Ɉeremi 5:17 - Yálá laawoo hɛɓɛ (dc)

¹⁷ Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Yálá laawoo hɛɓɛ

¹⁷ Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Bible

¹⁷ Da pâi ká sí-sãa ƃai ká ŋ̀áa tɛ̀ gîe mai miî é pɛ́lɛ kámii-sãai dîa. Da pâi ká lônii-sinaai da ká lônii nɛyãai paâi. Da pâi káƃala kpulu-ŋai da ká taa-tulɛ-ŋai miî. Da pâi ká kpɔmɔ-kpalaŋ-ŋai da ká fîi wuru-ŋai miî. Gɔ-kuluƃa-ŋai da pâi dítaa maa kɔ́naŋɔɔ-ŋai nyíi ŋai díkili tɔɔ̂i m̀ai su karâi a ƃóa-sɔkpɔ-ŋa.”

Ɉeremi 5:17 Iomraidhean Croise

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Azaya 62:9

Kɛlaa nui kɛa a mɔ̨nun dee, a gɛ a gɔ̨nɔ̨n, diɛ Yai-Laa laa tɛ, ɛlɛɛ, nuąi da lɔɔ hɔɔ, da gbələ, ɲə́i gwəlii, nwɔ́ pɛlɛ mąąhəɠɛɛi laaləi.

Azaya 65:22

Di hvo kɛa pai pɛlɛ tɔɔi, nu ta kpɛli yɛ lɔ mu, di hvo kɛa pai tíi kɛi, nu ta kpɛli yɛ mą mįi. Mąąhɔlɔɓo, bələi lɔ wulu a lamu la, bələ lɔ ɓə nwɔ́ nuąi kaa pai lamui la. Nííɓa nuą kaa pai kulɔi, di yee kɛ kóló dɔlɔ ɓa.

Ɉeremi 1:15

Gáá pai ɲanwuɔ̨ pələ tɔɔɓɛlaa kəlee təlii, di kaa pai, nu kəlee kaa pai nwɔ tɔɔkpəlin hvilɛn ɉii Ɉerusalɛmə taa bələ nwun na; daa mąąkpɛ hįį tənən ma, da Ɉuda taaɠaa kəlee tənən ma. Ɲą́ą́ Yai-Laa, Nwóó li.

Ɉeremi 25:37

Gala tiliin nɛlɛɛ kɛɛnąąɠaa mɛ̨i a haa, Yai-Laa nwɔ líiholiiɓa.

Ɉeremi 4:26

Ŋą́ ɲɛ̨i hee, nɔi kɛ a wali lɔi, aa lɛɛ a hvaŋą da gbalə lɔi. Daaɠaa kəlee daa wolo, Yai-Laa kɛ mɛ̨nį li; níiholi pələ ɓa.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 5:18

Nąąlɔwai tii, Yai-Laa yɛ diɛ; «Vá ka huwu pu, və́ gbɛɛ tɛ̨ɛ̨tɛ̨ɛ̨?.»

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 50:7

Nui lɔpee kɛi kwiɛn a diɛ, ə kɛi di mį́i, di yówóɠaa di kɛi kɛ diɛ: «Ku hvo nɛ̨ŋɛ̨n ɉəɠə li, mąąhɔlɔɓo, di nɛ̨ŋɛ̨n ɉəɠə Yai-Laa ɓa, tələnmoi da di nąnni di kilitɔɔi kɛ mą: ya ɓaa kɛ a Yai-Laa»

Ɉeremi 8:13

Yai-Laa woo ka, yɛ diɛ: Gáá kwa diɛni ku lɔwai mɛ̨nį hutɔɔi tɔ̨nɔ̨; viɲə ɓá hvo kɛa ɉu; ɓɔɔlaa wuluɠaa ta ɓa hvo ɉu. Gəlee laa a kpala mą. Gáá di laakwɛlanmoi di hu kalamun ma.

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Woolaa 2:12

Lɛapɛlɛɛ diɛ kɛ di leeni diɛ: «Mįnɛ̨ ɓə kwa kɔ̨nɔ̨n nogolo kpɛli hɔlɔɓo laa ku mįi?» Diɛ too gwəli hąąiɠaa ɓa yɛ da nuą mąą nwąną, diɛ lɛɛ di leeni yee kɔ̨nwɔ̨n ɉu diɛ haa.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Izikiɛ 36:4

yili mąą mɛ̨nį ɓa, kaai a Israɛlə yeeɠaa ka ka wəli tɔɔ, Mɛ̨nį kəlee ŋą Hééɓomun Yálá woo ɓa. Mɛ̨nį kəlee ŋą Hééɓomun Yálá yɛ: Kaai ɓaa a ɲeeɠaa, kaai a ɲee kpu kpuɠaa, kaai a ɲaɠaa, kaai a ɲee lɔwai lɔiɠaa, kaai a daa kpoloonŋaa, kaai ka kwɛlɛ lɔiɠaa di kɛi too ka mɛ̨i, diɛ yɛlɛ kulɔ ka hui;

Osia 2:12

Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Zooɛ 2:3

Di kaa yɛ tíi kələn nwɔ̨n, diɛ kɛɛ kələn di tɔwɔ, di pulu yɛ lɛɛ a gbalan. Gɛɛ di hvo pa, nɔi ə kɛ yɛ Yálá-taa lon ma. Lɔi kpoloon mə da nɛɛ di pulu. Hɛn nɔpee ta hva kulɔ a di yee wolo.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Sofoni 3:6

Ŋą́ą́ lɔi taɠaa mąą mɛ̨nį kpɛɛ yɛnɛ̨ɛ̨, di mąąkpɛ pɛlɛ́ɠaa daa pu, ŋą́ą́ bələɠaa mɛ̨i tɔɔ tón-tón, nu hvo mą hvo tɛɛ la. Ŋą́ą́ daaɠaa lɛɛ a taa kpoloon, nu hvo ɉu, nu hvo mą hvo hee laa.

Malasi 1:4

Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.