Ɉeremi 49:23 - Yálá laawoo hɛɓɛ (dc)

²³ Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Yálá laawoo hɛɓɛ

²³ Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Bible

²³ M̀ɛnii ŋí ƃé Yâwɛɛ è mò é pîlaŋ Dɛmɛika ma: “Ǹûai díkaa Ama da Apa taa-leei sui, da yao da kɛ́ wúlee, kpɛ́ni fêi, da tùŋ nyɔ́mɔ mɛ́ni a pîlaŋ Dɛmɛika ma. Mĩli-mili a yeŋ a dîa yɛ̂ɛ yúo, dífa pɔ̂ri dífii tɔ̂ɔi.

Ɉeremi 49:23 Iomraidhean Croise

Zɛnɛse 14:15

Abramə ə nwɔ nuą ŋąą kwɛlɛ a kpulu heei tamąą, di pɛlɛ di yowoɠaa diɛ a kpinį. Di dɔɔɓɛlaa paa, di hvilɛn nu kpəliɠaa pulu, di lɛɛ di pulu, ə lɛɛla ɉu di li Hova daai yii gaa Damasə taa ɲánwuɔ̨ pələ.

Zɛnɛse 15:2

Abramə ə́ mo mą yɛ mą: «Ną́mu Yálá, lə ɓə ə́ kaa pai dɛɛi bɔ́? Ɲą́ą́ ka ŋɛ̨i hvo kɛ lon dɛɛ li bɔ́, lon və mą́ą́ yai pai gwɛ́lin ɉəɠəi. Akɛtii Eliezɛrə ŋɛ̨i a Damasə mun, yii gaa a nwɔ́ luwɔ, ya ɓə pai gwɛ́lin ɉəɠəi?»

Samia Veerɛi 17:10

Nąąlɔwai, ə mą kɛ nui nii kpəlɛɛ yɛ yala hilɛ, ɲɔw a too ɉu, mąąhɔlɔɓo, Israɛlə nuą kəlee di gɔlɔn diɛ ə́ nąn gaa a kulaa, bɔ nuą kəlee huwalawalaa.

Samia Veerɛi 8:9

Hamatə tɔɔmun Toi ə bələ mɛ̨n diɛ kɛ Davidə yee a tɛɛ Hadadɛzɛrə nwɔ kɔlaɠaɠaa kəlee diɛ.

Tɔɔɓɛlaa dɔlɔɔ 11:24

Ə nuą ŋąąkpɔn gwɛlɛ, ə kɛ a too mɛ̨i kɛ nuą nwun nąmu. Di paai Davidə ə kɛi mo, di pu di li Damasə, di hee laa, diɛ ɓo Damasə ɲąąwooɓomun bɔ.

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Tɔɔɓɛlaa veelɛ 18:34

Hamatə da Arpadə haliɠaa, di kaa mį? Sefarwaimə da Hena, ɛlɛɛ, Iwa di wɔ haliɠaai di kaa mį? Ɉaliɠaa tii, di pɛli mɔ̨ɔ̨ Samari lɔi kulɔi ɲéé ŋą?

Tɔɔɓɛlaa veelɛ 19:13

Mį ɓə Hamatə tɔɔmun gaa laa, da Lairə tɔɔmun Arpadə, da Sefarwaimə nwɛi, da Hena nwɛi, ə lɛɛ, da Iwa?»

Tɔɔɓɛlaa veelɛ 5:12

Damasə ɲálee kpɛa kpɛaa hveelɛi a Abana da Parparə, di hvo mɔ̨ɔ̨ hviɛla ɓo li di hvo tɛɛ Israɛlə yáɠaa kəlee diɛ; vá mɔ̨ɔ̨ pɛli kɛ nwáái laa gɔ́lɔ́ hvo kulɔ?» Ə bulu pənə yɛ li a lii kələn gwəi kɛnɛ̨.

Kɔlɔnikɔ Veerɛi 16:2

Asa ə wali da hɛni həɠə Yai-Laa ŋą hɛngɔw kpɔlɔi hu, ɲəi bɛlɛ́n, da tɔɔmun ɲəi ɉɛngɔw kpɔlɔ hu, dɔɔ pɛlɛ́ mu; ə dɛɛ Aramə tɔɔmun Bɛn-Hadadə ɓa Damasə, yɛ mą:

Lɛɛ gbɔwɔ ɓa 15:15

Ɲɔw aa too Edɔmə lɔi nwun nąmįną hu. Moabə tɔɔɓɛlaa hu a kpɛlin Kanaan lɔi hu nuą daa həɠeen a ɲɔw.

