Ɉeremi 51:34 - Yálá laawoo hɛɓɛ (dc)

³⁴ «Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Yálá laawoo hɛɓɛ

³⁴ «Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Bible

³⁴ Babelɔŋ kaloŋ è Zerusâlɛŋ su-tee, é m̀ii, È daa lêei su ƃò yɛ̂ɛ zimi-zɔŋ, é gbele yɛɛ sɛŋ sîrɛ. Zãâi nyíi è kɛ̀ ŋ̀wɛ̂lii, è zìɣe, é gbéli píli kwaa kôyaa ma.

Ɉeremi 51:34 Iomraidhean Croise

Zôo 20:15

Ɉɛn gɔwi tii ə gbələ a wea, ya ka ti a maɠi, Yálá kaa pai gulɔi gwəi.

Mąątɛ̨nɛ̨ 74:13

Ə́ gboloyá hu hon a ə́ hvaŋą, yɛ́ ɉu huwɔ mąąɲɔwuɔɠaa huwolo ɲa ŋą.

Hanwon 1:12

Gu di yəi hɛnŋąą həɠə di yəi, gu di kpələ, yɛ gwa kɛ a ɲąmuątaa, yɛ nu a too lɔwai.

Azaya 34:11

Nąą kaa pai lɛɛi a muú da tə́li di taa ŋą, muúɠaa da gwąą-gwąąɠaa diɛ di taa tɔɔ laa, Yai-Laa kaa pai nąą kɔ́ɔn ɉii, ə nąą lɛɛ a vowolo, gaa pai nąą hu hiɛi, ə nąą kulɔ bihɛi.

Azaya 42:22

Kɛlaa, nu huwu ta ka ŋɛ̨i, daa too di mɛ̨i, daa di yəi hɛnŋąą kulɔ di yəi, daa di too gaho ŋą kwɛni woloɠaa hu, daa di lɔ gaho pɛlɛ́ɠaa mu, diɛ di paa, kɛlaa nu ta hvo kɛi di kulɔ ɉu, diɛ too di mɛ̨i, ɛlɛɛ, nu ta hvo kɛi kɛ diɛ: «'Ka pənə ka dɛɛ di pɔ!»

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 50:7

Nui lɔpee kɛi kwiɛn a diɛ, ə kɛi di mį́i, di yówóɠaa di kɛi kɛ diɛ: «Ku hvo nɛ̨ŋɛ̨n ɉəɠə li, mąąhɔlɔɓo, di nɛ̨ŋɛ̨n ɉəɠə Yai-Laa ɓa, tələnmoi da di nąnni di kilitɔɔi kɛ mą: ya ɓaa kɛ a Yai-Laa»

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Ɉeremi 51:49

Babilonə aa yɛnɛ̨ɛ̨ nuą tamąą nwun napili, Babilonə yɛ́ kpɛli ə́ nwun napili hiɛ li, Israɛlə nuą tamąąi di nwun na aa pili, di mąą mɛ̨nį ɓa.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 2:16

Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Izikiɛ 36:3

Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Osia 8:8

Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Amɔsə 8:4

Kaa yii ka kɛ mąąwɛli nuą tan ɉii a ka kɔ́wɔ, kaa kɛ ka kpɔɔmąąyɛɛ nuą kulɔ nɔi, 'ka ka wəli tɔɔ!

Nahumə 2:2

Kɔ kpulu ka tii pai woloi yɛ́. Nuą tɔɔ daa kwɛlɛ, nuą tɔɔ diɛ bələi mąąkpɛɛ, ə́ hąą yili ə́ tɔɔ a ə́ nwąnąi.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.