Ɉeremi 44:23 - Yálá laawoo hɛɓɛ (dc)

²³ Ɉalááɠaa tii ka kɛi gulɔi, da ka hɔn tii ka gɛ a Yai-Laa, a gɛ mɛ̨nį ka hvo nwoo mɛ̨n ni, ka hvo lɛɛ nwɔ tɔ́n nwoo pulu, da nwɔ tíɓoɠaa, da mɛ̨nįɠaa ə naa ka nwuɔ̨, kɛlɛi yili ɓə gɛ, mɔ̨nɔ̨ yɛ laa kaa, yɛ bələi gaa la yiihu-ee?»

Yálá laawoo hɛɓɛ

²³ Ɉalááɠaa tii ka kɛi gulɔi, da ka hɔn tii ka gɛ a Yai-Laa, a gɛ mɛ̨nį ka hvo nwoo mɛ̨n ni, ka hvo lɛɛ nwɔ tɔ́n nwoo pulu, da nwɔ tíɓoɠaa, da mɛ̨nįɠaa ə naa ka nwuɔ̨, kɛlɛi yili ɓə gɛ, mɔ̨nɔ̨ yɛ laa kaa, yɛ bələi gaa la yiihu-ee?»

Bible

²³ Kákaa sâa mɛni kpɔ̂lu su, kpɛ́ni fêi, ka sâla kùla ɣâla da kpɛ́ni-ŋa dîa ká kɛ́ sɔnyɔ̂ŋ kɛ̀ a Yâwɛɛ. Káfe káwoli tɔ̀ɔ ní ŋ̀óo ma.”

Ɉeremi 44:23 Iomraidhean Croise

Tɔɔɓɛlaa dɔlɔɔ 9:9

Da nwoo pulu pənə diɛ kɛ mą: ‹Mąąhɔlɔɓo, di Yai-Laa lɛɛ laa, yai a di wɔ Yálá, yai wɔlɔ di nąnni kulɔ Eziptə lɔi hu, diɛ hvilɛn haliɠaa pulu, diɛ kwɛli hvilɛn diɛ, diɛ di mąą mɛ̨nį kɛ. Yili mąą mɛ̨nį ɓə gɛ, Yai-Laa di wɔ Yálái yɛ mɔ̨nɔ̨ ŋɛ̨i laa di mɛ̨i.›»

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Nehemi 13:18

Kɛlɛi bələ lɔ ɓə ka nąnni di kɛi túwɔ́ la-e! Yili ɓə gɛ, Yálá yɛ mɛ̨nį nwąnąą laa daai ŋɛ̨i ɓa, ə mą kɛ ka kuɔ. Ka kɛi túwɔ́ lɔwɔ ɓɛlɛkpɛɛ mą, ka kɛɛ Yálá nwɔ liiŋanwąną hu kɛnɛ̨i ka tii Israɛlə nuą diɛ.»

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 119:150

Biɛn doo nuąi tii, a nwąnąlɔ nuąi tii, di kaa lɛɠɛi mą́ą́, a diɛi tii daa di mąą kwɛa ə́ wɔ tɔn nwooi ɓai.

Mąątɛ̨nɛ̨ 119:155

Nwun mąąɓo mąą kwɛai nwąnąlɔ nuą diɛ, mąąhɔlɔɓo, di hva ə́ wɔ tɔn nwooi kwɛli.

Mąątɛ̨nɛ̨ 78:10

di hvo kɛ kanąn ni Yálá nwɔ mįnɛ̨i ɓa, di nwɔ tɔ́n nwooi pili.

Mąątɛ̨nɛ̨ 78:56

Kɛlaa, di hvaa tee yələkɔlɔn ɉu Yálá ɓa, diɛ nwoo kwɛli, di hvo gɛ di hvo nwɔ tɔnŋaai mąąwiɛ.

Ɉeremi 26:4

Yá kɛ diɛ Yai-Laa woo ka, yɛ: ‹Ká wala gɛ a nɛlɛɛ, nwooɠaai gáá moi kaa ka hvo lɛɛ bulu,

Ɉeremi 40:3

Yai-Laa ɓə naa ti mą. Ɛlɛɛ, ə gɛ yɛ bələi ə kɛ la gwəi. Ka ka hɔn gɛ a Yai-Laa, ka hvo ka wəli tɔɔ li nwoo ɓa, ya ɓə gɛ mɛ̨nįi ŋɛ̨i yɛ kɛ.

Ɉeremi 44:10

Háá ɓa háá, ka hvo ni ka hɔn mąąhvalin ni, ka hva ɲɔw, mąąwiɛ hvo ka yəi, ka hvo hvilɛn na nwɔ́ tɔ́nŋaa da bɔ liɛwooɠaai ŋį́ dɛɛ ka nąnni pɔ di pulu, ká hvo hiɛ la.»

Ɉeremi 44:18

Ə həɠə ɲələi ku kpɛla la yələkɔlɔn ɉu tɔɔ-nɛ̨ɛ̨nu tii kɔ́ɔ ɓa a lɔɔ, da wulɔ, da haláá hɛn, ku yəi aa kpɛɛ mɛ̨nį kəlee hu, kuɔ haa kɔ́ hu, pulu yɛ ku paa.»

Ɉeremi 44:2

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Mɛ̨ni ɲąąnwąnąąɠaai ŋą́ naa Ɉerusalɛmə taa da Ɉuda taaɠaa diɛ, ka di kɔ́lɔn, daa lɛɛ kɛa a lɔi pun, nu hvo laa.

Ɉeremi 44:21

«Ɉalááɠaa ka kɛi gulɔ Ɉuda taaɠaa hu, da Ɉerusalɛmə kwəliɠaa pɔ, kaa, ka kálaɓɔlɔni, ka wɔ tɔɔɓɛlaa, ka ɲɛ̨itɔwɔ nuą, da nɔi nąmįną kəlee, kɛlɛi yili ɓə a giliŋąhiɛ mą, yɛ yali niiɓa-ee?

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Danîa 9:13

Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.

Korɛntə dɔlɔɔ 10:20

Kpaa-o! Kɛlaa yɛ bələi da ɉaláá kulɔ la ɲįnɛ̨ŋaa diɛ, di hva gulɔ Yálá ɓa, və́ bɔ ká ɲįnɛ̨nŋaa ká hvo ká yee lɔ gii hu.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»