Ɉeremi 44:30 - Yálá laawoo hɛɓɛ (dc)

³⁰ Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Yálá laawoo hɛɓɛ

³⁰ Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Bible

³⁰ Ŋa pâi Ize kaloŋ Ofa tɛɛ̂i ŋɔkpɔara nuui pɔ́ nyii ŋ̀wɛ̂lii é baai yɛ̂ɛ berei ŋá Zuda kaloŋ Zɛdikaya tɛ̀ɛ la Babelɔŋ kaloŋ Nɛbukinaza pɔ́ nyíi kɛ̀ a ŋɔkpɔara-nuui nyíi kɛ̀ ŋ̀wɛ̂li é baai.”

Ɉeremi 44:30 Iomraidhean Croise

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 34:21

Ɉuda tɔɔmun Sedesiasə da nwɔ kalanɉonŋaa di wɛi, gáá di tooi di yowoɠaa yee kɔ́nma, Babilonə tɔɔmun nwɔ kɔlaɠai yee ɲą; diɛi ŋɛ̨i daa gɔ́ mąą kwɛa daa ɓa.

Ɉeremi 44:29

Ɲą́ą́ Yai-Laa nwóó ka, ɉɛn ka káá pai gɔlɔn ɉii la, kaa gáá pai mɛ̨nį laai káá, nwóó tii ŋą́ mo bɔ mɛ̨nį kaa kɛi, ya ka:

Izikiɛ 30:21

«Hulɔnu lon, gáá Eziptə tɔɔmun Faraɔn yee yalii, di hva ɉali kɛ, di hvo pai hali pui laa naa yili mɛ̨nį ɓa; di hvo pai ɉali kɛi ə gɛ ɲee ə huwalawala hɔlɔɓo, yɛ pɛli kɔ́ kɔ́ ɓɔwa hon ɉii la.

Izikiɛ 31:18

«Ká gbɛɛ ɓə ká kulaa ká gee ɓa, ə́ mąąwiɛ pələ hu, ə́ kɛnɛ̨ pələ hu, Edɛn wuluɠaa lɔwai; di ə́ yɛɛ, ka Edɛn wuluɠaa lɔi mu pələ, ə́ kaa pai kɛi laa ni kɛ́nɛ̨ kpolɔwaɠaa lɔwai, ka nuąi tii kɔ́ kɔ́ ɓɔwa ə bɔɔ lɛɛ diɛi. Bələ ɓə Faraɔn kaa pai kɛi la, da nwɔ nu kpului. Mɛ̨nį kəlee ŋą Hééɓomun Yálá woo li.»