Ɉeremi 49:1 - Yálá laawoo hɛɓɛ (dc)

¹ Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Yálá laawoo hɛɓɛ

¹ Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Bible

¹ M̀are kɛ̂ɛi Yâwɛɛ è gɛ̀ é pîlaŋ Amɔŋ lɔii mai ƃa, “Eezuɛ sinaai kɔɔ? Núu da fé naa é dílɔii maa kɔ̃ɔ? Lé mɛni ƃé dí ǹɛɛ la naa diai da Mɛɛkɔŋ ɣalai fɛ̂lii dí kɛ̀ Daŋ ŋɔlɔii sôŋ dí kɛ́ sèe naai?

Ɉeremi 49:1 Iomraidhean Croise

Zɛnɛse 19:38

Nokolo laamun yaa kpɛli ə naayɛɛ a hulɔnu, ə naa hee a Bɛn-Ami. Bɛn-Ami ɓə kɛ a Amɔn lɔi hu nuą di kalaɓɔlɔ.

Tɔɔɓɛlaa veelɛ 10:33

Ə həɠə Ɉurdɛn ɓa voló həɠəi pələ, Galaadə lɔi kəlee, Gadə nuą da Rubɛn nwɔ nuą, ə mą kɛ Manase nwɔ nuą di wɔ lɔi, ə həli nwɔ̨nɔ̨ Aroɛrə, yai Arnɔn ɓoloon nwəli la, Galaadə lɔi, da Basan lɔi.

Tɔɔɓɛlaa veelɛ 24:2

Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Kɔlɔnikɔ Veerɛi 20:1

Yili pulu, Moabə nuą, Amɔn lonnii, ə pɛlɛ la Maɔn nuą, di pa kɔ́ pɛlɛi Ɉosafatə ɓa.

Kɔlɔnikɔ Veerɛi 20:23

Amɔn nuą da Moabə nuą, di tinɛ̨n di pɛlɛ Seirə ɲee hu nuą diɛ, diɛ di paa, diɛ di hukala. Yii kɛa di Seirə nuą paa di di kpɛɛ, di tínɛ̨n kɛa, diɛ di kee paa.

Nehemi 2:19

Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Nehemi 4:7

Yili ɓə gɛ, gɛ́ kɛɛnąąɠaa kulɔ, ɉįi pulu pələ, nąąɠaa lonon, ŋį́ nɔi lonnii tɔɔ laa a kwəliɠaa laa, kɔ-kɔ ɓɔwaɠaa, da kpalaɠaa, da kilɛnŋąą di ɓo di yəi.

Mąątɛ̨nɛ̨ 83:7

Edɔmə nuą, Ismaɛlə lonnii, Moabə nuą da Hagarə lonnii,

Mąątɛ̨nɛ̨ 9:6

Yáá hį́i lɔiɠaa hutɔɔ, yɛ́ ə́ yowo nwun na pili, yáá di laa hu pu a yələ kəlee mɛ̨nį.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 25:21

Edɔmə, Moabə, Amɔn nuą;

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 27:3

ə́ da tɛɛ Edɔmə tɔɔmun da Moabə tɔɔmun ma, Amɔn lonnii di wɔ tɔɔmun, Tirə tɔɔmun, da Sidɔn tɔɔmun; di wɔ kɛlaɠaai tii pa Ɉerusalɛmə, Ɉuda tɔɔmun Sedesiasə pɔ ə́ dɛɛ di pɔ dəli la.

Ɉeremi 48:1

Mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá kaa moi yɛ hvilɛn na Moabə ɓa, ya ka, yɛ diɛ: Mąąwɛli mɛ̨nį aa laa Nebo taa ɓa, daa nwolo, daa Kiriataimə hon, daa nwumɛ̨ tɛ la. Gbakolo taai aa too, nwumɛ̨ aa ɲɛ̨i paa.

Ɉeremi 49:23

Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Ɉeremi 49:28

Mɛ̨nįi Yai-Laa kaa moi yɛ hvilɛn na, Kedarə da Hasɔrə tɔɔ lɔiɠaa, diɛi tii Babilonə tɔɔmun Nabukodonosorə ə di hon kɔ́ hu, ya ka: «'Ka ká muhəɠə, ka kɔ́ pɛlɛ Kedarə ɓa; ka Kɛdɛmə nuą hukala.

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Izikiɛ 21:25

Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Izikiɛ 25:1

Yai-Laa ə mɛ̨nį ɓo mą́ą́, yɛ mą́ą́:

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Lonon mo 1:24

Gadə lonnii lɔwai, yiiɠaai di kaa kwɛlan ə kɛ pow hveelɛ, da yiiɠaai di wɛi tɛɛ ɉu, diɛ pɛli ɓɔwa kwɛaa yalai daa hu, di hee kpəlin na kɛi di mo a gwəliɠaa laa da bɛlɛ́ɠaa laa,

Dutɛrɔnome 2:19

Ə́ həli hiɛ li Amɔn lonnii di wɔ lɔi hu. Hvó kɔ́ pɛlɛ diɛ, hvó hvaa kwɛli diɛ. Mąąhɔlɔɓo, Amɔn lonnii di wɔ lɔi hu, və́ pai hɛn da tɛɛi ə́ pɔ nąą. Lɔtə lonnii ɓə ŋį́ nɔi tii tɛɛ di pɔ a di hee lɔi.»

Dutɛrɔnome 23:3

Wɛlilon va lɔ Yai-Laa nwɔ haláá ɲąąkpɔn ɉu, ə mą kɛ, mąnįn bulu mąnįnŋąą daa kɛ pow, di hva lɔ Yai-Laa nwɔ haláá ɲąąkpɔn ɉu.

Dutɛrɔnome 23:4

Amɔn nuą da Moabə nuą di hva lɔ Yai-Laa nwɔ haláá ɲąąkpɔn ɉu kpɔ tɔ̨nɔ̨ kpɛli. Ə mą kɛ di mąnįn bulu mąnįnŋąą bow nąą ɓə.