Ɉeremi 43:2 - Yálá laawoo hɛɓɛ (dc)

² Kɛlaa, Hosaya lon Azaria, Karea lon Yohanan, da dɛɠɛɓo ɉu nuąi tii kəlee, di Ɉeremi woo pulu pənə; diɛ mą: «Lɛɛ ka ŋɛ̨i ə́ kaa gɛi, Yai-Laa ku wɔ Yálá hvo ə́ tɔɔ li, yɛ kɛ ku hvo ku mąąkilɛ Eziptə.

Yálá laawoo hɛɓɛ

² Kɛlaa, Hosaya lon Azaria, Karea lon Yohanan, da dɛɠɛɓo ɉu nuąi tii kəlee, di Ɉeremi woo pulu pənə; diɛ mą: «Lɛɛ ka ŋɛ̨i ə́ kaa gɛi, Yai-Laa ku wɔ Yálá hvo ə́ tɔɔ li, yɛ kɛ ku hvo ku mąąkilɛ Eziptə.

Bible

² Ǹaa kɛ́ɛ tíi, Osîya ǹóŋ Azaria, Zoanaŋ nyíi kɛ̀ a Karia ǹóŋ da ŋ̀ɛi tɛ̂-sinaai dí mò ḿâ dîyɛɛi, “Íkaa lɛ́ɛ kɛ̂i. Kúɣalai Yâwɛɛ fé ítɛɛ ní a gɛɛ í m̀ó kûa a gɛɛ kúfe lì Ize lɔii su.

Ɉeremi 43:2 Iomraidhean Croise

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Mąątɛ̨nɛ̨ 119:21

Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Mąątɛ̨nɛ̨ 12:3

Lɛɛ lɔ ɓə da gɛ di kee ɓa: Di laawulun yɛ ɲąątɛ kɛ, di nɛ̨n ə ɓo di la hveelɛ.

Mąątɛ̨nɛ̨ 123:4

Aa hee ku hu, aa ku hon ku kwąną. Yee laholoon naa kaa lɔ a yɛlɛ kulɔ ɉu Ɲɛitɛ laa ə lɛɛ a tɛɠɛɓo ɉu nuą di wɔɔ!

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Lɛɛ gbɔwɔ ɓa 9:17

Yáá kpəɲąn nwɔ̨nɔ̨ nwɔ́ nu huwui li mɛ̨nį hu.

Hanwon 16:5

Kpɔwɔ ŋąą kɛnɛ̨ nuą kəlee wɛli kpɛɛi Yai-Laa ɓa, di hvo pai lɛɛi lɔ tii, di hutɔɔ mɛ̨nį hva ɉəɠə mą.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»

Azaya 9:8

Nɔi nuą kəlee kili kaa pai pui, Ɛfraimə nuą da Samari nuą, di wɔ kpɔwɔɲąą kɛnɛ̨ laa hu; a diɛi da kɛ kɛi diɛ:

Ɉeremi 13:15

Ka ka wəli tɔɔ! Ka mɛ̨nį mɛ̨n a nɛlɛɛ. Ka hvo ka wəli nwala-nwala: Yai-Laa ka tii hvaai!

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Ɉeremi 40:8

Yili ɓə gɛ nuą ŋɛ̨i diɛ pa Gedaliasə kaai Mispa, diɛ ɓaa kɛ: Netaniahu lon Yismaɛlə, da Karea lonnii Yohanan da Yonatan, Seraya Tanhumetə lon da Netofa mun Efayi lonnii, da Maaka mun lon Yezaniahu, nuąi tii da di yee pɔ nuą.

Ɉeremi 41:16

Karea lon Yohanan da gɔ́kulaa nwun nąmįnąi tii kɛ bɔ, di nuąi tii kɛ daa lɛɛ, diɛi tii Netania lon Yismaɛlə ə di kulɔ Mispa, ə di kɛ a luwɔ, yɛ li a diɛ, Ahikamə lon Gedaliasə paa pulu, di di həɠə di nįnįn mu; ɉinąą mąn, gɔ́kulááɠaa mąn, nɛ̨ąą mąn, nɛapɛlɛɛ mąn, da dɔɔ kwəlii nuąi tii di həɠə a diɛ Gabaɔn.

Ɉeremi 41:18

Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Ɉeremi 42:1

Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Ɉeremi 42:5

Nąąlɔwai, diɛ Ɉeremi ɓa: «Yai-Laa kaa a kɛla haŋąą, dələnmoɔi. Wooi lɔpee gaa pai moi yɛ́, a ku mąą mɛ̨nį, bələ kpɔlɔ ɓə kwa gɛ la.

Ɉeremi 43:1

Ɉeremi kpɛɛ kɛa a nwoo laa kulaa nuą ɲɛ̨i ɓa, a Yai-Laa di wɔ Yálái, wooɠaai ɓoɔ, a yai Yai-Laa di wɔ Yálái ə mo mą, ə gəlee laa həli.

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»