Ɉeremi 46:7 - Yálá laawoo hɛɓɛ (dc)

⁷ Gbɛɛ gaa yɛ Nilə yá, yɛ hvɛɛ yɛ yáleeɠaa, yɛ huluun?

Yálá laawoo hɛɓɛ

⁷ Gbɛɛ gaa yɛ Nilə yá, yɛ hvɛɛ yɛ yáleeɠaa, yɛ huluun?

Bible

⁷ Gbɛ̂ɛ ƃè ŋí pâi yɛ̂ɛ Ǹâai Ya-leei, yɛ̂ɛ ya-lêe a fɛ̀ɛ é tɛ́ zîŋ ŋái?

Ɉeremi 46:7 Iomraidhean Croise

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Wɛli 8:5

Nɛ̨ɛ̨non nɛlɛ ɓə ŋɛ̨i həɠəi nɔi pun ɉu pələi, ɲee ə ɓo nwɛlikɛmąąmun ɲəi? Gu həliɛ mangolon nwulu mu, ɓɛi ə́ lee əí mąą koo həɠə laa, ɓɛi ə́ lee əí hɔlɔɓo laa, ŋą́ ə́ nwun naa.

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Ɉeremi 47:2

Yai-Laa yɛ diɛ: Ɲáɠaa daa hvɛɛ ɲələi pələ, daa di mąą pənə a ya huluunŋaa; daa hiɛ nɔi da ɉu hɛnŋaa kəlee mɛ̨i, ə mą kɛ, da ɉu nu kanŋaa kəlee. Nuą kaa tomąi, nɔi nuą kəlee kaa nuą təlii diɛ.

Izikiɛ 32:2

Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Danîa 11:10

«Ɲanwuɔ̨ pələ tɔɔmun lon ɉinąą, di kaa pai di kɛ pələ pɛli, di di ɲąąkpɔn da kɔlaɠa tamąą. Di tɔ̨nɔ̨ kaa pai nwɔ kɔlaɠai həɠəi di ɲɛn bələ maa teen yɛ ya hvɛɛ, a kɛi bulu pənə kɛa yɛ li bɔ lɔi, a kɔ́ pɛlɛ ɲowo nwɔ taa walawala ta ɓa.

Danîa 11:22

Kɔ kpulu lɔpee ta yee hvo pai pɛlii ma. Gaa pai kɔlaɠa kəlee ɲąąwoloi, ə lɛɛ, nuąi ŋɛ̨i Yálá ə mįnɛ̨ həɠə diɛ, gaa pai di wɔ tɔɔmun dɔ̨nɔ̨ paai.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Amɔsə 8:8

Yili ɓə gaa mą, lɔi hvo mɔ̨ɔ̨ pai kpɛlin ɉii? Ɉu nuą kəlee di hvo mɔ̨ɔ̨ pai mąąwɛli hee ɓo? Nɔi nąą kəlee kaa pai kɛi hvɛɛ yɛ wolo yɛ ɲa lee ŋɛ̨i Eziptə lɔi hu, diɛ kɛ mą: Nilə.

M̀ɛni-lɛɛi 12:15

Ya ɓə, gaaləi tii ə ɓaɠi a yálee kɛnɛ̨ ta, ə vilɛn nɛ̨ɛ̨nui tii pulu, ə gɛ, ɲá hvaŋą ə ɉəɠə.