Ɉeremi 46:12 - Yálá laawoo hɛɓɛ (dc)

¹² Lɔiɠaa daa ə́ nwumɛ̨i kaa, ə́ tomą woo aa lɔi nąą kəlee kulɔ. Kɔkulaa kaa kɛlɛi kɔkulaa hu, gəlee hveelɛi diɛ too a gee.

Yálá laawoo hɛɓɛ

¹² Lɔiɠaa daa ə́ nwumɛ̨i kaa, ə́ tomą woo aa lɔi nąą kəlee kulɔ. Kɔkulaa kaa kɛlɛi kɔkulaa hu, gəlee hveelɛi diɛ too a gee.

Bible

¹² Lɔii-ŋuŋ-ŋa da káŋumɛi maa tûŋ mɛni. Núu kélee da káwɔlɔ-wooi mɛ́ni. Kɔ-kuluƃa tɔnɔ a karêŋ a sɔɔ m̀arâŋ-nuui ma, dífeerɛ da too ǹɔii ma.

Ɉeremi 46:12 Iomraidhean Croise

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 19:2

Yai-Laa yɛ diɛ: Gáá Eziptə nuą ɲąątɛi di kee ɓa, nu kəlee yɛ kɔ́ pɛlɛ gaayɔwɔ ɓa, nu yɛ kɔ́ pɛlɛ mɛlan gaa lon ma, taa yɛ kɔ́ pɛlɛ mɛlan daa ɓa, lɔi yɛ kɔ́ pɛlɛ mɛlan nɔi ɓa.

Azaya 24:11

Di kaa lɔɔ kwɛlii gwəliɠaa pɔ, kwəinɛ̨ɛ̨ mɛ̨nį kəlee aa kpɛɛ, kwəinɛ̨ɛ̨ kəlee aa kpɛɛ nɔi.

Ɉeremi 14:2

Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Ɉeremi 46:6

Gilɛ həɠə nuą di hva pɛli pui, huwalawala nuą di hva pɛli kulɔi ɉu. Ɲánwuɔ̨ pələ Eufratə kwɛlɛ, daa kalin, diɛ too.

Ɉeremi 47:2

Yai-Laa yɛ diɛ: Ɲáɠaa daa hvɛɛ ɲələi pələ, daa di mąą pənə a ya huluunŋaa; daa hiɛ nɔi da ɉu hɛnŋaa kəlee mɛ̨i, ə mą kɛ, da ɉu nu kanŋaa kəlee. Nuą kaa tomąi, nɔi nuą kəlee kaa nuą təlii diɛ.

Ɉeremi 48:34

'Ka pa mą́ą́ kilɛ! Nwooɠaai tɔɔi Hɛsbɔn, di kaa kpɔ di mɛ̨n ɉii Eleale, di woo kaa həlii kpɔ Yasa, di kaa wɔlɔi Soarə, yɛ həli Horonaimə, Ɛglatə-Selisiya. Mąąhɔlɔɓo, ə mą kɛ Nimrimə ya aa kpala ɉu.

Ɉeremi 49:21

Lɔi kaa pai kpɛlin ɉii di too tin ma, di tomą woo yɛ həli kpɔ veen gbɔ̨nɔ̨ gboloyá ɓa.

Ɉeremi 50:46

Babilonə tɔɔmun too tín gaa pai lɔi kpɛlin ɉii. Doma woo yɛ tɔɔ lɔiɠaa hu.

Ɉeremi 51:54

«'Ka pa kilɛ kuɔ!» Woo kaa tɔɔi Babilonə. Mɔ̨nɔ̨ kɛnɛ̨ aa laa Kalde lɔi ɓa!

Nahumə 2:5

Gɔ kɔ́-wotoloɠaa di kaa gilɛ həɠəi gbomoi, diɛ pili daa kwəi, nąą kɛ pələ kaa yɛ nwɔ̨n a too; di kaa tɛɛi yɛ yələ gbąnąą.

Sofoni 1:10

Yai-Laa woo ka, yɛ diɛ: Mąą yələi tii, wɔlɔ woo kɛnɛ̨ a tɔɔ ɉɔwɔlee pɛlɛ laaləi pələ, woo laa woo yɛ tɔɔ daa nįnɛ̨ hu, tín gɛnɛ̨ yɛ tɔɔ ɲeeɠaa nwuɔ̨.

Samuɛlə dɔlɔɔ 5:12

Nuą lɔwai nuąi di hvo haa, pulu kulɔ kpan ə pɛlɛ gəlee diɛ. Daa nąą kəlee ə kɛi nwoolaa diɛ wɔlɔ, di woo yɛ tɛ yələkɔlɔn ma.