Ɉeremi 5:28 - Yálá laawoo hɛɓɛ (dc)

²⁸ Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Yálá laawoo hɛɓɛ

²⁸ Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Bible

²⁸ da dílaa mîi, díkpaya-kpaya. Díŋwana lɔ̂ɔ tua-ŋai kɔ̃́yɛŋ fé ma. Dífa tûa a dee-loŋ-ŋai a teniŋ ƃô pere, kpaa dítûa a zã́a a diai díkaa mɔ̃lɛi.

Ɉeremi 5:28 Iomraidhean Croise

Zôo 12:6

Nu paa nuą di wɔ pɛ́lɛ́i kaa liilaa hu. Nuąi da Yálá lii kələn gwəi, di ɓo liilaa hu. Diɛi di wɔ Yálá lɔ ɓaa di hvaŋą.

Mąątɛ̨nɛ̨ 119:70

Di lii ɲɔ̨nwɔ̨ɔ̨ di kwəi kpɔ kɛnɛ̨, nwɛ́i, ə́ wɔ tɔn nwooiɠaai ɓə da níí hon.

Mąątɛ̨nɛ̨ 72:4

Nɔi lonnii yiiɠaai kɔ́lɔn və diɛ, di mąą tɛ̨ą ɓo, ə kɛ a yeehowolo nuą ɓalomun; yɛ toomɛ̨i kɛ nuą huwolo.

Mąątɛ̨nɛ̨ 73:12

Ɛlɛɛ nu ɲɔ̨nwɔ̨ɔ̨ɠaai tii kaa lɔ tii, di wəli pulu laɠiɛ, diɛ hɛngɔw tiɛ̨ gee mɛ̨i.

Mąątɛ̨nɛ̨ 73:4

Di hva hɛn da wɛli lɛɛ di kpɔwɔ ɓa, ə lɛɛ ɉu di haa la, di kpilikɔlɔn ɲąliɛi lɔ a yələ kəlee.

Hanwon 15:25

Yai-Laa a kpɔwɔ ɲąą kɛnɛ̨ nuą di wɔ pɛ́lɛ́i pu, Kɛlaa, a kalanən nwɔ lɔi mąą kwəli kwɛnąn nwulu hu lɔ a nwalawalaa.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɉeremi 2:33

A tɛ̨ą, ə́ wɛli hon bələ mąą kpaɠala kɔ́lɔn. Mɛ̨nį ɲɔ̨n gəlee kɛ yɛlɛ kaa kɛa ə́ ɲɛ̨i ɓa.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Korɛntə dɔlɔɔ 5:1

Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.