Ɉeremi 46:21 - Yálá laawoo hɛɓɛ (dc)

²¹ Ə mą kɛ, gɔ́kulááɠaai da di ya, nwɔ lɔi hu, di kaa yɛ Nįŋɛ̨ hilɛ gbɔnŋaa, kɔ̨nɔ̨n nɔ ɓə da mį́i; diɛ kpɛli mąn, daa yali di pulu, di kaa pui. Di hvo pɛli li gɔ́ mu, di nwun na pili yələ aa həli diɛ; a ɲələi mąąnɛ̨ɛ̨ di di woo hukulɔ la.

Yálá laawoo hɛɓɛ

²¹ Ə mą kɛ, gɔ́kulááɠaai da di ya, nwɔ lɔi hu, di kaa yɛ Nįŋɛ̨ hilɛ gbɔnŋaa, kɔ̨nɔ̨n nɔ ɓə da mį́i; diɛ kpɛli mąn, daa yali di pulu, di kaa pui. Di hvo pɛli li gɔ́ mu, di nwun na pili yələ aa həli diɛ; a ɲələi mąąnɛ̨ɛ̨ di di woo hukulɔ la.

Bible

²¹ Gɔ-kuluƃai nyíi-ŋai è díkùla lɔii da kpɛ́ni sui, dífii a kpɛɛ yɛ̂ɛ niŋa-lonii. Dífe pɔri ní tɔɔ̂i gɔ́i ŋɛ́i-tuɛ. Díkelee kpɔ́ dí tìnaŋ dí pú. Dí kpaloi vólo a ƃéla, dísu-kara tãi a seri.

Ɉeremi 46:21 Iomraidhean Croise

Samia Veerɛi 10:6

Amɔn nuą di gaa diɛ daa túwɔ́ pələ ɲɔ̨n gulɔ a Davidə. Di nɛɛ mą di nuą tɔɔ Bɛtə-Rehɔvə, di Aramə nuą da Sova Aramə nuą yá, di kɛ a di wɔɔ kɔ́kulááɠaa, nu waa pow hveelɛ ɲɔ̨nwɔ̨mąn. Maaka tɔɔmun ə nu waa tɔ̨nɔ̨ tɛɛ, Tɔvə nuą nu waa pow kɔ́w hveelɛ.

Tɔɔɓɛlaa veelɛ 7:6

Yai-Laa ə kɔ́ kɔ́ wotoloɠaa da hooɠaa tín dɔɔ Aramə nuą di wɔ kɔ́ɓuwui la, da kɔlaɠa kɛnɛ̨ tín. A ya ɓə, Aramə nuą da kɛ di kee ɓa: «Israɛlə tɔɔmun aa Hɛtə tɔɔmun, da Eziptə tɔɔmun di həɠə, diɛ pa pɛlɛi guɔ a kɔ́.»

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Hanwon 15:17

Ɓákpon mįi liilaa hu, hviɛlaɓoɔi ə tɛɛ nįŋɛ̨ wulaa ɓa, kaa mįi wɛlikpɛɛmąąlaa hu.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Azaya 34:7

Nąąlɔwai, lanŋąą, nįŋɛ̨ hilɛ gbɔnŋąą da nįŋɛ̨ hilɛɠaa di kaa pai tooi, nɔi kaa pai pilɛi ɲąmą hu, munuun gbala yɛ pilɛ nu wulɔ hu.

Ɉeremi 18:17

Gáá pai di taɠai di yowoɠaa tɔwɔ yɛ hvaŋą, di wɔ mɔ̨nɔ̨ mį́i yələ, gɔ́n bulu ɓə di kaa pai gaai, ɲɛ̨ilaa loɔ diɛ.

Ɉeremi 46:22

Ka ká wəli tɔɔ, gaa yɛ kaalə pa tin aa kɛi tɔɔ. Di kaa pai a di kpulu kɛnɛ̨, di kaa pai, yowaɠaa di ɓo di yəi, yɛ wulu pɔn nuą.

Ɉeremi 46:5

Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Ɉeremi 46:9

Hooɠaa! 'Ká li kɔ́ mɛ̨i, kɔ́ kɔ́ wotoloɠaa! 'Ká li gɔ́ ɓa. Kɔkulaaɠaa! 'Ká tɛɛ tɔwɔ Nubi da Putə nuą; kaai ka wɛlɛɛ hə́mə pənə, 'ká hə́mə həɠə. Ludə nuą; kaai wɛlɛɛ kilɛn bili, 'ká həɠə.»

Ɉeremi 48:44

Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Ɉeremi 49:8

'Ka pu, ka yali ka pulu, 'Ka ka loo gwɛni woloɠaa hu. Dedan nuą, Esau hukala mɛ̨nį ka tii gáá pai la. Gwəlamoi lɔwai aa həli.

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Izikiɛ 30:22

Yili ɓə gaa mą, Mɛ̨nį kəlee ŋą Hééɓomun Yálá woo ka, yɛ: Gáá pai kɔ́ pɛlɛi Eziptə tɔɔmun Faraɔn ɓa, gáá pai ɲeeɠaa yalii, ɲee yii tii ma a nɛlɛɛ, da yi tii ɲaliɛ a bɔlɔi; gɛ́ gɔ́ kɔ́ ɓɔwa kulɔ ɲəi gɛ́ doo.

Izikiɛ 35:5

Yɛ bələi ə́ kɛi yowolaa kulɔ la a Israɛlə a yələ kəlee, yɛ́ nonnii ɲąmą pu a kɔ́ kɔ́ ɓɔwa, ɲələi kɔ́ ə kala la diɛ; a ɲələi di kɛ nɛ̨ŋɛ̨n naa ə hvɛɛ la,

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Amɔsə 6:4

Ka káá laani ka wɔ kanąnbeeɠaai ŋą yii nwəli la laai a hə́lə́ ɲįn, Ka laa kpəlin gbɛa kpɛaa hu, Kaa ɓɛlaa gbɔnŋąą mįi, Da Nįŋɛ̨ gbɔn nwulaaɠaa.

Abdiasə 1:13

Ɓɛlɔwai tii laanɔ̨nwɔ̨ ə laa la di mɛ̨i, mąą hvo nɛ̨ɛ̨li kɛ ka hvo lɔ nwɔ́ nuą tii di wɔ taai hu, di wɔ taai woloi lɔwai. Mɛ̨nį nwąnąą tii laa diɛ, mąą hvo nɛ̨ɛ̨li kɛ, hvo kɛ kaa a kwəinɛ̨ɛ̨, gu hvo mun kɛ, ə́ daai tii hu hɛn gɔw ta həɠə, ɓɛlɔwai di kɛi too la di mɛ̨i.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Maafîu 22:4

«Ə pənə ə nwɔ tínuą takpɛliɠaa tɔɔ, yɛ diɛ: ‹Ka li nuą tii ŋą́ di təli kaa diɛ: «Niɉɛ gbɔnɉaai ŋą́ di paa gəlee daa mɔ. Di pa kɛa ku ku kwəinɛ̨ɛ̨ nón nwɔ húlu lɔ hɛlii hu.»›

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.