Ɉeremi 50:26 - Yálá laawoo hɛɓɛ (dc)

²⁶ 'Ka həɠə lɔi kpon ɉeei ka pa, 'ka pa bɔ, 'ka nwɔ kɔ̨nɔ̨n gələɠaai laa ɓo, 'ka bu gee mɛ̨i, 'ka naa həli Yai-Laa ɓa. 'Ka hvo da lɔpee lɛɛ pulu.

Yálá laawoo hɛɓɛ

²⁶ 'Ka həɠə lɔi kpon ɉeei ka pa, 'ka pa bɔ, 'ka nwɔ kɔ̨nɔ̨n gələɠaai laa ɓo, 'ka bu gee mɛ̨i, 'ka naa həli Yai-Laa ɓa. 'Ka hvo da lɔpee lɛɛ pulu.

Bible

²⁶ Ka pɛlɛ dîa ƃéla kélee ma. Ka dímii-sãai lâai-kɛ̂i kélee wólo. Zãâi ka pâi ziɣêi naai, ka gélee ŋáa tɛ́ gîe ma mii-sãa ŋáa tɛ́ gîe ma kwaai ma. Ka ǹɔii su-kara! Káfe sɛŋ da lɛ̀ɛ naa.

Ɉeremi 50:26 Iomraidhean Croise

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 14:23

Gáá pai nąą kɛi a palayá, a ya nwɛ̨niɠaa taa ŋą. Ŋą́ Babilonə kələ a taŋąn, gɛ́ hɛn gəlee kulɔ laa; Yai-Laa Mɛ̨nį Kəlee ŋą Hééɓomun woo li.»

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 45:3

Ɉɛn gɔwɠaai daa kɛ di laaikɛ, kɛɛnąą kpinɛ̨ɛ̨ɠaa ɓa, nwaliɠaai daa kɛ di loo, kɛɛnąą hɔwɔ́-hɔwɔ́ɠaa ɓa, gáá pai di lɔi ə́ yee ŋą. Bələ ɓə ə́ kaa pai gbaɠala kaai la, yɛ́ kɛ, Yai-Laa ɓaa a ɲą́ą́. Ya ɓə ə́ təlii a ə́ laa; yai a Israɛlə nwɔ Yálá.

Azaya 5:26

Aa ɲee kpuɔ lɛ lɔi mąą kwɛaa ɓa, yɛ dəli a kwelee woo lɔi kpon ɉeei, ya ka tii gɔwɔ mąą hulɔi, yɛ pa a gilɛ.

Ɉeremi 50:10

Kalde lɔi aa kɛ a kɔ́ hon, nuąi kpɔ too mɛ̨i, gəlee kaa pilɛi, Yai-Laa woo li.

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Ɉeremi 50:15

'Ka tomą mɛ̨i gwɛlɛ kəlee, aa pɛlɛ, 'Ka ɉon. Mąąkɔ̨nwɔ̨ pɛlɛ́ɠaa daa wolo, mąąkpɛɛ hįiɠaa daa pu, Yai-Laa ka tii nwąną kulɔi. 'Ka ka nwąną kulɔ mą, 'Ka naa mą, yɛ bələi ə naa la kaa.

Ɉeremi 50:23

Ee kə! Daa lɔi kəlee nwɔ taŋą kɔ́w hu ɓuwɔ, daa vunwɔhunwɔ, Babilonə aa kɛ a lɔi pun lɔiɠaa lɔwai.

Ɉeremi 50:41

Nu huwu ta kaa həɠəi ɲələi pələ, gaa a lɔi kɛnɛ̨ da tɔɔɓɛlaa tamąą, daa di muhəɠə, di həɠə kpɔ lɔi kpon ɉeei pələ.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Ɉeremi 51:64

Ɛlɛɛ, yɛ́ mą: «Bələ ɓə Babilonə kaa pai lɛɛi la yai, mɔ̨nɔ̨ɠaai gáá pai naai mą, hva kɛa pənə hvo kulɔ ɉu.» Ɉeremi wooɠaa kpɛlai ka tii.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Maafîu 6:26

Ka nwɛ̨niɠaa kaa, di hva hihɛn ɉi, di hva hɛn da laaikɛ kələi. Kɛlaa, ka Ną́n gaa yələi a di kɔ̨nɔ̨n gɛ! Gu hvo mun kɛ, kaa, ka hviala hvo ɓo li hvo tɛɛ nwɛ̨niɠaa diɛ?

M̀ɛni-lɛɛi 14:19

Malakai tii ə nwɔ ɓowa ɲąąliɛi hiɛ lɔi mɛ̨i, ə lɔi mɛ̨i viɲə gbɔlu kəlee kulɔ ɉu, ə gbɔlu kəlee pu gbɔwɔ́ kɛnɛ̨ɛ̨i hu, yai a Yálá ŋą liiɲąnwąną kɔwɔ́-lai.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.