Ɉeremi 43:12 - Yálá laawoo hɛɓɛ (dc)

¹² Gaa pai nwɔ̨n bilii Eziptə yáláɠaa di mąąwiɛ pɛlɛ́ɠaa hu, yɛ ɲáláɠaa tii kələn; a wala kɛ tii, yɛ li a diɛ. Gaa pai Eziptə lɔi mąą hɛnŋaa kulɔi mą, yɛ bələi taatɛlɛɛ mɛ̨i kaamun a kala kulɔ la nwɔ həɠəi hu. Ɛlɛɛ gáá pai pənəi ə li a nwəli pulu laɠiɛ.

Yálá laawoo hɛɓɛ

¹² Gaa pai nwɔ̨n bilii Eziptə yáláɠaa di mąąwiɛ pɛlɛ́ɠaa hu, yɛ ɲáláɠaa tii kələn; a wala kɛ tii, yɛ li a diɛ. Gaa pai Eziptə lɔi mąą hɛnŋaa kulɔi mą, yɛ bələi taatɛlɛɛ mɛ̨i kaamun a kala kulɔ la nwɔ həɠəi hu. Ɛlɛɛ gáá pai pənəi ə li a nwəli pulu laɠiɛ.

Bible

¹² Ŋa pâi ŋɔŋ toôi Ize ɣala-ŋai dípɛrɛ kpaya-kpayai dîa. Babelɔŋ kaloŋ a pâi díɣala-ŋai kérenîi, kpaa máŋ é lí a dia. Babelɔŋ kaloŋ Nebukinɛza a pâi Ize ma ɣɛ̂ɛi kpɔ́ yɛ̂ɛ berei tí ƃála mɛi-kaa-nuu a nãya ɣɛ̂ɛ la ŋɔseɣei ma nyii m̀ála-ŋai da ǹɛɛ mai. A pâi Ize yée mɛi ɣâlei bere sîi ŋí su, é lí yɛ̂ɛ wála-wala nuu.

Ɉeremi 43:12 Iomraidhean Croise

Samia Veerɛi 5:21

Di di wɔ haliɠaai lɛɛ laa puuni, Davidə da nwɔ nuą di di di li a diɛ.

Zôo 40:10

A kɛ ti, ə́ mąą yili a kɛnɛ̨ laa, da mąąwiɛ, ə́ ɲɛ̨imąąlən gɛ yɛ́, da heeɓolaa.

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 132:16

Gɛ́ nwɔ haláá laa həli nuą mąąyili həɠə kɛ a ɓalo mɛ̨nį, ɛlɛɛ, ɉu lonnii diɛ tómą a kwəinɛ̨ɛ̨.

Mąątɛ̨nɛ̨ 132:18

Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Azaya 46:1

Bɛlə aa pu ɉimįnįn ma, Nebo aa hviən: huwɔɠaa ɓə da di mąąnįnįn gbəŋə, daa kɛ a tiɛ̨ wiaa, ɉuwɔɠaa hvįi aa kpɛɛ di mu.

Azaya 46:2

Ɉali mąąnįnįnŋąą daa pu di kee mɛ̨i, di hva pɛli di kpəŋə nuą kulɔi mɛ̨nįi, diɛ kpinį di kaa lii luwɔlaa hu.

Azaya 49:18

Ə́ ɲɛ̨i laa ə́ kwɛlɛ nąą kəlee, ə́ kɛɛ kaa: Di kəlee, di kaa di ɲąąkpɔn ɉii, diɛ pa ə́ pɔ, Yai-Laa aa gwɛla, yɛ diɛ: Yii kpɔ gáá a vúlú, Yai-Laa woo li. Ə́ kaa pai gəlee kɛi a ə́ mąą yili hɛn, yɛ́ di kɛ a ə́ hąą yili kɔ́lɔ, yɛ nɛ̨ɛ̨nui di kaa lííla nwɔ wɛli pɔ.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 59:17

Ə tələnmolaa too gwaną, yɛ kɔ́ kɔ́ həɠə, ə nu ɓalo mɛ̨nį lɔ nwuɔ̨ a kɔ́ kɔ́ ɓɔlɔ, ə nwąnąkulɔ mɛ̨nį too gwąną a ŋɛ̨ kilɛn ɉəɠə, ə tolo kɛ a gɔn mą gbaawii.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 61:5

Nuą kaa pai həɠəi pələ kəlee, diɛ daa mąąkpɛ, diɛ di ɲɛ̨i kɛ ka wɔ taatɛlɛɛɠaai diɛ, nwɛą lonnii ɓə pai kɛi ka wɔ tííɠaai kɛi, da ka wɔ hihɛnŋąąi.

