Ɉeremi 50:19 - Yálá laawoo hɛɓɛ (dc)

¹⁹ Gáá pai pənəi ŋį́ pa a Israɛlə, naa mį́i lɔi pɔlɔ pɔlɔ ɓa, gaa pai naa mįi Karmɛlə da Basan yeeɠaa nwuɔ̨, ɛlɛɛ, yɛ pulu kulɔ ma Ɛfraimə da Galaadə yeeɠaa nwuɔ̨.

Yálá laawoo hɛɓɛ

¹⁹ Gáá pai pənəi ŋį́ pa a Israɛlə, naa mį́i lɔi pɔlɔ pɔlɔ ɓa, gaa pai naa mįi Karmɛlə da Basan yeeɠaa nwuɔ̨, ɛlɛɛ, yɛ pulu kulɔ ma Ɛfraimə da Galaadə yeeɠaa nwuɔ̨.

Bible

¹⁹ Ŋa pâi Eezuɛ-ƃelai tɛɛ̂i pôlu dílɔii su. Da pâi mii-sãa lɛ́lɛɛ-ŋa miî nyíi-ŋai da lɛ̂lɛ Kamɛɛ Yeei ma, Basãŋ kpiniŋ sui, da nyíi-ŋai da lɛ̂lɛ Ifiraŋ ŋɔlɔii kpiniŋ su da Giliai. Nyíi-ŋai kélee da pâi wɛ̂lii a diai, da pâi kɛ̂i miî.

Ɉeremi 50:19 Iomraidhean Croise

Ɛsdrasə 2:1

Nuąi wɔlɔ Babilonə tɔɔmun Nabukodonosorə ə di hon a luwɔɠaa, yɛ li a diɛ Babilonə, yiiɠaai həɠə goɓitaaɠaa hu, diɛ pənə diɛ li Ɉerusalɛmə daai, Ɉuda lɔi hu, nu kəlee yɛ li bɔ taai diɛ ka:

Wɛli 6:5

Ə́ ɲɛ̨i tinɛ̨n ə́ ɉəɠə mą́ą́, gbalai tɔɔ, yái ɲɛ̨i hee mą́ą́, a ɉúpu mą́ą́. Ə́ nwun nəɠa kaa yɛ ɓolu kpulu a kɛ Galaadə yee ɓa.

Azaya 33:9

Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 31:14

Gáá pai ɉaláá laa həli nuą pilɛi a huwɔ wulɔɔɠaa. Nwɔ́ nuą da pilɛ a ɲə́i mɛ̨inɛ̨ɛ̨. Ɲą́ą́ Yai-Laa nwóó li!

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Ɉeremi 31:6

Mąą yələ, daa mąąkpɛ nuą kaa pai tomąi la Ɛfraimə yee tona, diɛ kɛ mą: «'Ká ka muhəɠə, ka gu tɛ Siɔn daai, Yai-Laa gu wɔ Yálái pɔ, daa gbɛa gu hee.»

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Ɉeremi 46:27

Kɛlaa, ə́ wɛi, Ɉakɔbə, yɛ́i ɓaa nwɔ́ tímun, hvo ɲɔw. Ə́ hu hvo pu yɛ́ Israɛlə, gáá pai ə́ kulɔi kwɛaa la lɔiɠaa yəi, ŋą́ ə́ huwu kulɔ mąąkilɛ lɔi hu. Ɉakɔbə kaa pənəi yɛ pa liilaa hu, nwəli pulu laɠiɛ; nu ta hvo kɛa viikpɛɛi.

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Izikiɛ 11:17

'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Izikiɛ 36:33

«Mɛ̨ni kəlee ŋą Hééɓomun Yálá woo ka, yɛ: Ɲələi gáá pai ka mąąhəɠəi la ka wɔ nɛ̨ŋɛ̨nŋaai kəlee yəi, ŋą́ pa a nu kan, ka wɔ taaɠaai hu; gɛ́ pənə gɛ́ daa kpoloonŋaa tɔɔ.

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Izikiɛ 47:18

Voló kulɔi pələ nwɛi, ka gɔɔn Hauran da Damasə di lɔwai; Galaadə da Israɛlə di lɔwai, Ɉurdɛn a kɛ a nɔi ɲɛn ə həli la gboloyái tii voló kulɔi pələ mą. Voló kulɔi pələ nwɛi ka tii.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Zakari 10:10

Gáá pai di kulɔi Eziptə lɔi hu, da Asiri lɔi hu, gɛ́ di ɲąąkpɔn. Gáá pai di lɔi Galaadə lɔi hu, da Liban lɔi, Kɛlaa, hvo pai lɛɛi lɔ yili ɓa.

Lonon mo 32:1

Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Lonon mo 32:4

a nɔi tii Yai-Laa ə ɉon a kɔ́ Israɛlə lonnii mąą mɛ̨nį ɓa, taatɛlɛɛ ɲąą kɔ́n nɔi li. Taatɛlɛɛ kpulu kaa ə́ wɔ tínuą yəi.

Zasua 17:15

Ɉosue yɛ diɛ: «Akɛ ka kpulu kɛnɛ̨ɛi yɛ bələi ka ka moi la, ka li Perizi nuą da Refaitə nuą di wɔ lɔwɔi hu, ka nwɛlai tii mɛ̨i yali a ka wɔɔ; hvo gaai Ɛfraimə ɲee lɔi hvo kɛnɛ̨ li ka mąą mɛ̨nį ɓa.»