Ɉeremi 51:45 - Yálá laawoo hɛɓɛ (dc)

⁴⁵ Kaai a nwɔ́ nuą, 'ka kulɔ laa! Nu kəlee ə nwun mąąkɔ̨nwɔ̨, Yai-Laa nwɔ líiholi kɛnɛ̨ tɔwɔ.

Yálá laawoo hɛɓɛ

⁴⁵ Kaai a nwɔ́ nuą, 'ka kulɔ laa! Nu kəlee ə nwun mąąkɔ̨nwɔ̨, Yai-Laa nwɔ líiholi kɛnɛ̨ tɔwɔ.

Bible

⁴⁵ Eezuɛ-ƃela, ka pú kákula naa. Ka pú kákula ŋá lii ŋwâna kɛ́tɛi perêi.

Ɉeremi 51:45 Iomraidhean Croise

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Ɉeremi 50:8

'Ka kulɔ Babilonə, Kalde lɔi hu. 'Ka kulɔ, ka kɛ yɛ, boli hilɛɠaa da kɛ taatɛlɛɛ kpulu tɔwɔ.

Ɉeremi 51:50

Israɛlə, kaai kulɔ Babilonə nwɔ gɔ́ kɔ́ ɓɔwa yee ŋą, 'Ka bələ həɠə! 'Ka hvo tɔɔ! Yai-Laa kili ə too ka ŋą, nwɛ̨ą lɔi hu kwɛa ŋɛ̨i hu, 'ka ka kili lɛɛ Ɉerusalɛmə hu.

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Ɉeremi 51:9

Kwaa Babilonə hali kɛ pələ kwɛli, Kɛlaa, kɛi hvo kɛa mą. 'Ka tee kɛa mą, nu kəlee ə li bɔ taai, nwɔ mɛ̨nįi aa həli yələkɔlɔ ma, aa tɛ tulɔ kpinįnŋaa diɛ.

Zakari 2:7

Malakai tii kɛi bələ ɓo mą́ą́, ə kɛi li, malaka takpɛli yɛ pa naakwiɛn ɉii.

Lonon mo 16:26

Moisə ə mo nuą diɛ, yɛ diɛ: «Ka ka mąą kwɛa nu ɲɔ̨nwɔ̨ɔ̨ɠaai ŋɛ̨i di wɔ pɛlɛ́ɠaai diɛ. Ka hvə tunwɔ̨n di yəi hɛn da ɓa, ka hvo nee pa haa di wɔ nɛ̨ŋɛ̨nŋąąi mąą mɛ̨nį ɓa.»

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

M̀ɛni-lɛɛi 18:4

Ɛlɛɛ, ŋį́ woo ta mɛ̨n yɛ həɠə yələi pələ, yɛ kɛ mą: «'Ká kulɔ daai ŋɛ̨i hu, káái a ŋą nu huwu, ə gɛ ká hvo pa too di wɔ nɛ̨ŋɛ̨nŋaai hu; ɛlɛɛ, mɛ̨nį ɲąąnwąnąą tii pai laai diɛ, ká hvo pa hɔlɔɓo ɉu.