Ɉeremi 46:5 - Yálá laawoo hɛɓɛ (dc)

⁵ Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Yálá laawoo hɛɓɛ

⁵ Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Bible

⁵ Yâwɛɛ è ḿarê kɛ̀ ǹyɛɛ, “Kɛ́lɛ lé ƃé ya gâai?” “Da yaôi kpɔ́, díkɛ lène pôlu a kîrɛ. Da díkɔ-kuluƃa-ŋai lôkwai dí kɛ̀ lene pôlu. Da díkpɛ̂i kpɔ́ a ŋ̀ánaa dí kɛ́ kîrɛ sìɣe é tɛ́ɛ gɛ̂i ma, dífa dípôlu kàa.

Ɉeremi 46:5 Iomraidhean Croise

Zɛnɛse 19:17

Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Azaya 13:8

Ɲɔw aa too di hu, di mąą yɛ kpɛlin, diɛ mɔ̨nɔ̨ mįi, diɛ kpɛlaan gbɛlaan yɛ nɛ̨ɛ̨nu a kɛi kwəinwąną kɛ, diɛ di kee kaa a kwəi pili, di ɲɛ̨i kɔ́w aa kpɔlu yɛ nwɔ̨n dəŋą.

Azaya 19:16

Nąąlɔwai Eziptə a kɛ lɔ yɛ nɛ̨ɛ̨nu, yɛ ɲɔw, mąą yɛ kpɛlin, ɓɛlɔwai a Yai-Laa Mɛ̨nį Kəlee ŋą Hééɓomun yee kaa la mɛ̨i.

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 46:15

Kwə! Pu ɓə tii Apisə kaa moi! Ə́ wɔ nįŋɛ̨ hilɛi hvo tɔɔ li? Yai-Laa aa bili,

Ɉeremi 46:21

Ə mą kɛ, gɔ́kulááɠaai da di ya, nwɔ lɔi hu, di kaa yɛ Nįŋɛ̨ hilɛ gbɔnŋaa, kɔ̨nɔ̨n nɔ ɓə da mį́i; diɛ kpɛli mąn, daa yali di pulu, di kaa pui. Di hvo pɛli li gɔ́ mu, di nwun na pili yələ aa həli diɛ; a ɲələi mąąnɛ̨ɛ̨ di di woo hukulɔ la.

Ɉeremi 49:29

Di kaa di wɔ huwɔ kɔ́lɔ kələɠaa həɠəi, da di wɔ taatɛlɛɛɠaa. Di wɔ həɠə ɓɛlaaɠaa, da di wɔ hɛnɲąŋąɠaa di kaa lii a di wɔ ɲɔ̨nwɔmɛɛɠaa, diɛ tomą di mɛ̨i, diɛ kɛ diɛ: ‹Ɲɔw kɛnɛ̨ kaa pələ kəlee.›

Ɉeremi 49:5

«Yili mąą mɛ̨nį ɓa, ɲą́ą́ Nąmu Yai-Laa Mɛ̨nį Kəlee ŋą Hééɓomun, nwóó ka, gɛ́ diɛ: Gáá pai ə́ mɛ̨i a ɲɔw kɛnɛ̨, yɛ həɠə ə́ heeyɔwɔ kəlee pɔ pələ, di kaa pai ka hu taɠai, nu kəlee yɛ li gɔwɔ ɲɛ̨i tɔwɔ pələ. Ɛlɛɛ, nu hva hɔlɔɓo, nuąi di kaa pui, hvo di ɲąąkpɔn.

Ɉeremi 6:25

Ka hvo kɛ ka káá lii yɛɛ kɔwɔ ta hu, ka hvo ɉon a pələ ta. Mąąhɔlɔɓo, ka yowoɠaa di wɔ kɔlaɠai pɛlɛɛ laa, aa kɛ a mɛ̨nį-o!

Izikiɛ 32:10

Ə́ mąą mɛ̨nį ɓa, gáá pai lɔi tamąą mąąwɛlii, di wɔ tɔɔɓɛlaa nwun milimili kaa pai yɛɛi a diɛ, ɓɛlɔwai gáá pai kɔ̨nwɔ̨i la a nwɔ́ kɔ́ kɔ́ ɓɔwai di ɲɛ̨i ɓa. Di ta hvo pai kpɛlai kpɛlin ɉii, gbɔwɔ mąą mɛ̨nį ɓa, a ɲələi yá too la.

Izikiɛ 39:18

Ka kɔ́kulááɠaa huwɔ mį́į́; ka yɛnɛ̨ɛ̨ tɔɔɓɛlaa ɲąmą kpələ; ɓɛlaa hilɛɠaa li, da ɓɛlaa lonnii, da ɓolu hilɛɠaa, da niŋɛ̨ hilɛɠaa; gəlee kaa a Basan huwɔ wulaaɠaa.

Nahumə 2:8

Daa mąąkpoloon, daa ɉəɠə diɛ li la, nwɔ tí nɛ̨ąi di kaa yɛ tonwələnŋąą di mąąwɛliɛ, di kaa lii a diɛ, di kaa di ɲinį hon ɉii.

Nahumə 2:9

Wɔlɔ wɔlɔ ɓa, Ninivə ə kɛ yɛ ya pui gɛnɛ̨ɛ̨, yai ya hvo kɛi kpɛɛ ɉu, ɲa ka ŋɛ̨i kɛa gboloon gaa laai. Ka tɔɔ a ka nwąnąi, ka ka huwalawala; Kɛlaa, nu ta hvo kpɛli bulu kaa.

Sofoni 1:14

Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.