Ɉeremi 48:12 - Yálá laawoo hɛɓɛ (dc)

¹² Yili mąą mɛ̨nį ɓa, Yai-Laa yɛi: Yələ ta kaa pai həlii, gɛ́ ɉuɓo nuą tɔɔ, diɛ ɉuɓo, diɛ ɉɛnɲąŋąɠaa huɓo, diɛ nɔɔ yáləɠiɠaa wolo.

Yálá laawoo hɛɓɛ

¹² Yili mąą mɛ̨nį ɓa, Yai-Laa yɛi: Yələ ta kaa pai həlii, gɛ́ ɉuɓo nuą tɔɔ, diɛ ɉuɓo, diɛ ɉɛnɲąŋąɠaa huɓo, diɛ nɔɔ yáləɠiɠaa wolo.

Bible

¹² “Kɛ́lɛ, ɣele da a pâi, tãi ŋa pâi nûa tɛɛ̂i la a gɛɛ dí í pú yɛ̂ɛ berei da ŋwãai pù la sɛŋ-fôlo da kpɛ́ni sui. Tãi ya pâi kpɛɛ̂i la gònoŋ sui, da pâi gònoŋ wôloi kpɔ́ pɛ̀yɛ-pɛyɛ.

Ɉeremi 48:12 Iomraidhean Croise

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Azaya 16:2

Moabə nɛ̨ɛ̨lɛa kaa pai kɛi yɛ nwɛ̨niɠaai daa di kpɛ di taa ŋą, diɛ pu, diɛ Arnɔn ya teen.

Azaya 30:14

Ɉu yɛ ɓuwo kpɔlɔ yɛ bələi ləɠi tɔɔmun nwɔ ləɠi a ɓuwɔ la, kpɔlɔ a galan bɛlɛɛ pɛlɛɛ, kɛi hva kɛ mą, nu hva pɛli kpɛli galan ta kaai hvo nwɔ̨n ɉəɠə ɉu, a wala kɛti yɛ pɛli ya haɠai ɉu.

Ɉeremi 14:3

Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Ɉeremi 19:10

Yili pulu, nuą ŋɛ̨i pai kɛi ə́ pɔ, ə́ muluun nwolo di ɲɛ̨i ɓa,

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 48:11

Moabə ə kɛ liilaa hu, ə həɠə kpɔ muhəɠə yələ ɓa, ə kɛi vįitɔɔ nwɔ lɔɔ kpoi mɛ̨i, mąąhɔlɔɓo, di hvo ta kɛ ɉuɓo li. Mukulaa ɓaa: Hvo ta kɛ li li kɔluwɔlaa hu. Yili mąą mɛ̨nį ɓa, neen gaa lɔ ni ɉu, gun nɛɛ ə ɓo lɔ ni a gɛ pələ.

Ɉeremi 48:13

Moabə kaa pai nwumɛ̨i Kemɔsə ɲɛ̨i ɓa, yɛ bələi Israɛlə nuą di nwumɛ̨ la Betɛlə ɲɛ̨i ɓa, yaai kɛ a di kilitɔɔi.

Ɉeremi 48:15

Moabə hukala mun gaa tɛi a kɔ́, yɛ pɛlɛ nwɔ taaɠaa diɛ. Ɉu hilɛlɛa li hiɛ ka tii paa ɓo kɛɛnąą. Dɔɔmun naa ɓaa Yai-Laa Mɛ̨nį Kəlee ŋą Hééɓomun, nwoo li!

Ɉeremi 48:38

Moabə pɛlɛ́ kəlee mu, gwəli kəlee hu, wɔlɔ woo lɔ ɓə laa, diɛ kɛ mą: «Daa Moabə wolo yɛ kɔ́wɔ haɠa. Ɲą́ą́ Yai-Laa nwóó li!»

Ɉeremi 48:8

Gɛɛ kalamun aa pili daa kəlee hu, da lɔpee hvo kulɔ li a ɲee wolo. Nɛ̨ŋɛ̨ hu lɔi aa kwɛlɛɛn, ɲee ɓa lɔi hu aa wolo; Bələ ɓə Yai-Laa ə mo la.

Nahumə 2:2

Kɔ kpulu ka tii pai woloi yɛ́. Nuą tɔɔ daa kwɛlɛ, nuą tɔɔ diɛ bələi mąąkpɛɛ, ə́ hąą yili ə́ tɔɔ a ə́ nwąnąi.