Ɉeremi 50:15 - Yálá laawoo hɛɓɛ (dc)

¹⁵ 'Ka tomą mɛ̨i gwɛlɛ kəlee, aa pɛlɛ, 'Ka ɉon. Mąąkɔ̨nwɔ̨ pɛlɛ́ɠaa daa wolo, mąąkpɛɛ hįiɠaa daa pu, Yai-Laa ka tii nwąną kulɔi. 'Ka ka nwąną kulɔ mą, 'Ka naa mą, yɛ bələi ə naa la kaa.

Yálá laawoo hɛɓɛ

¹⁵ 'Ka tomą mɛ̨i gwɛlɛ kəlee, aa pɛlɛ, 'Ka ɉon. Mąąkɔ̨nwɔ̨ pɛlɛ́ɠaa daa wolo, mąąkpɛɛ hįiɠaa daa pu, Yai-Laa ka tii nwąną kulɔi. 'Ka ka nwąną kulɔ mą, 'Ka naa mą, yɛ bələi ə naa la kaa.

Bible

¹⁵ Ka gɔ́i maa fɛ́ɛ ká tínaŋ daa-lêei ma. Babelɔŋ a gbîŋ tɛɛ gɔ-kuluƃa-ŋai pɔ́. Da ŋɔsiɣãŋ wólo da dòo ǹɔii ma. Ŋa mɛni kpâ kulâi Babelɔŋ-ƃelai dîa. M̀ɛni ma, ka ká mɛnii gba kula m̀a máŋ. Ka tûa a dîa yɛ̂ɛ berei dí tùa la a díƃarâai.

Ɉeremi 50:15 Iomraidhean Croise

Kɔlɔnikɔ Maa-ŋuŋ 29:24

Nɔi ɲąąwooɓo nuą kəlee, gulaaɠaa kəlee, da tɔɔmun Davidə lonnii kəlee di kɛ tɔɔmun Salomɔn woo ɲą.

Kɔlɔnikɔ Veerɛi 30:8

«Ka hvo gɛ kan a kwɛli tee laa, yɛ ka nąnni. 'Ka ká yee haŋą Yai-Laa pɔ pələ, ka pa ŋą pɛlɛ mąąhəɠɛɛ mu, yaai aa mąąhəɠə a yələ kəlee mɛ̨nį. 'Ka tí ka wɔɔ Yálái Yai-Laa ɓa, əgɛ, ə nwɔ liiɲąnwąną ɲɛ̨i həɠə kaa.

Mąątɛ̨nɛ̨ 149:7

Diɛ di nwą́ną kulɔ la hį́i takpɛliɠaa diɛ, diɛ ɉu nuąi hutɔɔ.

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Azaya 59:17

Ə tələnmolaa too gwaną, yɛ kɔ́ kɔ́ həɠə, ə nu ɓalo mɛ̨nį lɔ nwuɔ̨ a kɔ́ kɔ́ ɓɔlɔ, ə nwąnąkulɔ mɛ̨nį too gwąną a ŋɛ̨ kilɛn ɉəɠə, ə tolo kɛ a gɔn mą gbaawii.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Azaya 63:4

Ŋą́ naa tii gwə́i, gɛ́ nwą́ną́ kulɔ hvoló aa həli, nwun mąąɓo kwɛlan aa kɛ pa.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 50:14

'Ka tɔɔ a ka yɛli, ka kɔ́ pɛlɛ Babilonə ɓa. Kilɛn bili nuą, 'ka mǫn, 'ka hvo donwą ta lɛɛ ka yee pulu, mąąhɔlɔɓo, Babilonə aa ɉɔn gɛ a Yai-Laa.

Ɉeremi 50:25

Yai-Laa aa nwɔ kɔ́ kɔ́ kwɛli hɛnŋaa pu pɛlɛ laa ɓo, gaa nwąną kulɔ kwɛli hɛnŋaa həɠəi, Nąmu Yai-Laa Mɛ̨nį Kəlee ŋą Hééɓomun ka tii lii Kalde lɔi hu,

Ɉeremi 50:44

«Bələi lɔ yala a kulɔ la Ɉurdɛn kpomó hu, yɛ tɛ taatɛlɛɛ kwənąnŋaa hu, ɓɛi taatɛlɛɛ kaa laa a yələ kəlee, bələ lɔ ɓə gáá pai kulɔi la Babilonə nuą tɛɠii, gɛ́ laŋą kɔ́kulááɠaa ɲąątɔɔ diɛ, Mąąhɔlɔɓo, gbɛɛ ɓə gaa yɛ Ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ mɛ̨i kaa mun nɛlɛ ɓə a pɛli tɔɔi ná?.»

Ɉeremi 51:11

'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Ɉeremi 51:14

Yai-Laa Mɛ̨nį Kəlee ŋą Hééɓomun aa gwɛla a gbɔwɔ; yɛ diɛ: «Gáá ə́ laa hvɛɛi a nuą, di tamąą di tɛɛ peelə ɓa, diɛ kɔ́ húú pili ə́ mɛ̨i, yɛ mɔ̨nun dee nuą da kɛi tomą.»

