Ɉeremi 50:13 - Yálá laawoo hɛɓɛ (dc)

¹³ Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Yálá laawoo hɛɓɛ

¹³ Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Bible

¹³ kpɛ́ni fêi, ńii-ŋwânai, ǹyaŋ ŋa pâi gɛ̂i núu da fé pâi seêi Babelɔŋ. Ǹaa a pâi lɛɛ̂i a pilêŋ ŋá. À kɛ̀ tí, diai nyíi kélee pâi tɛɛ̂i naai, da pâi díŋuŋ kpɛ́mɛnîi a làa kpâla maa-pere.

Ɉeremi 50:13 Iomraidhean Croise

Zôo 27:23

a too, diɛ huluun mɛ̨i, ɓɛi ə kɛ laa nąą nuą diɛ di laa pu ɉu.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Ɉeremi 25:12

«Gwɛlan bow mɛ̨ihveelɛi tii a tɛɛ, ŋį́ hee Babilonə tɔɔmun ɉu, di wɔ túwɔ́ pələ ɲɔ̨n mąą mɛ̨nį ɓa. Ŋą́ hee Kalde lɔi hu. Ɲą́ą́ Yai-Laa nwóó li! Ŋą́ nąą mąą pənə a lɔi pun a yələ kəlee.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 49:17

«Edɔmə aa kɛ a lɔi pun, nui lɔpee a tɛɛ laa, gwəi a pili mą. Nu hva gɛɛ kala pələ taaləi tii kaa, hvo kɛli ə tomą a ɲɔw.

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Ɉeremi 51:26

Yɛ́i kɛ a pɛlɛ́ tɔɔ kwɛni, yɛ́i kɛ a pɛlɛ hvilɛn gwɛni, di hva kɛa kulɔ ɓɛi ə́ kaa laa, ə́ kaa pai lɛɛi a lɔi pun, a hvoló kəlee da nwɔɔ, ɲą́ą́ Yai-Laa nwóó li.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 51:62

Yili pulu, yɛ́ diɛ: «Yai-Laa yɛ́ ɓə mɛ̨nįi ŋɛ̨i laa ə́ kwəi, yɛ hvilɛn na gɛɛnąą ŋɛ̨i ɓa, yɛ́ kɛ diɛ, ə́ kaa pai nąą woloi hvá hɛn da lɛɛ laa a vulú, yɛi kɛ a nu, a wala kɛ tii, huwɔ. Ə́ mo, yɛ́ ə́ kaa nąą kɛi a lɔi pun a yələ kəlee.»

Izikiɛ 27:36

Nuąi kɛi ɲɔw kɛ nɔiɠaa lɔwai, diɛ kwəlee hvɛɛ ə́ mɛ̨i, yáá kɛ a hɛn da ɲɔw ma, ə́ mąą mɛ̨nį kpɛɛ li a yələ kəlee da nwɔɔ.

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Zakari 1:15

Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Dutɛrɔnome 29:22

‹Nwɔ̨n aa nɔi ŋɛ̨i kəlee kələn a kpolo, nu ta hva kɛa hihɛn da hin naa, wulu hvo laa, kala tiliin da hva ɓɔn naa, nąą aa kɛ lɔ yɛ: Sodomə taa, da Gomorə taa; yɛ Adma taa da Sevoimə taa, diɛi Yai-Laa ə di kulɔ di pihɛi, níiholi pələ ɓa, da niikələn bələ ɓa gwəi.›