Ɉeremi 49:39 - Yálá laawoo hɛɓɛ (dc)

³⁹ «Kɛlɛɛ tinąą tɔwɔ pələ, ŋą́ pənə ŋą́ Elamə tɔɔ. Yai-Laa woo li.»

Yálá laawoo hɛɓɛ

³⁹ «Kɛlɛɛ tinąą tɔwɔ pələ, ŋą́ pənə ŋą́ Elamə tɔɔ. Yai-Laa woo li.»

Bible

³⁹ Kɛ́lɛ, ǹaa-loŋ a gɛ̀ tí, ŋa pâi gɛ̂i Elaŋ é ƃûu ƃó ŋɔ́nɔ. Ńyàa Yâwɛɛ ƃé mò tí.”

Ɉeremi 49:39 Iomraidhean Croise

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Ɉeremi 12:15

Kɛlaa ŋį́ di kulɔ tii a di nwun, gáá pai pənəi ŋį́ di mąąwɛli kaa, ŋį́ pənə ŋį́ pa a di kəlee gwɛ́lin nɔi hu, ŋį́ nu kəlee hee nwɔ lɔi hu.

Ɉeremi 48:47

Kɛlaa, ɲɛnɛ̨ɛ̨ tɔwɔ pələ, gáá pai Moabə tɔɔi Ɲą́ą́ Yai-Laa nwóó li! Moabə nwɔ kiti kpɛlai ka.

Ɉeremi 49:38

Gáá nwɔ́ tɔɔ kpəlin heei Elamə lɔi hu, dɔɔmun mąn, galan ɉonŋaa mąn, ŋą́ gəlee kulɔ laa. Ɲą́ą́ Yai-Laa nwóó li.»

Ɉeremi 49:6

Yili pulu, ŋą́ pənə ŋą́ Amɔn lonnii hee di nwun ɲa.»

Izikiɛ 29:14

Gɛ́ Eziptə nuą tɔɔ pələ mąą hvalin, gɛ́ pənə gɛ́ paa a diɛ ɉɛɠɛɛ pələ lɔɠaa hu, diɛ hee laa, ə ɓo a lɔi pɛliɛ ɉu.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Danîa 2:28

Kɛlaa, Yálá yii gaa yələkɔlɔn ɉu, ya ɓə aa hvaa mą, mɛ̨nįi pai kɛi, yii noɔ, aa nɛ tɔɔmun Nabukodonosorə ɓa. Tɔɔmun, ɓɛlɔwai ə́ kɛ la laani ə́ yəi gbin ŋą, ɉįi tii ə́ gaa, ya ka:

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.