Ɉeremi 42:5 - Yálá laawoo hɛɓɛ (dc)

⁵ Nąąlɔwai, diɛ Ɉeremi ɓa: «Yai-Laa kaa a kɛla haŋąą, dələnmoɔi. Wooi lɔpee gaa pai moi yɛ́, a ku mąą mɛ̨nį, bələ kpɔlɔ ɓə kwa gɛ la.

Yálá laawoo hɛɓɛ

⁵ Nąąlɔwai, diɛ Ɉeremi ɓa: «Yai-Laa kaa a kɛla haŋąą, dələnmoɔi. Wooi lɔpee gaa pai moi yɛ́, a ku mąą mɛ̨nį, bələ kpɔlɔ ɓə kwa gɛ la.

Bible

⁵ Dí mò ḿâ dîyɛɛi, “Tɔɔ Yâwɛɛ é kúmaa sêre faa kɛ́ a teniŋ ƃô da tɔ̃yâ-pere à kɛ̀ kwà wàla kúwoli tɔ́ɔ m̀ɛnii ma Kúɣâlai Yâwɛɛ a mò kûai.

Ɉeremi 42:5 Iomraidhean Croise

Zɛnɛse 31:50

Akɛ yá nónnii nɛ̨ąą ŋɛ̨i hvulu, ya nɛ̨ɛ̨nu takpɛli həɠə, nu hvəi gaa a gu lɔwai kɛla, Yálá kpinį ɓə gaa a gɛla gwa yɛ gu lɔwai.»

Lɛɛ gbɔwɔ ɓa 20:19

Diɛ Moisə ɓa: «Mąąnɛ̨ɛ̨, yɛ́ kpinįi ə́ hvaa ku pɔ, kwa pɛli ku yili mɛ̨n. Kɛlaa, Yálá hvo kɛ gaa mɛ̨nį ɓoi kuɔ, ku hvo pa ləi haa.»

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Ɉeremi 43:2

Kɛlaa, Hosaya lon Azaria, Karea lon Yohanan, da dɛɠɛɓo ɉu nuąi tii kəlee, di Ɉeremi woo pulu pənə; diɛ mą: «Lɛɛ ka ŋɛ̨i ə́ kaa gɛi, Yai-Laa ku wɔ Yálá hvo ə́ tɔɔ li, yɛ kɛ ku hvo ku mąąkilɛ Eziptə.

Ɉeremi 43:4

Karea lon Yohanan mąn, gɔ́kulaa nwun nąmįną mąn, nu ta lɔpee hvo gɛ hvo nwəli tɔɔ Yai-Laa woo ɓa, yɛ kɛ di lɛɛ Ɉuda lɔi hu.

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Mise 1:2

Yɛ diɛ: Hį́i kəlee, 'ka ka wəli tɔɔ! Lɔi, ə pɛlɛ ɉu hɛnŋąą diɛ, aa həli kaa! Nąmu Yálá kaa bɔ ə ka hɔn mo! Yai-Laa, yaa tii nwɔ pɛlɛ́ mąąhəɠɛɛ mui.

Malasi 2:14

Ka kɛ mąąnįn kɛ kɛi, kaa kɛ mą: Lə mɛ̨nį ɓa, Yálá hvo kɛa bɔ? Mąąhɔlɔɓo, ká ká woo kwɛlɛ ka láŋą nɛ̨ɛ̨ ɓa, Yálá kaa a kɛla ká yaa ka lɔwai; Ya pa, yáá kpįnįi ɓə ɉəɠə ɉu, ə kɛ a ə́ nɛ̨ą, a ə́ hiɛ gee pulu. Kɛlaa ya ka, yáá vulu, yáá nɛɛ.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

Nwun mąąɓo 11:10

Nąąlɔwai, Galaadə kalanɉonŋaa, diɛ Ɉɛfte ɓa: «Yai-Laa kaa a gu wɔ kɛla, yii kpɔ ŋɛ̨i ku mo, kwa gɛ tii.»

Samuɛlə dɔlɔɔ 12:5

Samuɛlə yɛ diɛ: «Yai-Laa ɓə a ka gu lɔwai kɛla; da nui ə ɉee a tɔɔmun, háákələi, ka hvo hɛn da kaa li ɲə́i.» Di kəlee diɛ mą: «Ya kpɔ ɓə a gɛla.»

Samuɛlə dɔlɔɔ 20:42

Ɉonatan yɛ Davidə ɓa: «Li a ə́ liilaa yɛ́, yii lɔ gu nu hveelɛi gu gu kwɛla gu kee ɓa a Yai-Laa laa. Yai-Laa ə kɛ gwa yɛ́ gu lɔwai, ə́ huwu da ɉúwu di lɔwai, və́ ɲɛ̨n dee li!»