Ɉeremi 51:27 - Yálá laawoo hɛɓɛ (dc)

²⁷ 'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Yálá laawoo hɛɓɛ

²⁷ 'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Bible

²⁷ “Ŋɛi-kɛ-maa kɛ́ a gɛɛ gɔ́i é tée. Gɔ́kɔ turii fɛ́ɛ a gɛɛ ǹɔii-ŋuŋ-ŋai kélee dí ŋ̀óo mɛ́ni. Ǹɔii-ŋuŋ-ŋai kpɛtɛ a gɛɛ dí kɔ́ pɛ́lɛ Babelɔŋ ma. M̀ó gâloŋ-ŋai kúla Alalai, Minii, da Asikena dí gɔ́i tée. Gɔ-kûluƃa-ŋai mɛi-nuu lɛ́ a gɛɛ dítɔɔ gɔ́i láa-tuɛ. Pá a zoo-ŋai nyíi-ŋai dítamaai yɛɛ gotó-kpulu kɛ́tɛi.

Ɉeremi 51:27 Iomraidhean Croise

Zɛnɛse 10:3

Gomɛrə lonnii laa ka: Askenazə, Rifatə da Togarma.

Zɛnɛse 8:4

Ɲąnin mɛ̨ihveelɛ nwɔ hvóló pow kɔ́w mɛ̨ihveelɛ yələ, gələn ə yɛɛ, ə hee Araratə yee tona.

Tɔɔɓɛlaa veelɛ 19:37

Ɓɛlɔwai ə kɛi kwɛli hvilɛn na nwɔ halii Nisrokə ɓa, Senakeribə lonnii hveelɛ: Adramelɛkə da Sarɛsɛrə, di di nąn baa a ɓɔwa, di pu, də li Araratə lɔi hu. Senakeribə lon Asaradɔn ə hee dɔɔ kpəlin ɉu a nąn mąąhvalin.

Kɔlɔnikɔ Maa-ŋuŋ 1:6

Gomɛrə lonnii laa ka: Askenazə, Difatə, Togarma.

Azaya 18:3

Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!

Azaya 37:38

Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Ɉeremi 46:23

Yai-Laa yɛ diɛ: Ka nwɔ wəlaɠaai pɔn, ə mą kɛ nu hva pɛli lɔi ɉu. Di kpulu kɛnɛ̨ pələ, lono hvo diɛ.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Ɉeremi 50:9

A tɛ̨ą, gáá pai ɲələi pələ lɔi kpɛa kpɛaɠaa yee lɔi gee hu, di pɛlɛ Babilonə ɓa a kɔ́, di kaa pai woloi mą, a kɛ a ɉonŋaa di yəi. Di wɔ tonwąɠaai kaa yɛ kɔ́kuláái kɔ́ aa nɛ̨ɛ̨ mą, hva pənə hvo pa a ɲee howolo.

Ɉeremi 51:12

'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.

Ɉeremi 51:14

Yai-Laa Mɛ̨nį Kəlee ŋą Hééɓomun aa gwɛla a gbɔwɔ; yɛ diɛ: «Gáá ə́ laa hvɛɛi a nuą, di tamąą di tɛɛ peelə ɓa, diɛ kɔ́ húú pili ə́ mɛ̨i, yɛ mɔ̨nun dee nuą da kɛi tomą.»

Ɉeremi 51:28

'Ka nɔiɠaa ɲąąkpɔn Yálá nwɔ kɔ́i kɔ́ mɛ̨nį ɓa, diɛ wolo ma, Medi tɔɔɓɛlaa di wɔ lɔi ɲąą woo ɓo nuą, nɔi hu kóló kɛ nuą kpɛa kpɛaɠaa da nɔiɠaai kpɔ ɲee mu.

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.