Ɉeremi 49:3 - Yálá laawoo hɛɓɛ (dc)

³ Hɛsbɔn! 'Toma yɛ́ kɛ mą: «Daa Ai taa pu!» 'Ka tomą, kaai a Raba yee mu taaɠaa! 'Ka ɓíi haɠa too ka kwąną, 'ka ká woo laa! 'Ka tɛɛ gumunŋaa lɔwai! Milkomə kaa lii kɔluwɔlaa hu, da nwɔ haláá laa həli nuą, da nwɔ nu kpɛa kpɛa kəlee, di kaa lii a gee.

Yálá laawoo hɛɓɛ

³ Hɛsbɔn! 'Toma yɛ́ kɛ mą: «Daa Ai taa pu!» 'Ka tomą, kaai a Raba yee mu taaɠaa! 'Ka ɓíi haɠa too ka kwąną, 'ka ká woo laa! 'Ka tɛɛ gumunŋaa lɔwai! Milkomə kaa lii kɔluwɔlaa hu, da nwɔ haláá laa həli nuą, da nwɔ nu kpɛa kpɛa kəlee, di kaa lii a gee.

Bible

³ Ɛsibɔŋ-ƃela, ka wɔ́lɔ. Da Eea su kàra! Laba nɛyaa, ka malôŋ see ƃó. Ka maloŋ tôo-maa sêɣe too kâa a malôŋ pere. Ka kɛ́ wúlee kákɛ kîrɛ sìɣe. Da pâi liî a káɣâlai Maakɔŋ, ŋɔsâla láa soŋ-ƃelai da ŋɔtíi kɛ́-ƃela kpaya-kpayai kɔ-sôŋ-laa su.

Ɉeremi 49:3 Iomraidhean Croise

Samia Veerɛi 11:1

Gwɛlan gɔwɔ tɔɔi lɔwai, ɓɛlɔwai tɔɔɓɛlaa di kɛi li la kɔ́ ɓa, Davidə ə Ɉoabə tɔɔ, da ɲee pɔ nuą kəlee, ə mą kɛ Israɛlə kɔ́kuláá kəlee. Di Amɔn lonnii tamąą paa, yili pulu di kɔlaɠa pɛlɛ Raba taa kwɛlɛ. Davidə nwɛi, hvo li, ə lɛɛ Ɉerusalɛmə daai.

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa dɔlɔɔ 11:5

Salomɔn ə hvilɛn Astarte pulu, yai kɛ a Sidɔn nuą di wɔ hali, da Milkomə, yai kɛ a Amɔn lɔi hu nuą di wɔ ɓɛlɛkpɛɛmąą halii.

Tɔɔɓɛlaa veelɛ 23:13

Ɉaláá kulɔiɠaa ŋɛ̨i Salomɔn ə dɔɔ ɉɛɠɛ pələ Olivə yee ɓa, Ɉerusalɛmə tənən mą, ɉaláá kulɔiɠaa tii, da ə kɛ a: Astarte nwɔ, yai kɛ a Sidɔn nuą di wɔ hali nwɔnwɔɔ. Da ə ɓo a: Kemɔsə nwɔ, yai kɛ a Moabə nuą di wɔ hali nwɔnwɔɔ; dɔ̨nɔ̨ ə ɓo a: Milkomə nwɔ, yai kɛ a Amɔn nuą di wɔ hali ɓɛlɛ kpɛɛ mą, gɔhɔɓoɔ; Ɉosiasə ə gəlee nąą wolo.

Ɛsdrasə 2:28

Betɛlə da Ai nuą di kɛ a nu nwun veelɛ ɲee hveelɛ kɔ́w haaɓa (223).

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Azaya 15:2

Nuą kaa tɛi Divɔn haláá kulɔ pɛlɛ́ mu, diɛ wɔlɔ laa. Moabə kaa nwoo laai Nebo yee da Madaba yee nwuɔ̨; daa nwun gəlee kalaan, daa kpɛlɛ kəlee pu.