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Ɉeremi 51:25

Yɛ́ kpɔ ɓə vílɛn ŋąą ə́ pulu, kɛɛ kalamun, yɛnɛ̨ɛ̨ kəlee hu kalamun; Ɲą́ą́ Yai-Laa nwóó li. Gáá ɲéé kpuwulu kɛi yɛ́, gɛ́ ə́ kulɔ kwɛniɠaa mɛ̨i, gɛ́ ə́ too, gɛ́ ə́ mąą pənə a nwɔ̨n dəŋą yee.

Ɉeremi 51:30

Babilonə kɔ́kulááɠaa daa lənə gɔ́ ɓa, daa hee so-so, hoŋonŋaa hu, di hvaai aa kpɛɛ di yəi, daa kɛ yɛ nɛ̨ąą, di kaa nwɔ pɛlɛ́ɠaai kələn ɉii. Diɛ nwɔ kponŋaai ɓɛla.

Ɉeremi 51:36

Yii gaa tii, Yai-Laa woo ka, yɛ mą: Ɲą́ą́ ɓə ə́ mąą mɛ̨nį ɲɛ̨i kulɔi, ə́ nwąną kulɔ mɛ̨nį yɛ lɛɛ nwúɔ̨, Gáá pai nwɔ yalee kpalai, da ɲa nwun gulɔi.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Ɉeremi 51:58

Yai-Laa Mɛ̨nį Kəlee ŋą Hééɓomun woo ka, yɛ mą: «Babilonə taa mąąkpɛɛ hįį ŋąą kɛnɛ̨i, aa pu kpɔ tɛ̨ɛ̨tɛ̨ɛ̨?. Nwɔ̨n aa nwɔ kpon gbɛa-kpɛaa kələn. Nuą kaa mɔ̨nɔ̨ mįi kpɛli kpɛli, tɔ̨nɔ̨i lɔiɠaa kaa gwɛlii, nwɔ̨n gɔ̨nɔ̨n ni.»

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Ɉeremi 51:64

Ɛlɛɛ, yɛ́ mą: «Bələ ɓə Babilonə kaa pai lɛɛi la yai, mɔ̨nɔ̨ɠaai gáá pai naai mą, hva kɛa pənə hvo kulɔ ɉu.» Ɉeremi wooɠaa kpɛlai ka tii.

Woolaa 5:6

Kwáá ku yee haŋą Eziptə lɔi pɔ pələ, da Asiri lɔi, əgɛ, ku kɔ̨nɔ̨n ɉɔlɔɓo, ku mįi ku pilɛ la.

Izikiɛ 17:18

Ə nwoo lɛɛ a mįnɛ̨ həɠə-woo hu kalai ə mo, yá pa, ə ɲee hee kpɔ mu; kɛlaa ə gɛɛ kala mɛ̨nįɠaai ti kəlee kɛ; yili ɉu hva pɛli kɛ nɛ̨ɛ̨i mą.

Izikiɛ 21:22

Ɲą́ą́ gbɛlimąn, gáá ɲee kɛlɛi gee ɓa, gáá nwą́ną́ kulɔi, vá gbɛla pələi. Ɲą́ą́, Yai-Laa, Nwóó li.»

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Dutɛrɔnome 32:41

Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.

Dutɛrɔnome 32:43

Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zasua 6:20

Israɛlə nuą di tomą a kɔ́ mɛ̨i woo, di mɛlaa mįnɛ̨ hvɛɛ. Ɓɛlɔwai di mɛlaa mįnɛ̨ woo mɛ̨n na, di tomą kpɔ a kɔ́ mɛ̨i woo, daa mąą kpɛ hįį ə nɛ̨ɛ̨ mą ə pu. Israɛlə nuą di tɛ daai, nu kəlee ə ɲɛ̨i haɠa dɔwɔ, di daa hon.

Zasua 6:5

Ɓɛlɔwai mɛlaa mįnɛ̨ tulu woo a tɔɔ la, ka nwoo mɛ̨n, Israɛlə lonnii kəlee da tomą kpɔ kɛnɛ̨ a kɔ́ mɛ̨i woo, nąąlɔwai, daa mąą kpɛ hįį a pu, ɲąąɓa, nuą kəlee da tɛ daai, nu kəlee ə ɲɛ̨i haɠa dɔwɔ.»

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

Samuɛlə dɔlɔɔ 15:33

Samuɛlə yɛ mą: «Bələi ə́ wɔ ɓɔwa kwɛai ə kɛi nɛ̨ąą hvɛɠɛ la a di lonnii, ə́ lee yaa kpɛli, gaa hvɛɠɛi a non.» Samuɛlə ə Agagə nwu dee Yai-Laa lííla Gilgalə daa.