Ɉeremi 48:11 - Yálá laawoo hɛɓɛ (dc)

¹¹ Moabə ə kɛ liilaa hu, ə həɠə kpɔ muhəɠə yələ ɓa, ə kɛi vįitɔɔ nwɔ lɔɔ kpoi mɛ̨i, mąąhɔlɔɓo, di hvo ta kɛ ɉuɓo li. Mukulaa ɓaa: Hvo ta kɛ li li kɔluwɔlaa hu. Yili mąą mɛ̨nį ɓa, neen gaa lɔ ni ɉu, gun nɛɛ ə ɓo lɔ ni a gɛ pələ.

Yálá laawoo hɛɓɛ

¹¹ Moabə ə kɛ liilaa hu, ə həɠə kpɔ muhəɠə yələ ɓa, ə kɛi vįitɔɔ nwɔ lɔɔ kpoi mɛ̨i, mąąhɔlɔɓo, di hvo ta kɛ ɉuɓo li. Mukulaa ɓaa: Hvo ta kɛ li li kɔluwɔlaa hu. Yili mąą mɛ̨nį ɓa, neen gaa lɔ ni ɉu, gun nɛɛ ə ɓo lɔ ni a gɛ pələ.

Bible

¹¹ Yâwɛɛ è mò ǹyɛɛ, “Môa káa nɔ́ wɔ́lɔ lii-see su a tãi su kôyaa. Dífe tá lì ní kɔ-sôŋ perei. Gáa nɔ́ yɛ̂ɛ ŋwãai nyíi núu da fé niî lɛ̀ɣɛ ní ma é gúla zeêi kɛ́ gonoŋ su é bú da kpɛ́ni sui. Vé niî kpòna ní a dɔnɔ kpîŋ. Nɛ̃ɛ̂i kpɔ́ nɔ́ yɛ̂ɛ berei dí gbɛ̀tɛ lai.

Ɉeremi 48:11 Iomraidhean Croise

Mąątɛ̨nɛ̨ 123:4

Aa hee ku hu, aa ku hon ku kwąną. Yee laholoon naa kaa lɔ a yɛlɛ kulɔ ɉu Ɲɛitɛ laa ə lɛɛ a tɛɠɛɓo ɉu nuą di wɔɔ!

Mąątɛ̨nɛ̨ 55:19

Ə nwún mąąɓo, ə ɲee kɛ mą́ą́, ɓɛlɔwai di kɔ́ pɛlɛ la mą́ą́, mąąhɔlɔɓo nu kpulu kɛnɛ̨ daa kɛ mąątinɛn.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Azaya 16:6

Kwaa Moabə nwɔ kpɔwɔ ɲąą kɛnɛ̨ ɲɔ̨nwɔ̨ɔ̨ bələ mɛ̨n, nwɔ ɲɛ̨i tɛ mɛ̨nį, nwɔ kpɔwɔ ɲąą kɛnɛ̨i, nwɔ ɓələn, vilɛn ŋąą la kpɛli kpɛli mɛ̨nį pulu.

Azaya 24:3

Nɔi hu aa kala kpɔ tɛ̨ɛ̨ tɛ̨ɛ̨, di ɉu hɛnŋąą kəlee həɠə, di nɔi kulɔ bihɛi, yɛ bələi Yai-Laa ə mo la.

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Ɉeremi 22:21

Ŋą́ pələ ɓo yɛ́, ɓɛlɔwai mɛ̨nį ta hvo kɛ la ə́ wəli pulu, ə́ bulu pənə mą́ą́, yɛ́ mą́ą́: «Və́ nwə́li tɔɔi mɛ̨nį ta ɓa.» Ə həɠə ə́ muhəɠə yələ ɓa, yili lɔ ɓə ə́ kaa ɉu. Hvə́ ta gɛ li, hvó ə́ wəli tɔɔ nwóó ɓa.

Ɉeremi 48:12

Yili mąą mɛ̨nį ɓa, Yai-Laa yɛi: Yələ ta kaa pai həlii, gɛ́ ɉuɓo nuą tɔɔ, diɛ ɉuɓo, diɛ ɉɛnɲąŋąɠaa huɓo, diɛ nɔɔ yáləɠiɠaa wolo.

Ɉeremi 48:29

Kwaa Moabə nwɔ kpɔwɔɲąą kɛnɛ̨ mɛ̨nį bələ mɛ̨n kɛnɛ̨, ə kɛi nwun dɛ tai! Dɛɠɛɓo ɉuɔ, ɲɛ̨i piliɛ yələi, hvo kɛi nwumɛ̨ nu ta ɓa, ɉu mɛ̨nį kɛnɛ̨.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Nahumə 2:10

Ka nwali həɠə, ka ɉɛni həɠə, ɉɛn laa, kpɛɛ hvo mą; hɛn nɛlɛɛ huwu kəlee puɔi laa gee mɛ̨i.

Nahumə 2:2

Kɔ kpulu ka tii pai woloi yɛ́. Nuą tɔɔ daa kwɛlɛ, nuą tɔɔ diɛ bələi mąąkpɛɛ, ə́ hąą yili ə́ tɔɔ a ə́ nwąnąi.

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Zakari 1:15

Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.