Ɉeremi 44:25 - Yálá laawoo hɛɓɛ (dc)

²⁵ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Kaai ɓaa nɛ̨ąą, mɛ̨nįi gáá moi, gɛ hiɛ li! Kaa ɓə kɛ mą: mɛ̨nįi gaa ku kwəi ya ɓə ku kaa gɛi, ku kaa haláá kulɔi yələkɔlɔn ɉu tɔɔ-nɛ̨ɛ̨nu ɓa, kuɔ gɔ́ a lɔɔ da wulɔ.› Ka lɛɛ ka woo pulu, kaa nɔɔ da nwulɔ di pu.

Yálá laawoo hɛɓɛ

²⁵ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Kaai ɓaa nɛ̨ąą, mɛ̨nįi gáá moi, gɛ hiɛ li! Kaa ɓə kɛ mą: mɛ̨nįi gaa ku kwəi ya ɓə ku kaa gɛi, ku kaa haláá kulɔi yələkɔlɔn ɉu tɔɔ-nɛ̨ɛ̨nu ɓa, kuɔ gɔ́ a lɔɔ da wulɔ.› Ka lɛɛ ka woo pulu, kaa nɔɔ da nwulɔ di pu.

Ɉeremi 44:25 Iomraidhean Croise

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Izikiɛ 20:39

«Yili ɓa, káái a Israɛlə nwɔ pɛlɛ́i mu nuą, yii Mɛ̨nį kəlee ŋą Hééɓomun Yálá kaa moi, ya ka: Nu kəlee ə li kani ə nwɔ halii kɔ́, yili pulu, gu kaa pai gaai, akɛ ká hvo pai lɛɛi nwóó mu. Yili a kɛ tii, ká hvo kɛa pai náá mąąhəɠɛɛ pui, a ka wɔ haláá hɛnŋaai da ka wɔ haliɠaa.

Maafîu 14:9

Yili mɛ̨n tɔɔmun ə mo gwəi hvo nɛ̨ɛ̨. Kɛlaa, gwɛla woo mąą mɛ̨nį ɓa, mɛlaa ɲɛ̨i ɓa, ə mo yɛ diɛ: Ka dɛɛ bɔ.

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.