa tii, diɛ mąn, ɲą́ą́ mąn, nui tɛ̨ą kaa bɔ da gɔlɔn.

Ɉeremi 50:8

'Ka kulɔ Babilonə, Kalde lɔi hu. 'Ka kulɔ, ka kɛ yɛ, boli hilɛɠaa da kɛ taatɛlɛɛ kpulu tɔwɔ.

Ɉeremi 51:45

Kaai a nwɔ́ nuą, 'ka kulɔ laa! Nu kəlee ə nwun mąąkɔ̨nwɔ̨, Yai-Laa nwɔ líiholi kɛnɛ̨ tɔwɔ.

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Danîa 6:11

Ɓɛlɔwai Daniɛlə ə gɔlɔn na, yɛ diɛ, daa dɔ́n tii tɔɔ, tɔɔmun aa ɲee pɔɔ too ɉu, Daniɛlə ə tɛ ɲəi ɲələi pɛlɛ hu, ə lɔ ɲəi bɛlɛ́n, nwɔ pɛlɛ́i vinɛɛtɛlɛ ə kɛ Ɉerusalɛmə taa tənən ma pələ. Yɛ pələi a gɛ la a bɔlɔ, hvóló tɔ̨nɔ̨ mu, yɛ Yálá hvɛli gee mɛ̨i haaɓa, ə lɔ, ə pu gbəlin na, yɛ nwɔ Yálái hvɛli, yɛ mąątɛ̨nɛ̨ yɛ pələi a gɛ la a bɔlɔ.

M̀ɛni-lɛɛi 18:4

Ɛlɛɛ, ŋį́ woo ta mɛ̨n yɛ həɠə yələi pələ, yɛ kɛ mą: «'Ká kulɔ daai ŋɛ̨i hu, káái a ŋą nu huwu, ə gɛ ká hvo pa too di wɔ nɛ̨ŋɛ̨nŋaai hu; ɛlɛɛ, mɛ̨nį ɲąąnwąnąą tii pai laai diɛ, ká hvo pa hɔlɔɓo ɉu.