Azaya 10:9

Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 13:7

Yili ɓə gɛi, nu kəlee yee hu a haa, hviikpɛɛ aa lɔ nu kəlee kɔ́lɔi.

Azaya 36:19

Hamatə da Arpadə di wɔ yáláɠaai kaa mį? Sefarwaimə nwɔ yáláɠaai kaa mį? Di mɔ̨ɔ̨ pɛli Samari kulɔi ɲee ɲą?

Azaya 37:13

Mįnɛ̨ ɓə kələi dɔɔɓɛlaa ŋɛ̨i kaa laa: Hamatə nwɛi, Arpadə nwɛi, Lairə nwɛi, Sefarwaimə tɔɔmun nwɛi, Hena nwɛi, ɛlɛɛ da Iwa nwɛi?»

Azaya 57:20

Kɛlaa, nu ɲɔ̨nwɔ̨ɔ̨ɠaa kaa yɛ gboloyá nwąną a kulɔ, hva pɛli heei tin, ɲaɠaa diɛ palaya da kalaɠaa tɛ yələi.

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Ɉeremi 39:5

Kɛlaa, Kalde kɔ́kulááɠaa di hvilɛn di pulu, di Sedesiasə hon Ɉeriko yɛɛkɔwɔ hu, də li la Rivla, Hamatə lɔi hu, Babilonə tɔɔmun Nabukodonosorə pɔ. Yili ə giti tee.

Izikiɛ 27:18

Ɉɛn ɉuwu tamąąi ə́ kɛli di pɛli, Damasə ə kɛi mɔlɔmun ɲa ə́ yəi; ə kɛi ɲa ə́ yəi a Hɛlbɔn lɔɔ da Saharə yeehvunwɔ̨.

Amɔsə 6:2

Ka li Kalne daai, mɛ̨nįi kɛi laa, ka gaa. Ka həɠə laa, ka li Hamatə daa lee hu, Yili pulu, ka yɛɛ Gatə daai Filisti nuą pɔɔli. Ka li, ka nąą kəlee mąąkpɛɛ. Kɛlɛi ka wɔ lɔi kɛnɛ̨i dɛɛ di wɛi ɓa ee! Ɛlɛɛ, ka hviɛlaɓoɔ diɛ.

Nahumə 2:10

Ka nwali həɠə, ka ɉɛni həɠə, ɉɛn laa, kpɛɛ hvo mą; hɛn nɛlɛɛ huwu kəlee puɔi laa gee mɛ̨i.

Lonon mo 13:21

Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Gɛlaɠaa 27:20

Yíi kuu tamąą ə tɛɛ, hvóló mąn, pɛmɛ̨lɛ̨n-gɔw mąn, ku hvo da kaa; ɛlɛɛ, dulɔ-hvaŋą ə kɛ lɔ ni a gɛnɛ̨. Ku kili hvo kɛa kɛ tɔɔ li hɛn nɔpee ta ɓa, ku ɓalo mɛ̨nį hu.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Korɛntə veelɛ 11:32

Damasə daai, tɔɔmun Aretasə ŋą gbahalanąmąi aa kɛ holahiɠaa tɔɔ ɉįi laa, ə gɛ di ɉón.

Dutɛrɔnome 20:8

Nɔi mąąkpɛ nuą di kaa nwɔ̨nɔ̨ pai kɛi diɛ: «Nu ta kaa laa yɛ ɲɔw, nii yɛ kulɔ mą? Mąą nu ə yali bulu ə li bɔɔli, hvo pa nəi nąn nonnii hviikpɛɛ yɛ yaa.»

Zasua 14:8

Nán nonnii tii kwa diɛ ni kwəli, di yá laa nuą kɔ́lɔi, kɛlaa nwɛ́i, vílɛn ŋąą kɛ Yai-Laa pulu, nwɔ́ Yálá, və́ tɔɔ takpa-takpa.

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.