Ɉeremi 44:6 - Yálá laawoo hɛɓɛ (dc)

⁶ Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Yálá laawoo hɛɓɛ

⁶ Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Bible

⁶ M̀ɛni ma, ŋá ńii ŋwàna kpɔ́ Zuda taa-ŋai dîa da bere-ŋai díkaa Zerusâlɛŋ. Ŋá ŋɔŋ tôo dîa naa é lɛ́ɛ a bûŋ. Ǹaa è lɛ̀ɛ a yao ma kwaa ma é lɛ́ɛ la zu é seri sâa ma.

Ɉeremi 44:6 Iomraidhean Croise

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Azaya 51:20

Ə́ lonnii kaa puuni kwəli kəlee pɔ, daa kpɔlɔɔn yɛ lómą a kɔ́ a ɓaalə, Yai-Laa nwɔ liiholi, ə́ wɔ Yálái tómą pələ di mɛ̨i, aa di huwolo.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 21:5

Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 4:27

Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 7:17

Mɛ̨nįɠaai di kaa gɛi Ɉuda taaɠaa hu, da Ɉerusalɛmə gwəliɠaa pɔ, hvó gaai?

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Ɉeremi 7:34

Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.

Ɉeremi 8:3

Ə lɛɛ, haa hviɛla a ɓo nu kɛɛ yɛnɛ̨ɛ̨ ɓa, nuą pai lɛɛ nu huwui lɔwai a di hulu di ɲɛ̨i ɓa; gáá pai di taɠa taɠai kɛnaa kəlee ɓa. Ɲą́ą́ Mɛ̨nį Kəlee ŋą Hééɓomun Yai-Laa wóó li.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 1:13

Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Woolaa 5:18

Siɔn yee mąą a wɛli kɛa; lɔwɔ-yilɛɠaa diɛ gilɛ həɠə mą.

Izikiɛ 20:33

Gáá a vúlú ɲą́ą́ Mɛ̨nį kəlee ŋą Hééɓomun Yálá, ɲą́ą́ ɓə pai heei ka mɛ̨i a ka wɔ tɔɔmun; a váŋa kɛnɛ̨, a níí holiɛ.

Izikiɛ 20:34

Gɛ́ ka kulɔ a váŋa kɛnɛ̨, a níí holiɛ nuą lɔwai, ɓɛɠaai tii ŋą́ ka taɠa taɠa laai; gɛ́ ka ɲąąkpɔn a nįnɛ̨.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Izikiɛ 24:8

Bələi ŋą́ tɛɛ la, gɛ́ nwɔ́ líiholii yɛɛ mɛ̨i, gɛ́ nwą́ną kulɔ mą, ɲąmąi tii ə bu gwɛni kpuwulu mɛ̨i, gáá nɛɛi laa vá mɛ̨i kpulu.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 6:12

Nui kwɛala gaa pai haai a lɔi kala ɲɔ̨n; nui kpuɔla, gaa pai tooi a kɔ́ kɔ́ ɓɔwa laa pɔɔ; ɛlɛɛ, gbəlii ti, a diɛi ti di pai gɔ́ heei diɛ, di kpəli a haa a pulu. Gáá pai nwą́ną́ kulɔi diɛ, vá gbɛla bələi.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Zakari 1:2

«Yai-Laa aa níiholi kpɔ kɛnɛ̨, ka nąnni pɔ.»

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»