Ɉeremi 51:46 - Yálá laawoo hɛɓɛ (dc)

⁴⁶ Və́ bɔ ka hvii hvo kpɛɛ, ə lɛɛ, mɛ̨nįɠaai di kaa moi nɔi, hvo ka mąą ɲɔw, hvo gaai, kwɛlan ɲii, mɛ̨nį yii a kulɔ; kwɛlan da kpɛli, mɛ̨nį takpɛli, wea mɛ̨nį a kɛ nɔi, tɔɔmun yɛ mɛlan dɔɔmun gbɛ.

Yálá laawoo hɛɓɛ

⁴⁶ Və́ bɔ ka hvii hvo kpɛɛ, ə lɛɛ, mɛ̨nįɠaai di kaa moi nɔi, hvo ka mąą ɲɔw, hvo gaai, kwɛlan ɲii, mɛ̨nį yii a kulɔ; kwɛlan da kpɛli, mɛ̨nį takpɛli, wea mɛ̨nį a kɛ nɔi, tɔɔmun yɛ mɛlan dɔɔmun gbɛ.

Bible

⁴⁶ Káfe yào, kálii é tóo pôlu duŋ-ŋai ka m̀ɛnii mɛ̂ni ma. Kóraŋ kélee, ka tuŋ da kpɛ́ni ŋa tàa-taa, ka tuŋ da kpɛ́ni-ŋa mɛni é pîlaŋ la berei mâ lɔii-ŋuŋ ŋa su kâloŋ-ŋa díkaa kɔ̂i la díkîe-ni pɔi.

Ɉeremi 51:46 Iomraidhean Croise

Tɔɔɓɛlaa veelɛ 19:7

Gáá hvaai mą, dɔɔmun tii ə pənə ə li nwɔ lɔi hu, ɓɛlɔwai gaa pai wɛlɛɛ hɔlɔɓoi la, gaa pai haai gbɔ-kpɔɔ lɔi tii hu ɓɔwa laa pɔɔ.»

Kɔlɔnikɔ Veerɛi 20:23

Amɔn nuą da Moabə nuą, di tinɛ̨n di pɛlɛ Seirə ɲee hu nuą diɛ, diɛ di paa, diɛ di hukala. Yii kɛa di Seirə nuą paa di di kpɛɛ, di tínɛ̨n kɛa, diɛ di kee paa.

Zôo 23:16

Yálá aa nwɔ́ huwalawala hu kala. Huwalawala Kəlee Nąmu aa ɉú pu mą́ą́.

Hanwon 24:10

Ɲələi líitoo pulu mɛ̨nį a həli la yɛ́, yá wala ə́ liikpələ, hvaŋą hva lɛɛ ə́ yəi.

Azaya 19:2

Yai-Laa yɛ diɛ: Gáá Eziptə nuą ɲąątɛi di kee ɓa, nu kəlee yɛ kɔ́ pɛlɛ gaayɔwɔ ɓa, nu yɛ kɔ́ pɛlɛ mɛlan gaa lon ma, taa yɛ kɔ́ pɛlɛ mɛlan daa ɓa, lɔi yɛ kɔ́ pɛlɛ mɛlan nɔi ɓa.

Azaya 43:5

Hvo ɲɔw, gáá ə́ pɔ, gáá pai ə́ lonnii kulɔi hvóló kulɔi pələ, gɛ́ pənə gɛ́ pa a diɛ, gɛ́ di həɠə hvóló tooi pələ, gɛ́ di ɲąąkpɔn.

Ɉeremi 46:27

Kɛlaa, ə́ wɛi, Ɉakɔbə, yɛ́i ɓaa nwɔ́ tímun, hvo ɲɔw. Ə́ hu hvo pu yɛ́ Israɛlə, gáá pai ə́ kulɔi kwɛaa la lɔiɠaa yəi, ŋą́ ə́ huwu kulɔ mąąkilɛ lɔi hu. Ɉakɔbə kaa pənəi yɛ pa liilaa hu, nwəli pulu laɠiɛ; nu ta hvo kɛa viikpɛɛi.

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Lukə 21:28

«Ɓɛlɔwai mɛ̨nįɠaai tii kaa pai gɔwɔ tɔɔi la yɛ kɛi, ka ka nwun muhəɠə ka yələi kaa, mąąhɔlɔɓo, Yálá kaa pai kɛa ka nwun mąąɓoi ɉu hvo kwɛa li.»

Nwun mąąɓo 7:22

Zedeɔn nwɔ nu nwun-ɉaaɓai tii, di kɛi di wɔ túlúɠaai hvɛɛ, Yai-Laa ə di yowoɠaa di wɔ ɓɔwaɠaai ɲɛ̨i pənə di kpɔwɔ ɓa, diɛ di kee paa. Gbəliɠaai kulɔ ɉu, di tɛɛ a gilɛ, di li Bɛtə-Sita, Serera pələ, di li kpɔ di həli Avɛlə-Mehola, Tabatə kwɛlɛ.