Ɉeremi 51:29 - Yálá laawoo hɛɓɛ (dc)

²⁹ Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Yálá laawoo hɛɓɛ

²⁹ Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Bible

²⁹ Ǹɔii è kpɛ̃liŋ kpɛ́ni fêi, Yâwɛɛ a ŋɔmɛni kpɛtɛɛ ŋa-see kɛ̂i a gɛɛ é Babelɔŋ kɛ́ yɛ̂ɛ fɛ̃ɛ-kpâlaŋ su ƃɛ́i fúlu-sɛŋ da fa pɔ̂ri kɛ̂i naai.

Ɉeremi 51:29 Iomraidhean Croise

Azaya 14:16

Nui lɔpee a ə́ kaa, a ɲɛ̨i hee yɛ́ hįį, yɛ ə́ kaa hveelɛ hveelɛ, yɛ kɛ diɛ: «Nui lɔi ə kɛi kpɛlin dɔwɔ ya ɓəi, yai kɛi tɔɔlɔiɠaa too, yɛ́ li mɔ̨ɔ̨?

Azaya 24:20

Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Ɉeremi 50:36

Kɔ kɔ́ ɓɔwa, 'hee dɔlikpɛ nuą hu, di kaa a nu kpoloonŋaa. Kɔ kɔ́ ɓɔwa, 'hee gɔkulaaɠaa hu, di kaa tooi.

Ɉeremi 50:43

Babilonə tɔɔmun aa bələ mɛ̨n, vii aa kpɛɛ kpɔ kɛnɛ̨, niikələn ŋąą gwəi, yɛ nɛ̨ɛ̨nui kwəi nwąną kɛi nwɔ mɔ̨nɔ̨.

Ɉeremi 50:45

Mɛ̨nįi nwɔ̨nɔ̨ Yai-Laa aa mąą kili tee gwəi, yɛ hvilɛn na Babilonə ɓa, ka ka wəli tɔɔ nwɔ̨nɔ̨ mą; aa mɛ̨nįɠaa mąą nwun dɔɔ kɛ, yɛ hvilɛn na Kalde ɓa, daatɛlɛɛ kpulu lɔwai, ə mą kɛ, yiiɠaa di pɛlɛɛ-pɛlɛɛ, di kaa pai kɛi di yalai, yili hva ɉəɠə mą. Gaa pai kɛi di wɔ lɔi huwoloi, di hɔn ma, yili hvo pai ɉəɠəi mą.

Ɉeremi 50:46

Babilonə tɔɔmun too tín gaa pai lɔi kpɛlin ɉii. Doma woo yɛ tɔɔ lɔiɠaa hu.

Ɉeremi 51:26

Yɛ́i kɛ a pɛlɛ́ tɔɔ kwɛni, yɛ́i kɛ a pɛlɛ hvilɛn gwɛni, di hva kɛa kulɔ ɓɛi ə́ kaa laa, ə́ kaa pai lɛɛi a lɔi pun, a hvoló kəlee da nwɔɔ, ɲą́ą́ Yai-Laa nwóó li.

Ɉeremi 51:28

'Ka nɔiɠaa ɲąąkpɔn Yálá nwɔ kɔ́i kɔ́ mɛ̨nį ɓa, diɛ wolo ma, Medi tɔɔɓɛlaa di wɔ lɔi ɲąą woo ɓo nuą, nɔi hu kóló kɛ nuą kpɛa kpɛaɠaa da nɔiɠaai kpɔ ɲee mu.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 51:43

Nwɔ taaɠaai daa lɛɛ a taa kpoloon, a gbɔwɔlɔ kwɛni lɔi, da gbalə koloon nɔwɔ. A lɔi yii nu ta hva kɛa hee ɉu, nu ta hva kɛa daa tɔɔ laa, nu ta hva kɛa tɛɛ laa.

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Zooɛ 2:10

Nɔi yɛ dumo di tɔwɔ. Yələkɔlɔn yɛ kpɛlin. Hvóló da ɲąnin di hu yɛ kpinį. Pɛmɛ̨lɛ̨n-gɔw ta hva hvə lə.

Amɔsə 8:8

Yili ɓə gaa mą, lɔi hvo mɔ̨ɔ̨ pai kpɛlin ɉii? Ɉu nuą kəlee di hvo mɔ̨ɔ̨ pai mąąwɛli hee ɓo? Nɔi nąą kəlee kaa pai kɛi hvɛɛ yɛ wolo yɛ ɲa lee ŋɛ̨i Eziptə lɔi hu, diɛ kɛ mą: Nilə.

M̀ɛni-lɛɛi 18:2

Ə tomą kpɔ a nwoo kɛnɛ̨, yɛ kɛ mą: «Aa too, aa too, Babilonə kɛnɛ̨i aa too; aa lɛɛ kɛa a ɲįnɛ̨nŋaa heei, aa lɛɛ a ɲinɛ̨n ɉuwui lɔpee gəlee heei, a nwɛ̨nį kɔ́hɔɓoɔɠaa, diɛi di wɛlikpɛɛ nu kanŋaa diɛ, di heei.