Ɉeremi 51:44 - Yálá laawoo hɛɓɛ (dc)

⁴⁴ Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Yálá laawoo hɛɓɛ

⁴⁴ Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Bible

⁴⁴ Ŋa pâi Babelɔŋ ɣalai Bêe kula-maa kɛ̂i. Ŋa pâi zãâi è zìɣei kélee kpɔ́ kulâi ǹyêei. Ǹyaŋ, lɔii-ŋuŋ da fé ŋɔ́nɔ pâi vɛlîi. “Babelɔŋ ŋɔsiɣãŋ a wólo.

Ɉeremi 51:44 Iomraidhean Croise

Kɔlɔnikɔ Veerɛi 36:7

Nabukodonosorə ə Yai-Laa ŋą pɛlɛ́i mu hɛnŋąą tamąą həɠə, ə li la ə ɉee nwɔ tɔɔ pɛlɛ́i mu Babilonə.

Zôo 20:15

Ɉɛn gɔwi tii ə gbələ a wea, ya ka ti a maɠi, Yálá kaa pai gulɔi gwəi.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Azaya 60:5

Yá pa yili nąą kaai, ə́ kaa pai kɛi kwəinɛ̨ɛ̨ hu, ə́ lii yɛ too ə́ kwəi pin, pin, yɛ kɛ ə ɓɛla a kwəinɛ̨ɛ̨. Mąąhɔlɔɓoɔ, di kaa pai pai a gboloyá hu hɛngɔwɠaa kəlee ə́ pɔ pələ, hįį lɔi takpɛliɠaa hu hɛngɔwɠaa diɛ həli yɛ́.

Ɉeremi 50:15

'Ka tomą mɛ̨i gwɛlɛ kəlee, aa pɛlɛ, 'Ka ɉon. Mąąkɔ̨nwɔ̨ pɛlɛ́ɠaa daa wolo, mąąkpɛɛ hįiɠaa daa pu, Yai-Laa ka tii nwąną kulɔi. 'Ka ka nwąną kulɔ mą, 'Ka naa mą, yɛ bələi ə naa la kaa.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Ɉeremi 51:18

Kili kpɛɛ gwəi hɛnŋąą li, yɛlɛɛ kulɔ ɉu hɛnŋąą li, yələi mąąnɛ̨ɛ̨ di di kwɛlanmo la, da lɛɛ ɉu.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Ɉeremi 51:47

Yili ɓə gaa mą, Yələ ta kaa pai həlii, gáá pai heei Babilonə haliɠaa hu, yili hva kɛ a nɔi ɲɛ̨i pɔ̨nɔ̨ mɛ̨nį tɔ̨nɔ̨ kpɛli. Nu kaa pai kɛi tooi lɔ a bowa.

Ɉeremi 51:53

Ə mą kɛ, Babilonə aa tɛ yələi, yɛ mąąkpɛ hįį tɔɔ, yii nu hva pɛli tɛi mą, ŋą ɉuwolo nuą ɲąątɔɔ mą, di yee ə lɔ. Ɲą́ą́ Yai-Laa nwóó li!

Ɉeremi 51:58

Yai-Laa Mɛ̨nį Kəlee ŋą Hééɓomun woo ka, yɛ mą: «Babilonə taa mąąkpɛɛ hįį ŋąą kɛnɛ̨i, aa pu kpɔ tɛ̨ɛ̨tɛ̨ɛ̨?. Nwɔ̨n aa nwɔ kpon gbɛa-kpɛaa kələn. Nuą kaa mɔ̨nɔ̨ mįi kpɛli kpɛli, tɔ̨nɔ̨i lɔiɠaa kaa gwɛlii, nwɔ̨n gɔ̨nɔ̨n ni.»

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Danîa 3:29

Ə həɠə yiihu ɓa, tɔ́n yii gáá dɔɔi, ya ka: Gɛ́ nui lɔpee gəlee, hįi lɔpee, hįi woo lɔpee gəlee ɓo nuą, nui a woo ɲɔ̨n mo a Sadrakə, Mesakə da Abɛdə-Nego ni di wɔ Yálái laa, da mąą nu hu tee-tee, di nwɔ pɛlɛ́i pu, naa ə lɛɛ, a tulun ŋą. Mąąhɔlɔɓo, di wɔ Yálái yaa tɔ̨nɔ̨ ɓə a pɛli nu nwun mąąɓoi.»

Danîa 4:1

Ɲą́ą́ Nabukodonosorə, ŋą́ kɛ kpɔ heeni ɲə́i bɛlɛ́n nɛ́ɛ́ hu, gɛ́ ɓo ɲə́i dɔɔ kwəlii.

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.

Danîa 5:19

Gɛnɛ̨ laai tii Yálá ə dɛɛ bɔ mąą mɛ̨nį ɓa hįi kəlee, nu huwu lɔpee gəlee, hįi woo lɔpee gəlee ɓo nuą, di kɛi ɲɔw ma. Nui kɛ a kɛ bɔ ə baa, a baa, nui a kɛ bɔ ə nɛɛ a vulú, ə nɛɛ a vulú. Nui a kɛ bɔ a tɔɔi tɛɛ bɔ, akɛ nwɔ̨nɔ̨ bɔ ə daɠaa mąąyɛɛ.

Danîa 5:26

Ɉɛɓɛ́ kɔ́w tii ɉukulaa ka: ‹Mene› mukulaa ɓaa: Yálá aa ə́ wɔ tɔɔlaai gwɛlan nono, gbəlai kaa mą.