Ɉeremi 49:36 - Yálá laawoo hɛɓɛ (dc)

³⁶ Gáá pai heei Elamə ɓa a hvaŋą nąąn bələ kəlee gɛ́ daɠa taɠa yələ ɲɛ̨i, lɔi ta hvo pai kɛi laa, ɓɛi da di mąąkilɛ laa.

Yálá laawoo hɛɓɛ

³⁶ Gáá pai heei Elamə ɓa a hvaŋą nąąn bələ kəlee gɛ́ daɠa taɠa yələ ɲɛ̨i, lɔi ta hvo pai kɛi laa, ɓɛi da di mąąkilɛ laa.

Bible

³⁶ Ŋa pâi gɛ̂i fãa é kúla kpɔ́ Elaŋ lɔii m̀éla gwaa kélee ma é gɛ́ ǹaa-ƃelai kélee kpɔ́ dítaa-tâa kwaa kélee ma. Lɔii da fé pâi kɛ̂i naa nyíi Elaŋ-nuu da fé pâi kɛ̂i zu a kɔ pû-nuui.

Ɉeremi 49:36 Iomraidhean Croise

Mąątɛ̨nɛ̨ 147:2

Yai-Laa ɓə pənə ə Ɉerusalɛmə tɔɔ, Gaa pənəi yɛ Israɛlə nwɔ kɔluwɔ pɔlɔɠaa ɲąąkpɔn.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 49:32

Di wɔ ɲɔ̨nwɔmɛɛɠaai daa lɛɛ a too ɉu hɛn, di wɔ taatɛlɛɛ kpului aa lɛɛ a kɔ́ hon. Gáá di hu taɠai, yələ ɲɛ̨i, kɛɛnąą kəlee. Nuąi di wəli kwɛlɛ kpɛlɛ kalaan ŋąą, di hukala mɛ̨nį a həɠə bələ kəlee. Ɲą́ą́ Yai-Laa nwóó li.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Danîa 11:4

Ɓɛlɔwai gaa pai nwɔ tɔɔlaai heei la, nwɔ tɔɔlaai tii kaa pai woloi ə taɠa-taɠa yɛnɛ̨ɛ̨ nwono nąąn gəlee hu. Ɉuwuhu mun da hvo pai heei dɔɔ kpəlin ɉu, dɔɔlaa ŋąą a kwɛlɛ nu takpɛliɠaa diɛ, kɛlaa, yiliɠaa di wɔ tɔɔlaa hva həli nwɛi pɔ.

Danîa 8:22

Ɓɛlɔwai mįnɛ̨ tɔ̨nɔ̨i tii ə yali la, mįnɛ̨ nąąn tii tɔɔ nwuɔ̨ a dɔ̨nɔ̨i tii pɔɔi, gaa a tɔɔlaa nąąn, yii pai kulɔi nɔi tɔ̨nɔ̨i tii hu. Kɛlaa, di wɔ huwalawala hva kɛ yɛ mįnɛ̨ tɔ̨nɔ̨i tii nwɛi.

Danîa 8:8

Molu hilɛi tii ə kɛnɛ̨ laa hɔlɔɓo, kɛlaa, ɓɛlɔwai ɲee ə walawala la, mįnɛ̨ kɛnɛ̨ tɔ̨nɔ̨i tii kɛ nwuɔ̨, ə yali. Mįnɛ̨ nąąn dakpɛli ə pənə ə tɔɔ, yiliɠaai diɛ ɓo a kaakaa hɛn. Dɔ̨nɔ̨ ə tɔɔ voló həɠəi pələ, dɔ̨nɔ̨ ə tɔɔ voló tooi pələ, dɔ̨nɔ̨ ə tɔɔ ɲələi pələ, dɔ̨nɔ̨ ə tɔɔ ɉɛɠɛɛ pələ.

Amɔsə 9:9

Yiihu, gáá nuą tii, gɛ́ diɛ: Di Israɛlə huwu-huwu ɓo, huwu takpɛliɠaa lɔwai, Di di hu kpɛ, yɛ pələi da hɛnŋąą kpaŋąn na, nɛlɛɛ tɔ̨nɔ̨ kpɛli hva pili, gala yɛ kulɔ ɉu.

Zakari 6:5

Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

M̀ɛni-lɛɛi 7:1

Yili pulu, ŋą́ malaka nąąn gaa tɔɔni lɔi wəlinna nąąn ma, di yee yɛ ɓo lɔi mɛ̨i hvaŋą nąąn ma, ə gɛ, hvaŋąi lɔpee ta hvo tɛɛ lɔi mɛ̨i, gboloyá ɲą, ə mą kɛ, wulu ta ɓa.