Ɉeremi 50:32 - Yálá laawoo hɛɓɛ (dc)

³² Tɛɠɛɓoɉu aa kalin aa too, nu ta hvo muhəɠəi. Ŋą́ą́ nwɔ̨n bili nwɔ taaɠaai hu, nwɔ̨n gaa gwɛlɛɠaa kəlee kələn ɉii.

Yálá laawoo hɛɓɛ

³² Tɛɠɛɓoɉu aa kalin aa too, nu ta hvo muhəɠəi. Ŋą́ą́ nwɔ̨n bili nwɔ taaɠaai hu, nwɔ̨n gaa gwɛlɛɠaa kəlee kələn ɉii.

Bible

³² Kálɔii-ŋuŋ ŋɛ́i tɛ̂ɛi, ǹyaŋ a pâi gɔ́ɔ tuâi é tóo. Ǹyaŋ núu da fé pâi kɛ̂i naa é mù siɣe. Ŋa pâi ŋɔŋ toôi kátaa lêei ma, ŋá kákɔ̃liŋ kélee kpɔ́ su-kara.”

Ɉeremi 50:32 Iomraidhean Croise

Mąątɛ̨nɛ̨ 119:78

Gbɔwɔ ɲąąkɛnɛ̨ nuąi tii kɛi lɛɛ pɛlɛ mą́ą́, di nwumɛ̨, nwɛ́i, ə́ wɔ tiɓoɠaai ɓə ŋą́ gíliŋąhiɛ mą.

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Ɉeremi 21:14

Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Ɉeremi 49:27

Gáá nwɔ̨n dooi Damasə mąąkpɛɛ hįi hu, yɛ Bɛn-Hadadə nwɔ tɔɔ pɛlɛ́ɠaai kələn.

Ɉeremi 51:26

Yɛ́i kɛ a pɛlɛ́ tɔɔ kwɛni, yɛ́i kɛ a pɛlɛ hvilɛn gwɛni, di hva kɛa kulɔ ɓɛi ə́ kaa laa, ə́ kaa pai lɛɛi a lɔi pun, a hvoló kəlee da nwɔɔ, ɲą́ą́ Yai-Laa nwóó li.

Ɉeremi 51:64

Ɛlɛɛ, yɛ́ mą: «Bələ ɓə Babilonə kaa pai lɛɛi la yai, mɔ̨nɔ̨ɠaai gáá pai naai mą, hva kɛa pənə hvo kulɔ ɉu.» Ɉeremi wooɠaa kpɛlai ka tii.

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Amɔsə 1:10

Gáá pai nwɔ̨n dooi Tirə daa lee hu, nwɔ̨n tii kaa pai nwɔ tɔɔ pɛlɛ́ɠaa kəlee kələn ɉii.

Amɔsə 1:12

Gáá pai nwɔ̨n dooi Tema daai, nwɔ̨n gaa pai Bɔsra taa nwɔ tɔɔ pɛlɛ́ɠaa kəlee kələn ɉii.

Amɔsə 1:14

Yili ɓə gaa mą, gáá pai nwɔ̨n dooi Raba daai, nwɔ̨n ə di wɔ tɔɔ pɛlɛ́ɠaai kəlee kələn. A kɛ a kɔ́ yələ, ɓɛlɔwai kɔ́ mɛ̨i wɔlɔ woo a kɛ tɔɔi la, a tulɔ hvaŋą kɛnɛ̨ tɛɛ yələ,

Amɔsə 1:4

Gáá pai nwɔ̨n dooi Hazaɛlə yəi bɛlɛ́n Hazaɛlə nwɔ pɛlɛ́ kpɛa-kpɛai Bɛn-Hadadə kaa mąąkpɛi, gəlee diɛ kələn.

Amɔsə 1:7

Gáá pai nwɔ̨n dooi Gaza daa lee hu, nwɔ̨n tii ə nwɔ tɔɔ pɛlɛ́ɠaai kəlee kələn.

Amɔsə 2:2

Yili ɓə gaa mą, gáá pai nwɔ̨n dooi Moabə lɔi hu, nwɔ̨n tii ə Keriyotə nwɔ tɔɔ pɛlɛ́ɠaai kəlee kələn; gɔ́ mɛ̨i woo da dulu wooɠaa hu, Moabə kaa pai lɛɛi gɔi tii hu.

Amɔsə 2:5

Yili ɓə gaa mą, gáá pai nwɔ̨n dooi Ɉuda lɔi hu, dɔɔ pɛlɛ́ɠaai di kaa Ɉerusalɛmə daai, nwɔ̨n tii a gəlee kələn.

Amɔsə 5:2

Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»