Ɉeremi 50:34 - Yálá laawoo hɛɓɛ (dc)

³⁴ Kɛlaa, Israɛlə mąąkɔ̨nwɔ̨ mun vaŋa kɛnɛ̨i; di mąąkɔ̨nwɔ̨ mun tii laa ɓaa: Yai-Laa Mɛ̨nį Kəlee ŋą Hééɓomun. Ya ɓə a di mąą mɛ̨nį ɲɛ̨i kulɔ, yɛ liilaa hee nɔi tin-tin; ɛlɛɛ, yɛ Babilonə nuą hu kpɛlin.

Yálá laawoo hɛɓɛ

³⁴ Kɛlaa, Israɛlə mąąkɔ̨nwɔ̨ mun vaŋa kɛnɛ̨i; di mąąkɔ̨nwɔ̨ mun tii laa ɓaa: Yai-Laa Mɛ̨nį Kəlee ŋą Hééɓomun. Ya ɓə a di mąą mɛ̨nį ɲɛ̨i kulɔ, yɛ liilaa hee nɔi tin-tin; ɛlɛɛ, yɛ Babilonə nuą hu kpɛlin.

Bible

³⁴ Kɛ́lɛ, ǹúui nyíi pâi díkula yêei kɛ̂i, ŋ̀wála-walaai. Ǹáa ƃa Ŋ̀wála-wâla kélee Yâwɛɛ. Ǹyaa kpîŋ ƃé pâi dímɛnii su kâai. Gɛ̀ ní, a pâi pâi a lii-see ŋ̀éniɛi su. Kɛ́lɛ, a pâi mɛni kpɔ̂lu lâai Babelɔŋ ma.”

Ɉeremi 50:34 Iomraidhean Croise

Kɔlɔnikɔ Veerɛi 6:39

Lɛɛ yələ kɔ́lɔn ɉu, ɓɛi tii Ə́ kaa laa, Ə́ wəli tɔɔ di woo ɓa; Ə́ wəli tɔɔ di wɔ hvɛli wooi da di wɔ nɛ̨ɛ̨mąąhvə wooi ɓa; 'di nwąną kulɔ, ɛlɛɛ, yɛ́ nu huwui a nɛ̨ŋɛ̨n ɉəɠə Yɛ́, Ə́ di mąąhvaalɛɛ.

Zôo 19:25

Nwɛ́i, gíli kaa ɉu gɛ́ nwún mąąɓomun gaa a vulú, ya ɓə pai kɛi a nu gbəli, ə həɠə lɔi mɛ̨i.

Mąątɛ̨nɛ̨ 35:1

Davidə nwɔ wələ woo. Ee kə Yai-Laa! Nuąi ɉɔ́n moi, 'di hɔn nɛ, nuąi kɔ́ pɛlɛi mą́ą́, 'kɔ́ pɛlɛ diɛ.

Mąątɛ̨nɛ̨ 43:1

Yálá, mą́ą́ tɛ̨ą ɓo, nwún mąą kɔ̨nwɔ̨, nuąi di ɲɛ̨iyá hvo di hu, di yəi, gúlɔ, nui a nwoo kala, da ɲɛ̨nimun di yəi.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Hanwon 22:23

Mąąhɔlɔɓo, Yai-Laa a nuą tii mąąkɔ̨nwɔ̨, nuąi da hɛn gulɔ di yəi, Yai-Laa yaa kpɛli a hɛn gulɔ mąą nuą yəi.

Hanwon 23:11

Mąąhɔlɔɓo, di tɔɔ bulu kɛmun ɲee walawalaai. Yálá kpinį ɓə a di mąąkɔ̨nwɔ̨mun.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 43:14

Yai-Laa woo ka, yai a ka nwun mąąɓo, Israɛlə nwɔ Mąąhəɠəmun, yɛ diɛ: Gáá kɔ́ pɛlɛi Babilonə ɓa, ka mąą mɛ̨nį ɓa, gɛ́ nąą nuą kəlee kɛ a nuąi da pu kɔ́ tɔwɔ, a tɛ̨ą, Kalde nuą kaa pai kɛi pui; kələnŋąą hu, ɓɛi di yee looa wooɠaa ə kɛi tɔɔ laa a kwəinɛ̨ɛ̨.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 47:4

Nui a ku nwun mąąɓo, naa ɓaa a Yai-Laa Mɛ̨nį Kəlee ŋą Hééɓomun, Israɛlə nwɔ Mąąhəɠəmun.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Ɉeremi 30:20

Nonnii mąą kaa pai wiɛi, yɛ bələi di kɛ la tɔlɔɔ. Nwɔ ɲąąkpɔnŋaai ə ɓo heeni nííla kpɔ tin tín, ɛlɛɛ gɛ́ hee mɔ̨nɔ̨ ɓo nuą kəlee hu.

Ɉeremi 31:11

Ɉakɔbə kaa a Yai-Laa nwɔɔ, gaa nwun mąąɓoi, ə gulɔ ɲeetɛɛmąą mun ɲəi.

Ɉeremi 31:35

Gbɛɛ ɓə hvóló kulɔ, yɛ kɛɛ pɔ̨nɔ̨ kulɔ a yələ ɓɔɔ, ə ɲąnin da pɛmɛ̨lɛ̨n-gɔwɠaa kɛ, a kpinį hu pɔ̨nɔ̨ hɛnŋaa, gəlee da nwɔ kɛ pələ; a yaai a gboloyá tumo, yɛ nwoo kulɔ? Ɲálái tii mɛ̨nįɠaa kɛ, naa ɓaa: Yai-Laa Mɛ̨nį Kəlee ŋą Hééɓomun. Ɲálái tii nwoo ka, yɛ diɛ:

Ɉeremi 32:18

Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Ɉeremi 48:15

Moabə hukala mun gaa tɛi a kɔ́, yɛ pɛlɛ nwɔ taaɠaa diɛ. Ɉu hilɛlɛa li hiɛ ka tii paa ɓo kɛɛnąą. Dɔɔmun naa ɓaa Yai-Laa Mɛ̨nį Kəlee ŋą Hééɓomun, nwoo li!

Ɉeremi 51:19

Ɉakɔbə nwɛ̨i hvo tii, ya ɓə hɛn gəlee kɛ, ə lɛɛ, Israɛlə lɔi kaa a gwɛlin nɔi, naa ɓaa a: Yai-Laa; Yai-Laa Mɛ̨nį Kəlee ŋą Hééɓomun.

Ɉeremi 51:36

Yii gaa tii, Yai-Laa woo ka, yɛ mą: Ɲą́ą́ ɓə ə́ mąą mɛ̨nį ɲɛ̨i kulɔi, ə́ nwąną kulɔ mɛ̨nį yɛ lɛɛ nwúɔ̨, Gáá pai nwɔ yalee kpalai, da ɲa nwun gulɔi.

Woolaa 3:58

Hɛn gəlee Nąmu! Yáá nį́i mąąkɔ̨nwɔ̨. Yáá nwɔ́ yɛnɛ̨ɛ̨ nwun mąąɓo.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Mise 7:9

Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»