Ɉeremi 49:7 - Yálá laawoo hɛɓɛ (dc)

⁷ Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Yálá laawoo hɛɓɛ

⁷ Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Bible

⁷ M̀ɛnii ŋí ƃé Ŋ̀wála-wâla kélee Yâwɛɛ è mò é pîlaŋ Idɔŋ lɔii ma: “Idɔŋ-ƃela da díkili ŋá siâi léŋ? Dí lia-woo ƃó nuu fé ŋɔ́nɔ naa é dí lia-woo ƃó? Dítare-ŋai kélee da láŋ?

Ɉeremi 49:7 Iomraidhean Croise

Zɛnɛse 25:30

Esau yɛ Ɉakɔbə ɓa: «Ną́n nɛ̨ɛ̨ yɛ́, dɔwɔi ŋɛ̨i ta hvə ŋį́ mį́i, mąąhɔlɔɓo, pulu aa ɓɔ ɉú.» Mɛ̨nįi gɛ diɛ Esau laa hee a Edɔmə yaa li, Edɔmə mukulaa ɓaa: «Mukpɔluɔ.»

Zɛnɛse 27:41

Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Zɛnɛse 32:3

Ɉakɔbə ə di kaa lɔ, ə tómą kpɔ kɛnɛ̨, yɛ diɛ: «Yálá nwɔ kɔ́ ɓuwu la ka» ə gɛɛnąąi tii laa hee a Mahanaimə.

Zɛnɛse 36:11

Elifazə lonnii laa ka: Teman, Omarə, Sefo, Gaetamə da Kenazə.

Zɛnɛse 36:15

Esau lonnii, bɛlɛ́ nąmįną laa ka: Esau lon ɉulɔnu tɔlɔɔ Elifazə: Teman ə kɛ a pɛlɛ́ nąmu, Omarə ə ɓo a pɛlɛ́ nąmu, Sefo ə ɓo a pɛlɛ́ nąmu, Kenazə yɛ ɓo a pɛlɛ́ nąmu.

Zɛnɛse 36:34

Yovavə haa pulu Husamə yai kɛ a Tema lɔi hu mun, ə tɔɔlaa kɛ.

Zɛnɛse 36:8

Esau ə hee Seirə ɲee hu. Esau ɓaa a Edɔmə.

Kɔlɔnikɔ Maa-ŋuŋ 1:53

Kenazə nwɔ pɛlɛ́i, Teman nwɔ pɛlɛ́i, Mivsarə nwɔ pɛlɛ́i,

Zôo 2:11

Ɉobə mɛlaa haaɓa di mɛ̨nįɠaai ti bələ mɛ̨n. Di həɠə di pɔ nɔiɠaa, diɛ pa di woo pilii mą. Elifazə ə həɠə Teman; Bildadə ə həɠə Sua; ɛlɛɛ Sofarə ə həɠə Naama. Di kəlee di pɛli ɉu, ə gɛ di pa di Ɉobə nwɔ mąąwɛli hee ɓo, di niilaa.

Zôo 4:1

Elifazə yii həɠə Téman, nwoo ka, yɛ diɛ:

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Azaya 21:11

Mɛ̨nįi kponąąi di mo a Duma laa, Woo kɛnɛ̨ ta kaa tɔɔi nwə́lii, yɛ həɠə Seirə pələ, yɛ kɛ mą: «Taa mąąkpɛmun! Kpini aa həli mį? Taa mąąkpɛmun! Kpini aa həli mį?»

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Ɉeremi 25:21

Edɔmə, Moabə, Amɔn nuą;

Ɉeremi 25:23

Dedan nuą Tema nuą, Buzə nuą da nuąi kpɔ tii da di nwun galaan,

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 49:20

Mɛ̨nį ɲɔ̨nwɔ̨ɔ̨, Yai-Laa aa mąą kili tee gwəi, yɛ hvilɛn na Edɔmə ɓa, ka ka wəli tɔɔ mą; mɛ̨nįɠaa gaa bɔ ə naa Téman nuą diɛ, daatɛlɛɛ kpulu lɔwai, ə mą kɛ, yiiɠaa di hviikpɛɛ, di kaa pai kɛi di yalai. Di mąą mɛ̨nį ɓa, gaa pai di wɔ lɔi huwoloi. Yili hva ɉəɠə mą.

Ɉeremi 8:9

Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Izikiɛ 32:29

«Edɔmə kaa laa, nwɔ tɔɔɓɛlaai, da nwɔ lɔi ɲɛ̨itɔwɔ nuąi; bələi mąn tii di kɔ́ la kɛnɛ̨, da nuąi gɔ́ kɔ́ ɓɔwa ə ɓɔ di hu, da diɛ ni ɓə kɛɛnąą tɔ̨nɔ̨ ɓa. Diɛ kpɛ́li mąn, da gɛ́nɛ kpolɔwaɠaa ɓə di laa, da nuąi yɛɛ nɔwa hu.

Danîa 11:41

Gaa pai nɔi lɛlɛiɠaa kəlee həɠəi, nu tamąą di ɉu haa ɓo. Kələə Edɔmə nuą, Moabə nuą, da Amɔn nu huwu gbɛa-kpɛaɠaa di wɛi da kulɔ ɉu.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Dutɛrɔnome 23:7

Ka hvə kpɔ kɛ ka káá ka ɲɛ̨i kulɔi di wɔ hɛn da pɔ, ə mą kɛ di wɔ yee la hvólóon naa ka wɔ yɛnɛ̨ɛ̨ kəlee hu.