Ɉeremi 5:5 - Yálá laawoo hɛɓɛ (dc)

⁵ Yili ɓa, gáá kani ɲɛ̨i heei nu kpɛa kpɛa diɛ, kwa diɛni ku da ɓo. Di wɛi, di Yai-Laa woo kɔ́lɔn. Di di wɔ Yálái nwɔ tɔ́nŋaai kɔ́lɔn.» Di kəlee di kaa lɔ tɔ̨nɔ̨; daa kɛ di nwun gulɔ mu, daa kɛ di yɛli tee.

Yálá laawoo hɛɓɛ

⁵ Yili ɓa, gáá kani ɲɛ̨i heei nu kpɛa kpɛa diɛ, kwa diɛni ku da ɓo. Di wɛi, di Yai-Laa woo kɔ́lɔn. Di di wɔ Yálái nwɔ tɔ́nŋaai kɔ́lɔn.» Di kəlee di kaa lɔ tɔ̨nɔ̨; daa kɛ di nwun gulɔ mu, daa kɛ di yɛli tee.

Bible

⁵ Ŋa pâi nâa liî ǹúu láa túɛ-ƃelai pɔ́ ŋá lóno dípɔ. Tɔ̃yâ ma, dia ƃé Yâwɛɛ tûa-pere kɔ́lɔŋ nyíi gáa a m̀ɛnii Ɣâla a ŋ̀wɛ̂lii.” Kɛ́lɛ díkelee da fáa m̀a da díyee kúla Yâwɛɛ ŋɔwála-wala laai mu da ŋ̀óo pí lî.

Ɉeremi 5:5 Iomraidhean Croise

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Lɛɛ gbɔwɔ ɓa 32:25

Moisə ə gaa yɛ nuą daa di kwɛli tee, Aarɔn aa kɛ di lɛɛ laa, diɛ di yee lɔ kpɛli-kpɛli mɛ̨nįɠaa hu, di yowoɠaa ɲɛ̨i ɓa.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 8:7

Kpalanwɛ̨nį, ə pai lɔwai kɔ́lɔn, hvólóon, da nįŋɛ̨ pulu nwɛ̨nį di di pa kuu da di li kuu kɔ́lɔn. Kɛlaa nwɔ́ nuąi di wɛi, tɔ́n Yai-Laa ə dɔɔ diɛ di hva hiɛ la.

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Izikiɛ 11:2

Yai-Laa yɛ mą́ą́: «Hulɔnu lon, nuąi da kɛ piɛn doo mɛ̨nįɠaa mąą kili teei di kwəi, diɛ mɛ̨nį ɲɔ̨n mąą nwun dɔɔ kɛ daai ŋɛ̨i hu, diɛ ka.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Lukə 18:24

Yii kɛa Jesus ə gaa yɛ mɛ̨nįi tii aa nui tii hviikpɛɛ, ə mo kɛa yɛ diɛ: «Ee! Hɛn gɔw nąamənąą lɔ laa walaai Yálá-taa tɔɔlaa hu!

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›