Ɉeremi 44:22 - Yálá laawoo hɛɓɛ (dc)

²² Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Yálá laawoo hɛɓɛ

²² Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Bible

²² Kálɔii kâa sâa a bûŋ, núu da fé naa lônii ma. Ǹaa káa sâa a yao ma kwaa ma, nûa dí kɛ́ dífoo a ǹaa láa, kpɛ́ni fêi, Yâwɛɛ fé ǹyée sèe ní kámɛni nyɔ́mɔɔi da káŋwana lɔ̂ɔ tua-ŋai mu.

Ɉeremi 44:22 Iomraidhean Croise

Zɛnɛse 19:13

Ku kaa pai ɓɛ nɔi kələn ɉi, mąąhɔlɔɓo, nɔi ŋɛ̨i hu nuą kɛ nɛ̨ŋɛ̨n gun aa həli Yai-Laa ɓa, ə ku tɔɔ, ə gɛ, ku ɓɛ kələn.»

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Azaya 43:24

Tɛ̨ąą hvaa diɛ kɛ, ə́ kɛli hɛn gun nɛ̨ɛ̨ɠaa ya a ə́ yəi wali, yɛ́ di tɛɛ bɔ́, ɲą́ą́ hvə kɛi pilɛ a ə́ wɔ taatɛlɛɛ wulaaɠaai, gwa mo a mɔlɔ, yɛ́mun mə ə́ wɔ túwɔ́ pələ ɲɔ̨nŋąąi daa gɛ́ a ə́ wɔ luwɔ, yáá vį́ikpɛɛ a ə́ wɔ mɛ̨nį kalaai.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 23:2

Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 25:18

Ɉerusalɛmə taa, da Ɉuda taaɠaa, da nwɔ tɔɔɓɛlaa, da di wɔɔ kalanɉonŋaa; yɛ di kɛ a lɔi pun, a taa kpoloon. Nu ta a gaa hvo kɛli a tomą, yɛ nɛ̨ŋɛ̨n naa. Bələ kpɔlɔɔ ɓə gaa la yiihu.

Ɉeremi 25:38

Di kaa lii yɛ yala kulɔ gwənąn ɉu, yɛ li, di wɔ lɔi aa lɛɛ a lɔi mąąwɛliɛ a kɔ́ kɔ́ ɓɔwaɠaa laa pɔɔ, níiholi kɛnɛ̨ pələ ɓa.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 29:19

Mąąhɔlɔɓo, di hvo di wəli tɔɔ li nwóó ɓa. Ɲą́ą́ Yai-Laa nwóó li! Ya pa, ŋą́ kɛi nwɔ́ tínuą tɔɔ di pɔ, diɛ gwə́i mɛ̨nį hukulɔ diɛ, vįi hvo kpɛɛ li; kɛlaa di kɛɛ mɔ̨ɔ̨ ŋɛ̨i, di hva mɛ̨nį mɛ̨n. Ɲą́ą́ Yai-Laa nwóó li!

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Ɉeremi 44:2

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Mɛ̨ni ɲąąnwąnąąɠaai ŋą́ naa Ɉerusalɛmə taa da Ɉuda taaɠaa diɛ, ka di kɔ́lɔn, daa lɛɛ kɛa a lɔi pun, nu hvo laa.

Ɉeremi 44:6

Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Ɉeremi 48:9

'Ká kámą tee Moabə ɓa, aa lɛɛ lɔ kɛa a lɔi pun. Nwɔ taaɠaa daa lɛɛ a taa kpoloonŋaa, nui lɔpee ta hvo kɛa ɉu.

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Izikiɛ 39:23

Lɔi kəlee kaa pai gbaɠala kaai diɛ kɛ Israɛlə nwɔ pɛlɛ́i ə li luwɔlaa hu; di wɔ nɛ̨ŋɛ̨nŋąą mąą mɛ̨nį ɓa; mąąhɔlɔɓo, di di pulu kulɔ mą́ą́; yili ɓə gɛ gɛ́ ɲɛ̨́i loo diɛ, gɛ́ di tɛɛ di yowoɠaa pɔ, kɔ́ kɔ́ ɓɔwa yɛ di paa.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Amɔsə 2:13

Yili ɓa, gáá pai lɔi kpɛlin ɉi kaa kɔ́wɔ mu, yɛ bələi wotolo laahvɛɛ a gɛ la.

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Lomaŋ 9:22

Bələi mąn, Yálá ə kɛ la bɔ ə nwɔ lííholi lɛ, di nwɔ huwalawalaa kɔ́lɔn; ə yili lɛɛ laa, nuąi mąąnɛ̨ɛ̨ kɛ ə niiɲąnwąną di pɔ, diɛi kɛ di nwun na pili pələ mɛ̨i, ə nii kpələ, ə ɲee hee di mu,