Ɉeremi 50:4 - Yálá laawoo hɛɓɛ (dc)

⁴ Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Yálá laawoo hɛɓɛ

⁴ Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Bible

⁴ Yâwɛɛ è mò ǹyɛɛ, “Tãi ŋ̀ele-ŋai tí ŋ̀aa sèe a pâi kɛ̂i lai, Eezuɛ-ƃelai da Zuda-ƃelai da pâi lenêi pôlu dílɔii su díkɛ wɔ̀lɔ díkɛ ńyãai a Díɣâlai ŋ́gɔ̂ri.

Ɉeremi 50:4 Iomraidhean Croise

Kɔlɔnikɔ Veerɛi 7:14

ɛlɛɛ akɛ, ŋį́ nu huwui diɛi da náá hvɛli di mɛ̨i, da di kpɔɔ mąąyɛɛ, da vɛ́li, diɛ ɲɛ̨́ilaa gwɛli, da həɠə di túwɔ́ pələ ɲɔ̨nŋąą pulu, ŋį́ lɛɛ yələ kɔ́lɔn ɉu, ŋį́ wə́li tɔɔ di woo ɓa, ŋį́ di kɛ nɛ̨ŋɛ̨n mąąhvaalɛɛ, ŋį́ nɔi kɔ́lɔi pɔ̨nɔ̨.

Mąątɛ̨nɛ̨ 105:4

'Ka Yai-Laa kwɛli, da ŋą huwalawalai 'ka ɲɛ̨ilain gwɛli a hvąŋąlɔ.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Azaya 63:4

Ŋą́ naa tii gwə́i, gɛ́ nwą́ną́ kulɔ hvoló aa həli, nwun mąąɓo kwɛlan aa kɛ pa.

Ɉeremi 31:31

Yai-Laa woo ka, yɛ diɛ: «Gaa pai kɛi a yələ ta, kwa Ɉakɔbə nwɔ pɛlɛ́i kuɔ mįnɛ̨ ninɛ̨ həɠə, da Ɉuda nwɔ pɛlɛ́i.

Ɉeremi 33:15

Vólói tii ɉəli, ɲələi kpɔ kpɔɔ a ɉəli kpɔlɔɔ mą, gáá pai tələnmo lon da tɛɛi Davidə pɔ, yɛ tɛ̨ą da tələnmolaa di mąąkɔ̨nwɔ̨ nɔi hu.

Ɉeremi 41:6

Netania lon Yismaɛlə ə kulɔ Mispa, yɛ li di laakwiɛn ɉii, ə kɛi li, yɛ wɔlɔ; Ə həli nuąi tii diɛ, yɛ diɛ: 'Ká pa ka Ahikamə lon Gedaliasə kaa!

Izikiɛ 16:61

Ə́ kaa pai ə́ kiliŋąhiɛi ə́ túwɔ pələ ɓa, yɛ́ nwumɛ̨. Ɓɛlɔwai ə́ kaa pai ə́ liɛni nɛ̨ąą hɔlɔɓoi la, yɛ́ di pɛlɛ ə́ ləɠəni nɛ̨ąą diɛ, a ə́ lonnii; ɛlɛɛ yaan di wɔɔ hvo pai kɛi mįnɛ̨i gwa yɛ gu lɔwai ɉu.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.