Ɉeremi 48:45 - Yálá laawoo hɛɓɛ (dc)

⁴⁵ Nuąi pui, hviikpɛɛ, daa kpəla daa tɔɔ Hɛsbɔn nįnįn mu. Kɛlaa, nwɔ̨n aa kulɔ Hɛsbɔn, nwɔ̨n nən aa ɓɛla Sihɔn dɔɔ pɛlɛ́ mu. Gaa Moabə wəlii kwɛli kələn ɉii, yɛ woo ɲąnwąną nuą nwuɔ̨ kələn.

Yálá laawoo hɛɓɛ

⁴⁵ Nuąi pui, hviikpɛɛ, daa kpəla daa tɔɔ Hɛsbɔn nįnįn mu. Kɛlaa, nwɔ̨n aa kulɔ Hɛsbɔn, nwɔ̨n nən aa ɓɛla Sihɔn dɔɔ pɛlɛ́ mu. Gaa Moabə wəlii kwɛli kələn ɉii, yɛ woo ɲąnwąną nuą nwuɔ̨ kələn.

Bible

⁴⁵ Gɔ-pû-ƃelai nyíi-ŋai pɔri mâa fé kɛ́ ní dîɛi, dí lì dí tɔ́ɔ Ɛsibɔŋ koo mu. Ɛsibɔŋ ŋí ƃé kɛ̀ a daa-lêei Siɔŋ è wɔ́lɔ kɛ̀ naa mɛi. Dífe pɔri ní kɛ̀ tɛ̂i daai su, kpɛ́ni fêi, ŋɔŋ è kɛ̀ daai ma. Ŋɔŋ è ǹɔii ŋɔkɔyɛŋ-perei kêreŋ da ǹyée tôŋ su nyíi Môa-ŋai kɛ̀ a kɔ́ mɛni wɛ́liɛɛi dí kɛ̀ a díseɛɛ naai.

Ɉeremi 48:45 Iomraidhean Croise

Mąątɛ̨nɛ̨ 135:11

Sihɔn ka, yai kɛ a Amɔrə tɔɔmun, Ogə ka, yai kɛ a Basan tɔɔmun, ɛlɛɛ, Kanaan tɔɔɓɛlaa kəlee.

Mąątɛ̨nɛ̨ 78:63

Nwɔ̨n ə ɉilɛlɛa kələn, nɛ̨ɛ̨lɛa di wɛi, di hvo hilɛtai wələ too di mɛ̨i.

Ɉeremi 2:16

Ə mą kɛ Mɛmfisə nuą da Dafne nuą, diɛ Israɛlə nuą nwun giin.

Ɉeremi 48:2

Moabə hva kɛa nwun dɛ, di kaa mąą nwun dɔɔ ɲɔ̨nwɔ̨ɔ̨ kɛi Hɛsbɔn, ə mą kɛ yɛ́ Madmen, daa laa lɔ ə́ la, ɓɔwa kwɛaa hvilɛn ŋąą ə́ pulu.

Amɔsə 2:2

Yili ɓə gaa mą, gáá pai nwɔ̨n dooi Moabə lɔi hu, nwɔ̨n tii ə Keriyotə nwɔ tɔɔ pɛlɛ́ɠaai kəlee kələn; gɔ́ mɛ̨i woo da dulu wooɠaa hu, Moabə kaa pai lɛɛi gɔi tii hu.

Zakari 10:4

Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Lonon mo 21:21

Israɛlə ə nuą tɔɔ diɛ li Amɔrə tɔɔmun Sihɔn pɔ, diɛ kɛ mą:

Lonon mo 21:26

Hɛsbɔn ɓə kɛ a Amɔrə tɔɔmun Sihɔn nwɔ taalee. Daa kɛ kɔ́ pɛlɛ Moabə tɔɔmun kɛ laa tɔwɔ mą, ɛlɛɛ aa kɛ nwɔ lɔi kəlee kulɔ ɲəi, ə həli la Arnɔn yá ɓa.

Lonon mo 21:28

Nwɔ̨n ə kulɔ Hɛsbɔn daai, nwɔ̨n nən ə kulɔ Sihɔn nwɔ taai hu. Ə Arə kələn Moabə lɔi hu, da Arnɔn yee hu tɔɔɓɛlaa.

Lonon mo 21:29

Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»