Ɉeremi 51:11 - Yálá laawoo hɛɓɛ (dc)

¹¹ 'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Yálá laawoo hɛɓɛ

¹¹ 'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Bible

¹¹ Yâwɛɛ è Midia kaloŋ-ŋai líi mù sìɣe kpɛ́ni fêi, a ŋ̀wɛ̂li é Babelɔŋ lɔii su-kara. Berei ŋí ƃé a pâi kpa kulâi la dîa Ŋɔɣâla-pɛrɛ Kɛ́tɛi wólo mɛ̂ni ma. Gɔ-kuluƃa-ŋai mɛi ǹúui è mò ǹyɛɛ, “Ka kásɔa-ŋai síɣe a gɛɛ ŋ̀á lí. Ka kásɔla ŋáɣale kɔli-kalaŋ-ŋai kpɛtɛ.

Ɉeremi 51:11 Iomraidhean Croise

Tɔɔɓɛlaa dɔlɔɔ 11:14

Yai-Laa ə nu ta líi muhəɠə Salomɔn pɔ a ɲowolaa. Edɔmə mun kɛ a Hadadə, yai kɛ a Edɔmə tɔɔɓɛlaa huwu hu mun da.

Tɔɔɓɛlaa dɔlɔɔ 11:23

Yálá ə Salomɔn ɲowo takpɛli muhəɠə, yili ɓa kɛ a Ɛliada lon Rezɔn. Ə pu, ə həɠə Sova tɔɔmun Hadadɛzɛrə pɔɔli, yai kɛ a nąmu.

Kɔlɔnikɔ Maa-ŋuŋ 5:26

Yili ɓə gɛ, Yálá ə Asiri tɔɔɓɛlaai nuąi kɛ a Pulə da Tilgatə-Pilnesɛrə lii muhəɠə Rubɛn huwu, Gadə huwu da Manase huwu bələ tɔ̨nɔ̨ diɛ, di di hon a luwɔɠaa, di li a diɛ, Hala, Habɔrə, Hara da ɲalee ŋɛ̨i kɛ Gozan gwɛlɛ; háá ɓa háá di kaa laa.

Kɔlɔnikɔ Veerɛi 36:22

Ya ɓə, Pɛrsə tɔɔmun Sirusə ŋą tɔɔlaa gwɛlan dɔlɔɔ yee mu, əgɛ mɛ̨nįi ŋɛ̨i Yai-Laa ə mo Ɉeremi laaləi, naa ə hon, Yai-Laa ə Pɛrsə tɔɔmun Sirusə kiliŋą pɔ̨nɔ̨, əgɛ, di bɛ̨ɛ̨ a hɛɓɛ́, di nolo ɓo, ɓɛi kpɔ ŋą tɔɔlaa ə həli laa, diɛ mą:

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Azaya 10:26

Yai-Laa Mɛ̨nį Kəlee ŋą Hééɓomun kaa pai nwɔ hvaɠai pilii ɲee mɛ̨i, yɛ Asiri kɛlɛ la, yɛ bələi ə Madian kɛlɛ la Orɛvə kwɛnii ɓa, yɛ nwɔ tunwɔ̨n ɉaŋą gboloyá mɛ̨i, yɛ bələi ə gɛ la Eziptə lɔi hu.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 21:5

Daa kɔ̨nɔ̨n bɛli, mąąkpɛ kɛ nuą, kaa mąąkpɛ kɛi, nuą diɛ di laa mįi, diɛ di kpələ, 'ka ka muhəɠə, yala nąmįną, ka gɔ́ kɔ́ hɛnŋąą pɛli.

Azaya 41:25

Ŋą́ą́ nu təli, yɛ həɠə ɲələi pələ, aa pa, ə lɛɛ hvóló kulɔi pələ, ŋą dəli a naa, gaa ɓɔlɔn ɉii lɔi ɲąąwooɓo nuą mɛ̨i, yɛ da kɛ a palaya yɛ bələi pɔlɔ tan nuą da pɔlɔ tan na.

