Ɉeremi 44:7 - Yálá laawoo hɛɓɛ (dc)

⁷ «Yii hu, ə həli kɛa kaa! Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: Lə ɓə kɛ, yaai, ka káá mɔ̨nɔ̨ taaləi tii lɔi ka kpɔɔ pɔ? Diɛ ka kəlee ka paa Ɉuda lɔi hu; ɉinąą mąn, nɛ̨ą mąn, nɛapɛlɛɛ da non gaa nįnɛ̨ɠaa? Ka kpəli logolo kpɛli hva lɛɛ!

Yálá laawoo hɛɓɛ

⁷ «Yii hu, ə həli kɛa kaa! Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: Lə ɓə kɛ, yaai, ka káá mɔ̨nɔ̨ taaləi tii lɔi ka kpɔɔ pɔ? Diɛ ka kəlee ka paa Ɉuda lɔi hu; ɉinąą mąn, nɛ̨ą mąn, nɛapɛlɛɛ da non gaa nįnɛ̨ɠaa? Ka kpəli logolo kpɛli hva lɛɛ!

Bible

⁷ “M̀ɛni ma, Ńyãai ŋ́gaa a Ŋ̀wála-wâla kélee Yâwɛɛ, Eezuɛ Ŋɔɣâlai, ŋa nâa kámarê kɛ̂i. Lé mɛni ƃé ká m̀ɛni nyɔ́mɔ sãŋ kɛ́ɛ tí kɛ́ la a kákpîŋ? Ka ŋ̀wɛ̂lii a gɛɛ ŋá kásinâai, ǹɛyâai, ǹîa-pɛlɛɛi da gwatâra-ŋai su-kara a gɛɛ núu da fé lɛ̂ɛ ɣele ma?

Ɉeremi 44:7 Iomraidhean Croise

Hanwon 1:18

Kɛlaa di wɛi, di kpɔwɔ ɲąmą pu mɛ̨nį lɔ ka tii, di kaa bələ hɛlɛn dɛi la, di wɔ yɛnɛ̨ɛ̨ lɔ ɓə pai gɔ́i.

Hanwon 15:32

Nui a mąąkwɛli woo pili, a tɛɠɛ ɓo gbɔwɔ hu, nui a nwəli tɔɔ gilaa pɔ̨nɔ̨ woo ɓa, a kili hɔlɔɓo.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Hanwon 8:36

Kɛlaa, nui a ɓaɠaɓo mą́ą́, a kɛ tii gaa gbɔwɔ nwąnąi. Nuąi nwɛ́li kpɛɛ diɛ, haa ɓə nwɛli kaa diɛ.»

Ɉeremi 25:6

Ká hvo kɛ ka káá hvilɛn ɉii haliɠaa pulu, kaa tí diɛ, ɛlɛɛ, kaa kwɛli hvilɛn diɛ. 'Ká hvo kɛ ka káá nwą́ną lɔi a ka túwɔ́ pələ, və́ pa mɛ̨nį ɲɔ̨n naa káá.›

Ɉeremi 25:7

Yai-Laa yɛ diɛ: ‹Ká hvo ka wəli tɔɔ li nwóó ɓa, kɛlaa kaa mun, ka nííkələn gwə́i a ka túwɔ́ pələ, yili yɛ mɔ̨nɔ̨ laa kaa.›

Ɉeremi 26:19

«Ɉuda tɔɔmun Ezekiasə da nɔi lonnii di mɔ̨ɔ̨ haa? Kɛlɛi yaamun, di Yai-Laa ɓɛlɛ kɛ mą, di tɔɔ a di nwąnąąi, diɛ níilaa. Ɛlɛɛ, mɛ̨nį ɲąąnwąnąąi Yai-Laa aa kɛ naa gwəi yɛ kɛ ə naa diɛ, ə nɛɛ laa. Ya ka tii gu wɛi gu kaa pai gu tɔɔ pələ ɲɔ̨nwɔi kpɔ tɛ̨ɛ̨tɛ̨ɛ̨.»

