Ɉeremi 48:14 - Yálá laawoo hɛɓɛ (dc)

¹⁴ Ka tɔɔ pələ kɛi ləi, kaa kɛ diɛ: «Kɔkulaa gbəliɠaa ɓaa kuɔ? Kɔ kɔ́ nuą kpɔ-kpɔ ɓaa kuɔ?»

Yálá laawoo hɛɓɛ

¹⁴ Ka tɔɔ pələ kɛi ləi, kaa kɛ diɛ: «Kɔkulaa gbəliɠaa ɓaa kuɔ? Kɔ kɔ́ nuą kpɔ-kpɔ ɓaa kuɔ?»

Bible

¹⁴ Môa sinaa, lé mɛni ƃé ka m̀ôi la a gɛɛ kákaa a kɔkuluƃa wála-walaâ-ŋa, kɔkuluƃa-ŋa nyíi-ŋai da dísu kɔ̀ɔŋ a kɔ́i?

Ɉeremi 48:14 Iomraidhean Croise

Mąątɛ̨nɛ̨ 11:1

Nwələi ɲɛ̨itɔwɔmun. Davidə. Yai-Laa ɓə a mą́ą́ kilɛi. Ka pɛli kɛi ləi mą́ą́: 'Pu ə́ li ka wɔ yeei nwuɔ̨, nwɛ̨ni logolo.

Mąątɛ̨nɛ̨ 33:16

Kɔlaɠa kɛnɛ̨ hvəi a tɔɔmun nwun gulɔ mɛ̨nįi, huwalawalalaa kɛnɛ̨ hvəi a kuláá kulɔ mɛ̨nįi.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Azaya 10:13

«Mąąhɔlɔɓo, gaa moi gwəi pələ, yɛ kɛ: ‹Ɲéé nwɔ huwalawala ɓə gɛ, gɛ́ mɛ̨nįi ŋɛ̨i kɛ, da nwɔ́ kili kɛ ɲəi laa, mąąhɔlɔɓo, nwún gaa ɉu; ŋą́ą́ nuą di wɔ lɔiɠaai ɲɛn mɛ̨nį pili ɉu, ŋą́ą́ di kwɛlin gulɔ di yəi, ŋą́ą́ tɔɔɓɛlaa kulɔ di wɔ tɔɔ kpəlinŋaa hu.

Azaya 10:16

Yili mąą mɛ̨nį ɓa, Nąmu Yai-Laa Mɛ̨nį Kəlee ŋą Hééɓomun, kaa pai nuą koohaɠa kpɛa-kpɛaɠaai tii kpalai, nwɔ̨n ɲɛ too di wɔ hɛn gɔwii hu, yɛ kpaɠa nwɔ̨n a muhəɠə.

Azaya 16:6

Kwaa Moabə nwɔ kpɔwɔ ɲąą kɛnɛ̨ ɲɔ̨nwɔ̨ɔ̨ bələ mɛ̨n, nwɔ ɲɛ̨i tɛ mɛ̨nį, nwɔ kpɔwɔ ɲąą kɛnɛ̨i, nwɔ ɓələn, vilɛn ŋąą la kpɛli kpɛli mɛ̨nį pulu.

Ɉeremi 49:16

Ə́ kaa ə́ kpɔɔ ɓowoi, mąąhɔlɔɓo, ə́ kɛi ɲɔw too ə́ kwɛlɛ nuą hu a kili ɲɔ̨nwɔ̨ɔ̨. Yɛ́i heeni gwɛni woloɠaa hu. Ə́ hɛlɛn ŋąą yee tɔɔɠaa diɛ, ə mą kɛ, yaa ə́ taa tɔɔ yee tona yɛ geelə, ŋą́ ə́ wean nąą.

Ɉeremi 8:8

Ka tɔɔi ɓaa mį, kaa kɛ diɛ: mɛ̨nį kɔ́lɔn gili kaa ku yəi, mąąhɔlɔɓo, Yai-Laa nwɔ tɔ́n kaa ku yəi? Ya pa, ka dɔ́n ɉɛɓɛ́ mąą pənə a lɛɛ woo; dɔ́n ɉɛɓɛ́ kɛ nuą di wɔ kpɔn kɛ mɛ̨nį li.

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Izikiɛ 30:6

Mąąhɔlɔɓo, mɛ̨nįi Yai-Laa kaa moi ya ka: nuąi kɛi kpɔmąą tɛɛ Eziptə pɔ, daa too; ɉɛn kɛ a vąŋą, yɛ nwun dɛ ɉu, a too, ə həɠə Migdolə ə həli la Siɛnə gəlee kaa pai tooi a kɔ́ kɔ́ ɓɔwa laa pɔɔ. Yai-Laa, ka wɔ Yálái ɓə mo ti.

Sofoni 2:10

Mɛ̨nįi di kaa pai ɉɔlɔɓoi, a di wɔ humɛ̨ni kɛnɛ̨ hvɛla, yaa li. Hvó gaai, di Yai-Laa, Mɛ̨nį Kəlee ŋą Hééɓomun nwɔ nu huwui lalan, ɛlɛɛ, diɛ kɛnɛ̨ ɉu.