Ɉeremi 49:19 - Yálá laawoo hɛɓɛ (dc)

¹⁹ Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Yálá laawoo hɛɓɛ

¹⁹ Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Bible

¹⁹ Ŋa pâi pâi dîa yɛ̂ɛ yala-sulu a kùla ǹɔɔi su Zɔdiŋ Ya-leei kɔlɛ a pɛ̀lɛ ƃála-ŋa dîa gala ŋûnui ŋá ƃɛ́i da dílaa-mii naai. Ŋa pâi pâi ŋá Idɔŋ-ƃelai kɛ́ dí pú a maa félaa dí kúla dílɔii su. Gɛ̀ ní, ŋa pâi dílaa túɛ-nuu lɛ̂i nyíi pâi dímɛi kâai. Gbɛ̂ɛ ƃé ka pɔ̂ri gɔɔ̂ni ḿâi? Gbɛ̂ɛ ƃa pɔ̂ri tɔɔ̂i ŋ́ɛi túɛi?

Ɉeremi 49:19 Iomraidhean Croise

Kɔlɔnikɔ Maa-ŋuŋ 12:15

Gadə lonnii tii lɔwai, diɛ ɓə kɛ a kɔlaɠa nwun nąmįną. Nui kɛ di lɔwai nwɔ kɔlaɠai tiikpə, nu ə kɛ ɉu a nu nwundɔ̨nɔ̨. Nui kɛ nwɛi kɛnɛ̨, nu ə kɛ ɉu a nu waa tɔ̨nɔ̨.

Kɔlɔnikɔ Veerɛi 20:6

Ɉosafatə ə Yálá hvɛli ŋɛ̨i, yɛ mą: «Yai-Laa ku nąnni di wɔɔ Yálá! Kɛlɛi, Yɛ́ ɓə a Yálá yələkɔlɔn mɛ̨i yələkɔlɔn ɉu-e! Ɛlɛɛ, Yɛ́ tɔɔ lɔiɠaa kəlee ɲąąwooɓo-e! Huwalawala da heeɓolaa di kaa Ə́ yəi, hɛn da lɔpee hva pɛli tɔɔi Ə́ la.

Zôo 41:10

A tihoo ɓo, kɛɛ pɔ̨nɔ̨ a kulɔ di lɔwai, ɲɛ̨i lon ə ɓo yɛ yələ ɓɔi gɛɛ pɔ̨nɔ̨.

Zôo 9:19

ŋį́ pɛli mɔ̨ɔ̨ huwalawala laa kulɔi la? Gaa a Huwalawala Nąmu. Ŋą́ tələnmolaa hu hvɛli, gbɛɛ ɓə a dɛɛ bɔ́?

Zôo 9:21

Ɉɔ́n və ɉu ɓəi? Vá pɛli gbaɠala kaai. Nwɔ́ yɛnɛ̨ɛ̨ wɛli kpɛɛ mą́ą́ ka ti.

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Mąątɛ̨nɛ̨ 76:7

Ɉakɔbə nwɔ Yálái, tómąi ə́ mo, gɔ́ kɔ́ wotolo mąn, ɉoo mąn, di kanąn, di tɔɔi.

Mąątɛ̨nɛ̨ 76:8

Yá ɲɔw pili nu kɔ́lɔi, ɲələi ə́ lii a holi la, gbɛɛ ɓə a pɛli tɔɔi ə́ líila?

Mąątɛ̨nɛ̨ 89:6

Yai-Laa, yələkɔlɔn ə Ə́ hɛɠɛɛɓo, mɛ̨nį ɲɛ̨i kɛnɛ̨ɛ̨i tii mąą mɛ̨nį ɓa; nu mąąhəɠɛɛɠaa di wɔ ɲąąkpɔn ɉu, di ə́ wɔ tɛ̨ą mɛ̨nį hukulɔ.

Mąątɛ̨nɛ̨ 89:8

Nu mąąhəɠɛɛɠaa di wɔ ɲąąkpɔn hu, da ɲɔw Yálá ɓa diɛ nwumɛ̨ mą, ɲɛ̨i mąą ɲɔwuɔi dɛɛ hɛn kpɔ gwɛlɛ gəlee diɛ.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Azaya 40:25

«Gbɛɛ ɓə ka pɛli Gɔ́ɔ́n ɉii mą, kaa gɛ a bɛ́li?» Mąąhəɠəmun nwoo li

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.

Ɉeremi 12:5

Akɛ nuąi di kaa gilɛ həɠəi di kɔ́wɔ ŋą, ə́ kɔ́wɔ a wala lɔ di pɔ, yá tɔɔ pələ kɛ ləi, yɛ́ kɛ, ka hoo mɛ̨i nuą ka gilɛ həɠə? Akɛ ə́ wəli pulu a wala kɛ a naɠiɛ liilaa lɔi hu, ə́ kaa pai gɛi ləi Ɉurdɛn ya hvɛɛ hu?

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Danîa 7:4

Dɔlɔɔ tii, ə kɛ yɛ: Yala, goon ɲɛ ɓo mą yɛ kuwɔ, ɲɛ̨i ə lɛɛ lɔ ma, di goon gulɔ ma, ɉuwɔi tii ə haŋą ə tɔɔ gɔwɔ hveelɛi mɛ̨i yɛ nu, nu kili ə nɛɛ mą ə too ɉu.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,

Lonon mo 16:5

Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Zasua 3:15

Ə kɛ a di wɔ hihɛnŋąą ɓá kulɔi lɔwai, yaan, nąąlɔwai Ɉurdɛn ə kɛ a vɛɛ naŋin ŋąą gahin mɛ̨i; kɛlaa, ɓɛlɔwai mįnɛ̨ kəhi həɠə nuą kɔ́wɔ ə hvilɛn na ɲái,

M̀ɛni-lɛɛi 6:17

Hvo gaai, ɲələ aa ɉəli, yai a ŋą liiŋąnwąną hvóló kɛnɛ̨i, ɛlɛɛ, gbɛɛ ɓə pai kulɔi ɉu?»