Ɉeremi 49:2 - Yálá laawoo hɛɓɛ (dc)

² Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Yálá laawoo hɛɓɛ

² Yili mąą mɛ̨nį ɓa, Yai-Laa yɛ diɛ: «Hvoloɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Bible

² Kɛ́lɛ, ŋ̀elei káa pâi tãi ŋa pâi gɛ̂i la kɔ́ é tɛ́ ǹûai dítaa-lêei Laba sui. Ǹyaŋ ǹaa a pâi lɛɛ̂i a pilêŋ ŋá, ŋá díkpanâŋ-ŋai kéreŋ kpɔ́ kpúŋ. Gɛ̀ ní Eezuɛ a pâi ŋɔlɔii dí gula ǹyéei siɣêi pôlu.

Ɉeremi 49:2 Iomraidhean Croise

Samia Veerɛi 11:1

Gwɛlan gɔwɔ tɔɔi lɔwai, ɓɛlɔwai tɔɔɓɛlaa di kɛi li la kɔ́ ɓa, Davidə ə Ɉoabə tɔɔ, da ɲee pɔ nuą kəlee, ə mą kɛ Israɛlə kɔ́kuláá kəlee. Di Amɔn lonnii tamąą paa, yili pulu di kɔlaɠa pɛlɛ Raba taa kwɛlɛ. Davidə nwɛi, hvo li, ə lɛɛ Ɉerusalɛmə daai.

Mąątɛ̨nɛ̨ 48:11

Yálá, Ə́ mąątɛ̨nɛ̨ woo da ə́ laa, a lɔi nąą kəlee kulɔ ə́ ɓa-mįi-yee laahvɛɛi a tələnmolaa.

Mąątɛ̨nɛ̨ 97:8

Yai-Laa! Ə́ wɔ kiti wooɠaai mąą mɛ̨nį ɓa, Siɔn a bələ mąn, yɛ mąą kwəinɛ̨ɛ̨ kulɔ, Ɉuda taaɠaa diɛ mąą mąną kaa.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 17:1

Mɛ̨nįi kponąą di mo yɛ hvilɛn na Damasə, ɓa ya ka: Damasə hvo kɛa pai lɛɛi a taa, gaa pai lɛɛi a taa kpoloon.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Ɉeremi 49:1

Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Izikiɛ 21:20

Ŋą́ą́ gɔ́ kɔ́ ɓɔwa ɲąą hee pɛlɛ́ kəlee laaləi yɛ nuą lii kulɔ diɛ yɛ nuąi tooi di kpulu hu kɛnɛ̨. Di bɛli yɛ lən mąną mąną, di ɲąąli nuą paa mɛ̨nį ɓa.

Izikiɛ 21:25

Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Amɔsə 1:14

Yili ɓə gaa mą, gáá pai nwɔ̨n dooi Raba daai, nwɔ̨n ə di wɔ tɔɔ pɛlɛ́ɠaai kəlee kələn. A kɛ a kɔ́ yələ, ɓɛlɔwai kɔ́ mɛ̨i wɔlɔ woo a kɛ tɔɔi la, a tulɔ hvaŋą kɛnɛ̨ tɛɛ yələ,

Abdiasə 1:19

Ɉuda nu huwu kaa pai Esau huwu nwɔ yeeɠaai həɠəi ɉɛɠɛɛ pələ, di hee nɛ̨ŋɛ̨ lɔi hu, ɓɛi ŋɛ̨i kɛ a Filisti nuą di wɔ lɔi, ə mą kɛ da Samari taa, yii Ɛfraimə nuą di wɔ lɔi hu. Bɛnɉamɛn huwu kaa pai Galaadə lɔi həɠəi.

Lonon mo 10:9

«Ɓɛlɔwai ka kɛ la ka wɔ lɔi hu, ka kɛi pai lii kɔ́ pɛlɛi ka yowoɠaa diɛ, da tómą a kɔ́ mɛ̨i woo, ka dúlú hvɛɛ. Ka gɛ tii, a ka nąą kili too pələ Yai-Laa ka wɔ Yálá ŋą, yɛ ka kulɔ ka yowoɠaa yəi.

Lonon mo 21:25

Israɛlə ə daaɠaa kəlee hon, ə hee Amɔrə taaɠaa kəlee hu, Hɛsbɔn taa da gwɛlɛ lɔi kəlee.

Dutɛrɔnome 13:16

mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.

Dutɛrɔnome 3:11

Basan tɔɔmun tii kɛ a Ogə, yaa tɔ̨nɔ̨ ɓə kɛ aa lɛɛ a Refaitə nuą kpəli. Nwɔ gbin ə kɛ a kwɛli gbin, gaa Raba Amɔn nuą di wɔ taaleei hu, gwɛa yee ə kɛ a yee laa mą mɛ̨inąą, ɲąą kɛnɛ̨ yee ə ɓo a yee laa mą nąąn; yɛ bələi da hɛnŋąą kɔ́ɔn na a bɔlɔ.

Zasua 17:11

Isakarə da Asɛrə di wɔ lɔi hu, Bɛtə-Sean da ɲeemu taaɠaa di kɛ Manase yəi, da Yivleamə ə mą kɛ ɲeemu taaɠaa, Dɔrə taa da ɲeemu taaɠaai, Ein-Dɔrə da ɲeemu taaɠaa, Taanakə da ɲeemu taaɠaa, Megido da ɲeemu taaɠaa. Ɲee lɔwai taa haaɓai diɛ kpɛli.

Zasua 17:16

Ɉosɛfə lonnii diɛ mą: «Ɲee ɓa lɔi hva pɛli kuɔ, yili pulu nwɔ̨nɔ̨, kwɛli wotoloɠaa kaa, Kanaan nuąi kəlee yəi diɛ heeni nɛ̨ŋɛ̨ lɔi hu, da yiiɠaai di kaa Bɛtə-Sean da gwɛlɛ lɔiɠaa hu, ə mąkɛ yiiɠaai Izreɛlə nɛ̨ŋɛ̨ lɔi hu.»