Ɉeremi 48:44 - Yálá laawoo hɛɓɛ (dc)

⁴⁴ Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Yálá laawoo hɛɓɛ

⁴⁴ Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Bible

⁴⁴ Diai kélee pâi kulâi m̀ɛni kpɔ̂lui sui, da pâi toôi ǹóa kpóŋ kôyaai su. Diai kélee pâi kulâi ǹóa kpóŋ kôyaai sui, da pâi toôi m̀aréi ŋá, kpɛ́ni fêi, Yâwɛɛ a ŋ̀elei lɛ́ a pâi Môa su karâi lai.

Ɉeremi 48:44 Iomraidhean Croise

Tɔɔɓɛlaa dɔlɔɔ 19:17

Nui lɔpe pai kulɔi Hazaɛlə nwɔ ɓɔwai yee wolo ɓa, Ɉehu a baa, nui lɔpee pai kulɔi Ɉehu yee wolo ɓa, Elise a baa.

Tɔɔɓɛlaa dɔlɔɔ 20:30

Nuąi yiiɠaai pu, di li di mąąkilɛi Afɛkə, daa mąąkpɛ hį́i ə pu di mɛ̨i, nuą tii, di kɛ a nu waa pow hveelɛ kɔ́w mɛ̨ihveelɛ. Yii ɓaa Bɛn-Hadadə nwɛi, ə pu, ə tɛ taai, ə li ə mąąkilɛ pɛlɛ́ lon da mu.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Azaya 24:17

Ɲɔw, lɔwa, da ɓaalə, yili ɓə gaa a yɛ́i a nɔi lon ə́ wɛi.

Azaya 24:18

Nui pai pui mąąɲɔw woo tɔwɔ, a too nowa hu, nui pai kulɔi nowa hu, a kɔ́ a maalə. Yələ kpon aa tee, lɔi kɔ́wɔ hvilɛn ɉiiɠaa diɛ kpɛlin.

Ɉeremi 10:15

Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Ɉeremi 11:23

Di ta hvo pai lɛɛi yɛnɛ̨ɛ̨ a vulú, gáá pai mɛ̨nį ɲąąnwąnąą laai Anatotə nuą diɛ; a gwɛlan mąąnɛ̨ɛ̨ di di wɔ nɛnɛnŋaa mąą mɔ̨nɔ̨ mį́i la.

Ɉeremi 16:16

Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Ɉeremi 23:12

Yai-Laa woo ka, yɛ diɛ: «Yili mąą mɛ̨nį ɓa, di kpaalə aa kɛ a niminin, diɛ lan kpinįi, diɛ too, gáá mɛ̨nį ɲąąnwąnąą laai diɛ, a gwɛlan mąąnɛ̨ɛ̨ di pa di woo hukulɔ la.»

Ɉeremi 46:21

Ə mą kɛ, gɔ́kulááɠaai da di ya, nwɔ lɔi hu, di kaa yɛ Nįŋɛ̨ hilɛ gbɔnŋaa, kɔ̨nɔ̨n nɔ ɓə da mį́i; diɛ kpɛli mąn, daa yali di pulu, di kaa pui. Di hvo pɛli li gɔ́ mu, di nwun na pili yələ aa həli diɛ; a ɲələi mąąnɛ̨ɛ̨ di di woo hukulɔ la.

Ɉeremi 49:8

'Ka pu, ka yali ka pulu, 'Ka ka loo gwɛni woloɠaa hu. Dedan nuą, Esau hukala mɛ̨nį ka tii gáá pai la. Gwəlamoi lɔwai aa həli.

Ɉeremi 50:24

Ŋą́ hɛlɛn dɛ ə́ tɔwɔ Babilonə, ya ka yaa gɔ́ la ə́ tɛɠii, ə́ mąą kali aa ɓo, daa ə́ kaa, daa ə́ hon, mąąhɔlɔɓo, ə́ tɔɔ, yɛ́ kɔ́ pɛlɛ Yai-Laa ɓa.

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Ɉeremi 51:18

Kili kpɛɛ gwəi hɛnŋąą li, yɛlɛɛ kulɔ ɉu hɛnŋąą li, yələi mąąnɛ̨ɛ̨ di di kwɛlanmo la, da lɛɛ ɉu.

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Woolaa 3:47

Ku wɛi aa lɛɛ a ɲɔw da hulowaɓo, a ku mąą kpoloonŋaa, da kɛɛ kalaa kuɔ.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.