Azaya 16:7

Ya ka kɛa Moabə kaa wɔlɔi Moabə mɛ̨i, diɛ di kee hon a wɔlɔ, di liikələn ŋąą di kwəi, diɛ ɲiŋɛ̨ a kwəi pili mąą, Kirə-Harɛsɛtə taa kpoloon mɛ̨i.

Azaya 23:1

Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

Azaya 23:6

'Ka gboloyá teen, ka həli Tarsisə; 'ka gboo təli, gboloyá hɛ̨ąi lɔi hu nuą.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 46:25

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Gáá pai heei Tɛbɛsə taa nwɔ halii Amɔn hu, ŋą́ hee Eziptə tɔɔmun ɉu da nwɔ haliɠaa, da nwɔ tɔɔɓɛlaa. Tɔɔmun da nwɔ nuą kpɔ kɛ di kilitɔɔ mą.

Ɉeremi 48:2

Moabə hva kɛa nwun dɛ, di kaa mąą nwun dɔɔ ɲɔ̨nwɔ̨ɔ̨ kɛi Hɛsbɔn, ə mą kɛ yɛ́ Madmen, daa laa lɔ ə́ la, ɓɔwa kwɛaa hvilɛn ŋąą ə́ pulu.

Ɉeremi 48:20

Moabə aa too, nwumɛ̨ aa ɲɛ̨i paa; 'Ká gboo təli! 'Ká nu təli káá. 'Ká nolo ɓo Arnɔn yá mɛ̨i, káá diɛ: Daa Moabə huwolo.

Ɉeremi 48:37

Yili mąą mɛ̨nį ɓa, daa di nwun gəlee kalaan, daa di kpɛlɛ kəlee pu, daa ɓɔwa pɔɔ kɛ di yee kəlee ɓa, ɓíi hɛlɛn ŋąą nu kəlee woɓə ɓa.

Ɉeremi 48:7

Mąąhɔlɔɓo, ka ka kilitɔɔ ka kpɔwɔ ɓa, da ka yəi hɛn gɔwɠaa, ka hon ŋąą li. Kemɔsə kaa lii mąąkilɛi, da nwɔ haláá kulɔ nuą, da nwɔ ɲąąwooɓo kɛ nuą kəlee.

Ɉeremi 49:1

Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Ɉeremi 51:8

Ya ka, Babilonə aa too lɔ ŋɛ̨i tɔ̨nɔ̨, nuą tɛɠii pələ, ɉu aa yali. 'Ka wɔlɔ pu mɛ̨i, 'ka ɉali kɛ, gaa kiɛ pai ɓaloi.

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Amɔsə 1:15

da di wɔ tɔɔmun hon, di li la luwɔlaa hu, da nwɔ nwun nąmɛ̨ną.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

Zasua 7:2

Ɉosue ə lɛɛ Ɉeriko, ə nuą tɔɔ, diɛ li Ai daai, yii kɛ Bɛtə-Awɛn kwɛlɛ, Betɛlə taa voló həɠəi pələ, yɛ diɛ: Ka li ka nɛ̨lɛ̨ɛ̨n naa kɛ nɔi. Nuą tii, də li, di nɛ̨lɛ̨ɛ̨n naa kɛ Ai daai,

Zasua 8:1

Yai-Laa yɛ Ɉosue ɓa: «Hvo ɲɔw, ə́ wɔ kɔ́kulááɠaai həɠə, ə́ li ə́ kɔ́ pɛlɛ Ai taa ɓa. Ə́ kaa gaai, ŋą́ą́ daai tii ɉu tɔɔmun, ɉu nuą da nwɔ lɔiɠaai kəlee tɛɛ ə́ pɔ.

Zasua 8:28

Ɉosue ə Ai taa kələn, ə nąą lɛɛ a taa kpoloon, ə nąą kɛ a kɛɛnąą yii nu hva pɛli heei laa, háá ɓa háá nąą kaa tii.