Ɉeremi 48:28 - Yálá laawoo hɛɓɛ (dc)

²⁸ 'Ká həɠə daaɠaa hu, ka li ka hee gwɛni woloɠaa hu; Moabə nuą, ka kɛ yɛ tonwələnŋaa, kaa ka taa tɔɔ kɛɛnąą ləɠə-ləɠə ɓa, moloonŋaa mɛ̨i.

Yálá laawoo hɛɓɛ

²⁸ 'Ká həɠə daaɠaa hu, ka li ka hee gwɛni woloɠaa hu; Moabə nuą, ka kɛ yɛ tonwələnŋaa, kaa ka taa tɔɔ kɛɛnąą ləɠə-ləɠə ɓa, moloonŋaa mɛ̨i.

Bible

²⁸ “Káai kélee kpɔ́ káseɛɛ káa Môa taa-lee-ŋai sui, ka kula naa ká lí ká kɛ́ ǹyée wolo-ŋai su. Ka kɛ́ yɛ̂ɛ tòloŋ ƃé a daa tɔ́ɔ kɔni wôlo su.

Ɉeremi 48:28 Iomraidhean Croise

Zɛnɛse 8:12

Ə pənə nwɔ̨nɔ̨ ə nąą mąąkpɔn, lɔwɔ tɔ̨nɔ̨ tɛɛ pulu, ə ɓo nwɔ̨nɔ̨ donwələn tii ɓa, ə li, hvo kɛa pənə hvo pa.

Wɛli 2:14

Nwɔ́ tonwələn gbɔlun yɛ́i ə́ kaa kwɛni wolo hu, ə́ loɔ gwɛniɠaa lɔwai, ə́ nwun gulɔ, ŋį́ ə́ ɲɛ̨ilai kaa; 'hvaa, ə́ woo ə too nwə́lii. Mąąhɔlɔɓo, ə́ woo nɛ̨ɛ̨i, ə́ ɲɛ̨ilaa mąąhəɠɛɛ.»

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Ɉeremi 48:9

'Ká kámą tee Moabə ɓa, aa lɛɛ lɔ kɛa a lɔi pun. Nwɔ taaɠaa daa lɛɛ a taa kpoloonŋaa, nui lɔpee ta hvo kɛa ɉu.

Ɉeremi 49:16

Ə́ kaa ə́ kpɔɔ ɓowoi, mąąhɔlɔɓo, ə́ kɛi ɲɔw too ə́ kwɛlɛ nuą hu a kili ɲɔ̨nwɔ̨ɔ̨. Yɛ́i heeni gwɛni woloɠaa hu. Ə́ hɛlɛn ŋąą yee tɔɔɠaa diɛ, ə mą kɛ, yaa ə́ taa tɔɔ yee tona yɛ geelə, ŋą́ ə́ wean nąą.

Ɉeremi 49:8

'Ka pu, ka yali ka pulu, 'Ka ka loo gwɛni woloɠaa hu. Dedan nuą, Esau hukala mɛ̨nį ka tii gáá pai la. Gwəlamoi lɔwai aa həli.

Nwun mąąɓo 6:2

Madian nuą di hee kpɔ Israɛlə lonnii mɛ̨i a nwąnąlɔ. Ya ɓə ə gɛ, Israɛlə nuą di kɛi di loo Madian nuą tɔwɔ, diɛ pələ kulɔ ɲee woloɠaa hu, diɛ lɔ gwɛni woloɠaa hu, diɛ di mąąkilɛ laa.

Samuɛlə dɔlɔɔ 13:6

Israɛlə nu di gaa diɛ gɔ́ aa kpɔlu, mąąhɔlɔɓo, daa kɛ hee di hu kɛnɛ̨. Nuą di kɛi di loo gwɛni woloɠaa hu, kɛɛnąą loɔɠaa, gwɛniɠaa lɔwai, da woloɠaa hu nɔi mu, da ɲá-lɔwaɠaa hu.