Ɉeremi 3:24

Ə həɠə ku lokolo yələ ɓa, kwɛli hvilɛn ŋɛ̨i kuɔ nuą di kɛi mo Baalə ɓa, yili aa kuɔ nuą kwɛlin gəlee mį́i; di wɔ taatɛlɛɛɠaa bɛlɛɛɠaa-oo, ə mą kɛ gbɛa-kpɛa, di lon ɉinąą, ə mą kɛ di lon nɛ̨ąą.

Ɉeremi 38:17

Ɉeremi yɛ tɔɔmun Sedesiasə ɓa: «Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálái woo ka: ‹Ya hvaa mą ə́ li ə́ ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨i tɔwɔ nuą pɔ, yá lɛɛ yɛnɛ̨ɛ̨, ɛlɛɛ, di hva daa ŋɛ̨i kələn; yá lɛɛ yɛnɛ̨ɛ̨ ka ə́ yə́i bɛlɛ́n nuą.

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Ɉeremi 44:14

Nuą mąn lɛɛ Ɉuda lɔi hu, nuą di kaa Eziptə lɔi hu di mąąkilɛ pələi, da hvo pai kulɔi ɉu, di ta hvo pai lɛɛi, di ta hvo pai pənəi hvo li Ɉuda lɔi hu, di kili kaa ni di pulu pənə mɛ̨nį ɓa di pa di hee di pɔɔli. Kɛlaa, di hva pənə di hvo li laa. Nu kpulu wolo tiikpə lɔ ɓə pai kulɔi ɉu.»

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 51:22

Yɛ́ ɓə ŋį́ hinąą da nɛ̨ąą ɓuwɔ a yɛ́, ŋį́ hulɔgoloɠaa da nu nwunuɠaa ɓuwɔ a yɛ́ ŋį́ hilɛlɛa da nɛ̨ɛ̨lɛa ɓuwɔ a yɛ́.

Ɉeremi 7:19

Akɛ tii mɔ̨ɔ̨, ɲą́ą́ ɓə tii di nííkələn ɉii gwə́i? Yai-Laa, woo li! Kɛlaa diɛ kpinįi lɔ ɓə? Mąą nɛ̨ɛ̨ kɛ, diɛ kpinįi di nwumɛ̨ kɛ ɉu.

Ɉeremi 9:21

Ɉeremi! Yai-Laa woo ka, naa həli; yɛ diɛ: Nu powaɠaa taɠa taɠai nɔi mɛ̨i yɛ tulun bɔlɔ, yɛ mɔ̨nun gɔnŋaa daa kɛi pu mɔ̨nun dee nuą pulu; ə lɛɛ nu hva hɔlɔɓo yɛ di yɛɠɛ.

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 2:22

Yáá liiholi kəlee təli mą́ą́ yɛ́ nu aa kɛi mɛlaa təli hɛli ɓa. Yai-Laa nwɔ liiholi yələ nu ta hvo pu, nu tɔ̨nɔ̨ kpɛli nwun və kulɔ ɉu. Nuąi kpɔ ŋą́ ɲįnį tɔɔ di la, ɲówo aa gəlee huwu pu.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Habakukə 2:10

Ka wɔ pɛlɛ́ɠaai nwumɛ̨ mɛ̨nį ka tii kaa tɔɔ dɔwɔ. Nu huwu tamąą ŋɛ̨i kaa bu, ka kpɔɔ ka tii kaa mɛ̨nį pɛlɛ mą.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Zasua 6:21

Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.

Nwun mąąɓo 21:11

Ka káá lii, ka ɉinąą paa, ə mą kɛ nɛ̨ąąi daa hulɔnu mɛ̨nį hu kɔ́lɔn. Kɛlaa, nɛ̨ɛ̨gbɛlaɠaai di hvo hulɔnu mɛ̨nį hu kɔ́lɔn, ka di lɛɛ a di hvulú.»

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Samuɛlə dɔlɔɔ 22:19

Ɉaláá laa həli nuą pɔ taai Nɔvə nwɛi, ɉinąą mąn, nɛ̨ąą mąn, nɛapɛlɛɛ da yiiɠaai di laa kaa ɲįnį ɓa, di gəlee paa; yɛi kɛ a nįŋɛ̨, hoohvaalən, da ɓɛlaa, ə gəlee kɛ a ɓɔwa kwəaa kɔ̨nɔ̨n.