Ɉeremi 50:2 - Yálá laawoo hɛɓɛ (dc)

² 'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Yálá laawoo hɛɓɛ

² 'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Bible

² “Duŋ ŋí tóo ǹɔii-ŋuŋ-ŋai dîa! M̀ó! Ŋɛi kɛ́-maa lɛ́ dîa, í dùŋ too! Ífe gɛ̀ a loo mɛ́ni! Babelɔŋ aâ too! Ŋɔɣâlai Madɔ a too, a wólo, a táa-tâa! Ŋumɛ a Babelɔŋ ɣala pɔkɔɔŋ-ŋai sóŋ. Díɣâla-pɔkɔɔŋ-ŋai ŋí nyii m̀ɛlɛ fé ŋ́goi, da wólo-wôlo.

Ɉeremi 50:2 Iomraidhean Croise

Mąątɛ̨nɛ̨ 64:9

Di nɛ̨n aa pɛ̨nɛ̨ aa kɔ́ pɛlɛ diɛ, nui lɔpee a di kaa, a nwun gbɛ̨ŋɛ̨n.

Mąątɛ̨nɛ̨ 96:3

'Ka mąąwiɛ pələ hukulɔ lɔiɠaa hu, da gɛ mɛ̨nį ɲɛ̨i kɛ̨nɛ̨ɠaa, nu huwu kəlee lɔwai.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Azaya 12:4

Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

Azaya 13:2

«'Ka tɛ yee ta nwuɔ̨, ɓɛi lɔwɔ hvo laa, 'ka ɉilɛyili tɛ ɲələi, 'ka tómą, 'ka ka yee tɛ yələi, 'ka di təli galanɉonŋąą yəi bɛlɛ́ laaləi,

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Azaya 37:19

Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Azaya 39:1

Nąąlɔwai, Baladan lon Merodakə-Baladan, yai kɛ a Babilonə tɔɔmun, ə hɛɓɛ́ tɛɛ Ezekiasə ɓa, da ɉamąɠaa; mąąhɔlɔɓo, aa kɛ bələ mɛ̨n diɛ kɛ diɛ Ezekiasə ə kɛi ɲɔ̨n gɛ, kɛlaa gɔlɔi aa pɔ̨nɔ̨.

Azaya 46:1

Bɛlə aa pu ɉimįnįn ma, Nebo aa hviən: huwɔɠaa ɓə da di mąąnįnįn gbəŋə, daa kɛ a tiɛ̨ wiaa, ɉuwɔɠaa hvįi aa kpɛɛ di mu.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 48:6

Mɛ̨nįi ŋį́ nɛɛ kwɛaala ŋį́ ɉukulɔ, ka bələ mɛ̨n, yii kɛa mɛ̨nįi tii aa həli, ka ka yee heee mu. A kɛ tii kaa kpɛli, ka hvo mɔ̨ɔ̨ pai naa həlii? Gáá kɛa mɛ̨nį nįnɛ̨ɠaa hukulɔi kaa yiihu, yiliɠaai di kɛ ɲéé pulu, hvo kɛ di kɔ́lɔn.

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Ɉeremi 10:15

Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 4:16

Ka nuą kiliŋą pono, ka Ɉerusalɛmə taa kiliŋą pono gɔ too nuą daa lɛɠɛ ɓɛ. Daa həɠə kwɛala lɔi hu, di kaa kɔ́ ɉələ kɛi, diɛ tomą a kɔ́ mɛ̨i woo Ɉuda taɠaa mɛ̨i.

Ɉeremi 4:6

Ka huu pili nuą diɛ Siɔn pələ! Ka lí, ka ka mąą kilɛ! Ka hvo tɔɔ pələi nu ta hvo kɛ gaa lɛɛi ɉeei! Kpalo ka tii Yai-Laa aa ɉəɠə ɲanwuɔ̨ pələ, yɛ paa la, ə kə! Kɛɛ kala mɛ̨nį kɛnɛ̨!»

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Ɉeremi 50:46

Babilonə tɔɔmun too tín gaa pai lɔi kpɛlin ɉii. Doma woo yɛ tɔɔ lɔiɠaa hu.

Ɉeremi 51:12

'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Ɉeremi 51:31

Wɛlɛɛ ɓomun a lɛɛ gilɛ həɠəi, ə da kpɛli hon. Hɛɓɛ́ laalɛ mun ə hɛɓɛ́ laalɛ mun da kpɛli hon, diɛ li kɛi Babilonə tɔɔmun ma: daa ə́ wɔ taai hon gɔlɔ kəlee,

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Ɉeremi 51:47

Yili ɓə gaa mą, Yələ ta kaa pai həlii, gáá pai heei Babilonə haliɠaa hu, yili hva kɛ a nɔi ɲɛ̨i pɔ̨nɔ̨ mɛ̨nį tɔ̨nɔ̨ kpɛli. Nu kaa pai kɛi tooi lɔ a bowa.

Ɉeremi 51:52

Yii gaa tii, Yai-Laa yɛ: Yələ ta kaa pai həlii, ŋį́ hee nwɔ haliɠaa hu, ɛlɛɛ, nu lɛɠɛɠaa kaa pai kɛi ɲiŋɛ̨i nɔi nąą kəlee.

Ɉeremi 51:8

Ya ka, Babilonə aa too lɔ ŋɛ̨i tɔ̨nɔ̨, nuą tɛɠii pələ, ɉu aa yali. 'Ka wɔlɔ pu mɛ̨i, 'ka ɉali kɛ, gaa kiɛ pai ɓaloi.

Ɉeremi 52:31

Ɉuda tɔɔmun Yoyakimə nwɔ tɔɔlaa gwɛlan bow haaɓa gɔw mɛ̨ihveelɛ yələ, ɲąnin bow kɔ́w hveelɛnąą nwɔ hvóló pow hveelɛ kɔ́w lɔɔli yələ, Ewilə-Merodakə, yai kɛ a Babilonə tɔɔmun; gwɛlan nɔ ə dɔɔlaa hɔlɔɓo la, ə Ɉuda tɔɔmun Yoyakimə mąąwɛli kaa, ə mo di gulɔ gaho ŋą.

Ɉeremi 6:18

Lɔiɠaa, ə həli kani kaa! Ka ka wəli tɔɔ! Kpulu kəlee, mɛ̨nįi pai laai diɛ ka kili ə pu ɉu.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Danîa 3:14

Tɔɔmun yɛ diɛ: «Akɛti tɛ̨ą ɓaa mɛ̨nįi ŋɛ̨i nuą ŋɛ̨i kaa moi a ka laai, diɛ kɛ mą: Ka hvo kwɛli hvilɛn ɉii nwɔ́ yáláɠaai diɛ, ka hvo mąąwiɛ tɛɛ nwɔ́ mąąnįnįn ɉaɠaai pɔ, yii ŋą́ bɛli?

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

M̀ɛni-lɛɛi 18:2

Ə tomą kpɔ a nwoo kɛnɛ̨, yɛ kɛ mą: «Aa too, aa too, Babilonə kɛnɛ̨i aa too; aa lɛɛ kɛa a ɲįnɛ̨nŋaa heei, aa lɛɛ a ɲinɛ̨n ɉuwui lɔpee gəlee heei, a nwɛ̨nį kɔ́hɔɓoɔɠaa, diɛi di wɛlikpɛɛ nu kanŋaa diɛ, di heei.