Ɉeremi 50:29 - Yálá laawoo hɛɓɛ (dc)

²⁹ 'Ka kilɛn bili nuą kəlee ɲąątɔɔ Babilonə ɓa, 'Ka mąą tinɛ̨n a kɔlaɠaɠaa ka doo gee hu, nui lɔpee ta hvo kulɔ a ka yee wolo. Bələi ə túwɔ́ la, ka gwələ kulɔ mą. 'Ka naa mą, yɛ bələi ə gɛ la. Ə tɛɠɛɓoɉu laa kulɔ a Yai-Laa, a Israɛlə nwɔ Yálá mąąhəɠɛɛ.

Yálá laawoo hɛɓɛ

²⁹ 'Ka kilɛn bili nuą kəlee ɲąątɔɔ Babilonə ɓa, 'Ka mąą tinɛ̨n a kɔlaɠaɠaa ka doo gee hu, nui lɔpee ta hvo kulɔ a ka yee wolo. Bələi ə túwɔ́ la, ka gwələ kulɔ mą. 'Ka naa mą, yɛ bələi ə gɛ la. Ə tɛɠɛɓoɉu laa kulɔ a Yai-Laa, a Israɛlə nwɔ Yálá mąąhəɠɛɛ.

Bible

²⁹ “M̀ó gerâŋ pili-ƃelai dîa dí pɛ́lɛ Babelɔŋ ma. Diai kélee da pɔ̂ri kerâŋ pilîi dí dítɛɛ. Ka tínaŋ daa lêei ma. Káfe ǹɛɛ naa núu da é pú. Ka véla fé m̀ɛnii è gɛ̀i, m̀aa mɛ̂ni ma. Ka tûa la yɛ̂ɛ berei è tùa la a m̀arâai, kpɛ́ni fêi, è ŋɛi-tɛ kɛ̀ a ńyãai a Eezuɛi, Ŋɔmaa-waa ǹúui.

Ɉeremi 50:29 Iomraidhean Croise

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Azaya 47:10

Ə́ kilitɔɔi kɛ ə́ wɔ gbąnąlaa ɓa, yɛ́ kɛ diɛ: «Nu ta hvo gáái.» Ə́ kili da ə́ wɔ mɛ̨nį kɔ́lɔn ŋąą ɓə ə́ pulu kulɔi. Ɛlɛɛ, yɛ́n, yɛ́ kɛ diɛ ə́ kwəi pələ: «Ɲą́ą́ lɔ gáá laa, akɛ ɲą́ą́ hvəi, nu takpɛli hvo nąą pulu, gəlee kaa a kpɛli!»

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Ɉeremi 48:26

Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Ɉeremi 49:16

Ə́ kaa ə́ kpɔɔ ɓowoi, mąąhɔlɔɓo, ə́ kɛi ɲɔw too ə́ kwɛlɛ nuą hu a kili ɲɔ̨nwɔ̨ɔ̨. Yɛ́i heeni gwɛni woloɠaa hu. Ə́ hɛlɛn ŋąą yee tɔɔɠaa diɛ, ə mą kɛ, yaa ə́ taa tɔɔ yee tona yɛ geelə, ŋą́ ə́ wean nąą.

Ɉeremi 50:24

Ŋą́ hɛlɛn dɛ ə́ tɔwɔ Babilonə, ya ka yaa gɔ́ la ə́ tɛɠii, ə́ mąą kali aa ɓo, daa ə́ kaa, daa ə́ hon, mąąhɔlɔɓo, ə́ tɔɔ, yɛ́ kɔ́ pɛlɛ Yai-Laa ɓa.

Ɉeremi 50:26

'Ka həɠə lɔi kpon ɉeei ka pa, 'ka pa bɔ, 'ka nwɔ kɔ̨nɔ̨n gələɠaai laa ɓo, 'ka bu gee mɛ̨i, 'ka naa həli Yai-Laa ɓa. 'Ka hvo da lɔpee lɛɛ pulu.

Ɉeremi 50:32

Tɛɠɛɓoɉu aa kalin aa too, nu ta hvo muhəɠəi. Ŋą́ą́ nwɔ̨n bili nwɔ taaɠaai hu, nwɔ̨n gaa gwɛlɛɠaa kəlee kələn ɉii.

Ɉeremi 50:9

A tɛ̨ą, gáá pai ɲələi pələ lɔi kpɛa kpɛaɠaa yee lɔi gee hu, di pɛlɛ Babilonə ɓa a kɔ́, di kaa pai woloi mą, a kɛ a ɉonŋaa di yəi. Di wɔ tonwąɠaai kaa yɛ kɔ́kuláái kɔ́ aa nɛ̨ɛ̨ mą, hva pənə hvo pa a ɲee howolo.

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Ɉeremi 51:3

Nu ə mą nwɔ kilɛn ɲala ɉu, 'ka hvo nɛɛ laa, nu ə mą ɉuɲąŋą kɛnɛ̨ a nwɔ hə́méi, 'ka hvo mąąwɛli kaa. 'Ka hvo kpɛli nwɔ hilɛlɛa mąąwɛli kaa. 'Ka nwɔ kɔkulaaɠaa kəlee kulɔ mą́ą́ a haláá.

Ɉeremi 51:49

Babilonə aa yɛnɛ̨ɛ̨ nuą tamąą nwun napili, Babilonə yɛ́ kpɛli ə́ nwun napili hiɛ li, Israɛlə nuą tamąąi di nwun na aa pili, di mąą mɛ̨nį ɓa.

Ɉeremi 51:56

A tɛ̨ą, kɛɛ kalamun gaa pai, ə yili mą, ə yili Babilonə ɓa. Da nwɔ kɔkulaaɠaa hon, di wɔ kilɛnŋaai hu yali yali, Yai-Laa kaa a nwąną kulɔ Yálá; nwəlɛɛi kwələ kulɔi.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 3:64

Yai-Laa! Di túwɔ́ pələi tii kwələ kulɔ diɛ.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Abdiasə 1:15

Mąąhɔlɔɓo, volói Yai-Laa kaa pai hį́i kəlee kiti teei la, mąą aa kpuɔ. Nąąlɔwai, pələi tii ə́ gɛ la a ə́ ɓɛlaa, pələ lɔ ɓə da gɛ la a yɛ́. Mɛ̨nį ɲɔ̨n tii ə́ gɛ, gwələ a kulɔ yɛ́.

Tɛsalonikə veelɛ 1:6

Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ,

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.