Azaya 45:1

Yai-Laa woo ka, nui ə mąątí a tɔɔ wulɔ, mą, yɛ mą: A Sirusə ŋɛ̨i ŋą́ą́ ɉon a mamįiyee, gɛ́ lɔiɠaa pɛlɛ gɔwɔ mu, gɛ́ tɔɔɓɛlaa di wɔ hvąŋąlaa kulɔ di yəi, gɛ́ daa mąą kpɛ kponŋąą laaɓo dɔwɔ, gbonŋąąi tii da hva pɛli lɛɛi a naa kpulɔɔ dɔwɔ.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Ɉeremi 25:25

Zimri tɔɔɓɛlaa kəlee, Elamə tɔɔɓɛlaa kəlee, Medi tɔɔɓɛlaa kəlee,

Ɉeremi 46:3

«'Ká donwą-taɠa həɠə, 'ká ɉə́mə́ɠaa həɠə, 'ká li gɔ́ ɓa.

Ɉeremi 46:4

'Ká ɉooɠaa hąą yili, hoo mɛ̨i nuą; 'ká tɛ ɉoo mɛ̨i. 'Ká tɔɔ a ka yɛli, 'ká mɔlɔɠaa lɔ, 'ká gbalaɠaa ɲąąli. 'Ká gɔ́ kɔ́ həɠəɠaa too.»

Ɉeremi 46:9

Hooɠaa! 'Ká li kɔ́ mɛ̨i, kɔ́ kɔ́ wotoloɠaa! 'Ká li gɔ́ ɓa. Kɔkulaaɠaa! 'Ká tɛɛ tɔwɔ Nubi da Putə nuą; kaai ka wɛlɛɛ hə́mə pənə, 'ká hə́mə həɠə. Ludə nuą; kaai wɛlɛɛ kilɛn bili, 'ká həɠə.»

Ɉeremi 50:25

Yai-Laa aa nwɔ kɔ́ kɔ́ kwɛli hɛnŋaa pu pɛlɛ laa ɓo, gaa nwąną kulɔ kwɛli hɛnŋaa həɠəi, Nąmu Yai-Laa Mɛ̨nį Kəlee ŋą Hééɓomun ka tii lii Kalde lɔi hu,

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Ɉeremi 50:45

Mɛ̨nįi nwɔ̨nɔ̨ Yai-Laa aa mąą kili tee gwəi, yɛ hvilɛn na Babilonə ɓa, ka ka wəli tɔɔ nwɔ̨nɔ̨ mą; aa mɛ̨nįɠaa mąą nwun dɔɔ kɛ, yɛ hvilɛn na Kalde ɓa, daatɛlɛɛ kpulu lɔwai, ə mą kɛ, yiiɠaa di pɛlɛɛ-pɛlɛɛ, di kaa pai kɛi di yalai, yili hva ɉəɠə mą. Gaa pai kɛi di wɔ lɔi huwoloi, di hɔn ma, yili hvo pai ɉəɠəi mą.

Ɉeremi 50:9

A tɛ̨ą, gáá pai ɲələi pələ lɔi kpɛa kpɛaɠaa yee lɔi gee hu, di pɛlɛ Babilonə ɓa a kɔ́, di kaa pai woloi mą, a kɛ a ɉonŋaa di yəi. Di wɔ tonwąɠaai kaa yɛ kɔ́kuláái kɔ́ aa nɛ̨ɛ̨ mą, hva pənə hvo pa a ɲee howolo.

Ɉeremi 51:12

'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Ɉeremi 51:35

Siɔn nuą ka kɛ diɛ: Nwúmɛ mɛ̨nį da nwɔ́ mąąwɛli mɛ̨nį, ə yɛɛ a Babilonə nwun, Ɉerusalɛmə, mo yɛ́ mą: ‹Ɲą́mą ə yɛɛ a Kalde nuą nwun.›»

Ɉeremi 51:36

Yii gaa tii, Yai-Laa woo ka, yɛ mą: Ɲą́ą́ ɓə ə́ mąą mɛ̨nį ɲɛ̨i kulɔi, ə́ nwąną kulɔ mɛ̨nį yɛ lɛɛ nwúɔ̨, Gáá pai nwɔ yalee kpalai, da ɲa nwun gulɔi.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Zakari 14:12

Nɔiɠaai tii gɔ́ pɛlɛ Ɉerusalɛmə ɓa, vaɠai Yai-Laa kaa pai di kɛlɛi la, ya ka: Di kaa pai lɛɛi di hvulú kɔ́wɔ ŋą, kolo ə pu di hu, di ɲɛ̨i kɔ́w yɛ luwun galai, di nɛ̨n yɛ luwun di la.

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.