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Ɉeremi 10:15

Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Ɉeremi 25:19

Eziptə tɔɔmun, da nwɔ lɔi nwun nąmįną, da nɔi kalanɉonŋaa kəlee di kaa a nwɔ́ tí nuą.

Ɉeremi 43:13

Gaa pai voló mąąnįnįnŋaa woloi Eziptə lɔi hu, ə Eziptə yáláɠaa mąąwiɛ pɛlɛ́ɠaa kələn.›»

Ɉeremi 46:25

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Gáá pai heei Tɛbɛsə taa nwɔ halii Amɔn hu, ŋą́ hee Eziptə tɔɔmun ɉu da nwɔ haliɠaa, da nwɔ tɔɔɓɛlaa. Tɔɔmun da nwɔ nuą kpɔ kɛ di kilitɔɔ mą.

Ɉeremi 48:7

Mąąhɔlɔɓo, ka ka kilitɔɔ ka kpɔwɔ ɓa, da ka yəi hɛn gɔwɠaa, ka hon ŋąą li. Kemɔsə kaa lii mąąkilɛi, da nwɔ haláá kulɔ nuą, da nwɔ ɲąąwooɓo kɛ nuą kəlee.

Ɉeremi 49:27

Gáá nwɔ̨n dooi Damasə mąąkpɛɛ hįi hu, yɛ Bɛn-Hadadə nwɔ tɔɔ pɛlɛ́ɠaai kələn.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Izikiɛ 29:11

Nu kɔ́wɔ hva kɛa hvilɛn naa; huwɔ kɔ́wɔ hva kɛa hvilɛn naa. Nu hvo pai kɛi laakwɛlan bow nąąn ɲee mu.

Izikiɛ 29:19

Yili mąą mɛ̨nį ɓa, gáá Eziptə tɛɛi Babilonə tɔɔmun Nabukodonosorə pɔ; gaa pai ɉu hɛn gɔwɠaa həɠəi; yɛ nɔi hu hɛnŋąą hɛɠə, yɛ too ɉɛnŋąą kəlee mɛ́i. Eziptə ɓə pai kɛi a nwɔ kɔlaɠai hvɛla.

Izikiɛ 30:13

«Hééɓo kəlee Nąmu Yálá woo ka: gáá pai ɉaliɠaa hu kalai, gɛ́ di mąą mɛ̨nį kpɛɛ Mɛmfisə lɔi hu, da tɔɔmun mɛ̨nį, Eziptə lɔi hu. Da hva kɛa kɛ laa. Ŋį́ ɲɔw pili Eziptə lɔi hu.

Danîa 11:8

Yili pulu, gɔ́ pulu hɛnŋaa gaa pai ɉəɠəi, a li la Eziptə lɔi hu, ɉɛnŋaai tii ɓa: mąąnįnįn ɉaɠaaɠaa, yai kɛ a nɔi tii nwɔ alaɠaa, hɛni hɛnŋaŋa lɛlɛɛɠaa, da wali kwɛliɠaa, yai kɛ a ɲalaɠaai tii di wɔɔ. Yili pulu, kwɛlan damaa a tɛɛ, di hva kɛ kɔ́ kɔ́i.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Lomaŋ 13:12

Kwiihɛ̨ą aa tɛɛ, yələ ɓɔi lɔwai aa lɛɠɛ. 'Ká gu lənə kpinį hu mɛ̨nįɠaa diɛ, ká guɔ kɛɛpono nwɔ kúláá hɛnŋaa kɛ guɔ.

Ifisiɛŋ 4:24

'Ká lɔ nu nįnɛ̨ kɔlɔ hu, yai Yálá ə bɛli tələnmolaa hu, da mąąhəɠəlaai a kulɔ tɛ̨ą hu.

Ifisiɛŋ 6:11

'Ká Yálá ŋą kuláá hɛnŋaa kɛ káá, káá pɛli tɔɔi la nąnį ŋą ɲąąhɛn mɛ̨nįɠaa kəlee tɔwɔ

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Kolosə 3:14

Kɛlaa, mɛ̨nį kəlee hu, ka wɛlikɛmąąlaa too ka kwaną, yai a mɛ̨nį kəlee naa kulɔ.